TAHARAT COURSE (Part-2)

 

💦 Taharat Course (Part-305)

🌹 Sharayi Ma’zoor Ke Masaail Bahut Zyaada Important Hain..Ab Hum Padhenge Ke Sharayi Ma’zoor Kise Kehte Hain Aur Is Ke Ahkaam Kya Hain. Waise To Hum Ne Hajj o Umrah Course Ke Masaail Mein Isay Samjha Diya Tha, Lekin Dobara Arz Kar Rahi Hoon.. Taake Jo Behne Wahan Shamil Nahin Thi Un Ke Liye Bhi Samajh Aa Jaaye, Aur Baqiyon Ke Liye Yeh Revision Ho Jaaye...

🌼 Yeh Sharayi Ma’zoor Ke Masaail Khaas Taur Par Bahut Aham Hain, Specially Ladies Ke Liye. Mardon Mein Bhi Kabhi Peshab Wagairah Ke Qatron Ke Nikalne Ki Bimari Ho Jaati Hai, Lekin Aurton Mein Bilkhusoos Aaj Kal Istehaza Ka Masla Zyaada Paaya Jaa Raha Hai...

🌹 Agar Aaj Ke Halaat Ka Muqabla Pehle Se Karein, To Yeh Masaail Badhte Hue Nazar Aa Rahe Hain. Shayad Iski Wajah Ghiza (Food) Mein Tabdeeli, Medicines Ka Istemal, Aur Hormonal Changes Hain...

🌼 Aksar Dekha Gaya Hai Ke Jab Se Haiz o Nifas Ke Masaail Bayan Kiye Jaa Rahe Hain, Tab Se Le Kar Ab Tak In Masaail Mein Izaafa Hi Nazar Aaya Hai. Yahan Tak Ke Young Bachchiyan.... Yaani 18 Saal Ya 20s Ki Umar Mein... Bhi Istehaza Ke Masaail Ka Shikar Ho Rahi Hain. Kuch Ke Saath Har Mahine Yeh Muamla Hota Hai, Aur Kuch Mein Istimraar (Continuous Bleeding) Ki Soorat Bhi Paayi Gayi Hai..

🌹 Is Liye In Masaail Ko Samajhna Bahut Zaroori Hai. Kam Az Kam Ghar Mein Ek Shakhs Toh Aisa Ho Jo In Masaail Ko Theek Se Samajhta Ho, Taake Agar Doosre Na Seekh Paayein To Unki Rehnumai Kar Sake..

🌼 Seekhna To Har Ek Par Lazim Hai, Lekin Jab Tak Koi Khud Nahin Seekh Pata, Tab Tak Kisi Doosre Ka Madad Kar Dena Bhi Ek Badi Khidmat Hai. Is Liye Zaroori Hai Ke Ghar Mein Koi Na Koi Sharayi Ma’zoor Ke Masaail Samajhne Wala Ho...

Continue...

Ubaid-e-Raza Official

💦 Taharat Course (Part-306)

🤔 Sharayi Ma’zoor Kaun Hota Hai.? 

💖 Woh Shakhs Jo Apne Wuzu Ko Control Nahin Kar Paa Raha Ho, Aur Uska Wuzu Baar Baar Toot Raha Ho.. Yahan Tak Ke Woh Apne Waqt Ki Farz Namaz Bhi Poore Wuzu Ke Saath Ada Na Kar Paaye... Yaani Poori Namaz Wuzu Ke Saath Mukammal Na Ho Paati Ho.. Toh Aisa Banda Ya Bandi Sharayi Ma’zoor Kehlata Hai۔..

🌻 Mard Ko Sharayi Ma’zoor Kehte Hain Aur Aurat Ko Sharayi Ma’zoorah Kaha Jaata Hai...

💖 Misal Ke Taur Par: Kisi Ko Peshab Ke Qatron Ki Bimari Ho.. Lagataar Qatre Nikalte Rehte Hain .. Aur Yeh Aapko Maloom Hai Ke Sharmgah Se Koi Bhi Cheez Nikle To Wuzu Toot Jaata Hai.. Is Liye Agar Thoda Sa Bhi Qatra Nikla, Toh Wuzu Toot Gaya..

🌻 Ab Agar Zuhr Ka Waqt Shuru Hua, Aur Aurat Ne Wuzu Karke Namaz Padhne Ki Koshish Ki. Lekin Wuzu Ke Baad Fauran Qatra Nikal Gaya Aur Wuzu Toot Gaya.. Ya Namaz Shuru Ki, Lekin Salam Pherne Se Pehle Hi Wuzu Toot Gaya..

💖 Phir Dobara Wuzu Kiya, Phir Namaz Padhi.. Lekin Phir Wahi Masla Ho Gaya.. Yeh Silsila Chalta Raha Yahan Tak Ke Zuhr Ka Waqt Khatam Hone Ke Qareeb Aa Gaya.. Ab Agar Woh Dobara Wuzu Karke Namaz Padhe, Toh Waqt Hi Nikal Jayega.. Toh Aisi Soorat Mein Hum Kahenge Ke Yeh Aurat Sharayi Ma’zoorah Ho Gayi..

🌻 Yaani Woh Shakhs Jo Apne Waqt Ki Farz Namaz Bhi Poore Wuzu Ke Saath Mukammal Taur Par Ada Na Kar Paaye, Use Sharayi Ma’zoor Kaha Jaata Hai..

💖 Aham Baat:

Agar Itna Waqt Mil Jaata Ho Ke Wuzu Karke Poori Namaz Ada Ki Jaa Sake, Toh Phir Woh Sharayi Ma’zoor Nahin Hoga.. Agar Aisa Shakhs Ma’zoor Ke Ahkaam Apne Upar Lagu Karega, Toh Uski Namaz Durust Nahin Hogi..

Continue...

Ubaid-e-Raza Official

💦 Taharat Course (Part-307)

🤔 Sharayi Ma’zoor Kab Maana Jayega.?

🪷 Iske Liye Khud Ka Ek Test Lena Hota Hai.. Test Mein Yeh Hoga Ke Poora Ek Waqt Mein Uzr Ko Dekha Jaaye...Misal Ke Taur Par, Agar Zuhr Ke Shuru Hote Hi Kisi Aurat Ko Yeh Uzr Pesh Aa Gaya, To Ab Woh Kya Kare? Zuhr Se Le Kar Asr Tak Baar Baar Apna Test Leti Rahe...

🌷 Yani Baar Baar Wuzu Kare Aur Koshish Kare Ke Apne Waqt Ki Farz Namaz Ba-Wuzu Mukammal Kar Sake.. Namaz Padh Rahi Hai Lekin Beech Mein Wuzu Toot Jaata Hai.. Toh Phir Thoda Ruk Jaaye.. 15–20 Minutes.. Phir Dobara Jaa Kar Wuzu Kare Aur Namaz Padhne Ki Koshish Kare..

🪷 Agar Phir Wahi Muamla Ho Jaaye.. Toh Phir Kuch Der Baad Dobara Koshish Kare.. Yeh Silsila Jaari Rakhe.

Jab Tak Asr Ka Waqt Qareeb Na Aa Jaaye...

🌷Jab Aakhri Waqt Aa Jaaye... Yaani 3–4 Minute Baaqi Hon. Aur Use Andaza Ho Ke Agar Ab Wuzu Kar Ke Namaz Shuru Karegi Aur Phir Wuzu Toot Jayega Aur Namaz Qaza Ho Jaayegi — To Ab Kya Kare?..

🪷 Ab Ek Final Wuzu Kare Aur Aakar Namaz Padh Le.. Is Tarah Uska Test Mukammal Ho Gaya.. Aur Woh Sharayi Ma’zoorah Qarar Paayegi..

🌷Ab Woh Isi Halat Mein Namaz Padhe.. Agarche Namaz Ke Dauran Qatre Aate Rahen.. Phir Bhi Hum Kahenge Ke Iska Wuzu Baaqi Hai Aur Uski Namaz Durust Hai..

🪷 Kyunki Allah Ta‘ala Kisi Bande Ko Uski Taqat Se Zyaada Aazmata Nahin.Qur’an e-Majeed Mein Bhi Hai Ke Allah Kisi Jaan Ko Uski Taqat Se Zyaada Mukallaf Nahin Banata..

🌷To Jahan Tak Bande Ne Koshish Ki.. Baar Baar Wuzu Karke Namaz Ada Karne Ki.. Woh Sab Maqbool Hai.. Ab Jab Us Se Zyaada Mumkin Nahin.. Toh Yeh Nahin Kaha Jayega Ke Uski Namaz Nahin Hui.. Aur Na Hi Yeh Ke Namaz Muaaf Hai..

🪷 Balke Ab Us Ke Liye Aasani Kar Di Gayi Hai.. Ke Woh Isi Halat Mein Namaz Ada Kare.. Ab Peshab Ke Qatron Ki Wajah Se Uska Wuzu Nahin Totega.. Aur Woh Apni Namaz Mukammal Kar Legi...

🌷Uski Namaz Durust Hogi Aur Usay Poora Sawab Milega.. Balke Jo Usne Baar Baar Koshish Ki Hai.. Us Par Usay Zyaada Sawab Milega..Kyunki Jis Ibadat Mein Mashaqqat Aur Takleef Zyaada Hoti Hai..Uska Sawab Bhi Zyaada Hota Hai..

🪷 To Ab Aap Test Ka Tareeqa Samajh Gaye.. Poore Ek Waqt Mein Dekhna Hai Ke Aap Sharayi Ma’zoor Ban Rahe Hain Ya Nahin.. Aakhir Mein Isi Halat Mein Wuzu Karke Namaz Ada Kar Leni Hai..Ab Agle Waqt Ki Namaz Se Us Ke Liye Mazeed Aasani Hogi .. Jo Main Aap Ko Aage Arz Karungi..

Continue...

Ubaid-e-Raza Official

💦 Taharat Course (Part-308)

♦️Ab Ek Sawal Paida Hota Hai Ke Kabhi Kabhaar Aisa Hota Hai Ki Hum Ne Poore Waqt Mein Test Nahin Liya... Misal Ke Taur Par, Jab Hum Ne Wuzu Kiya Toh Zuhr Ka Aadha Waqt Guzar Chuka Tha, Lekin Us Ke Baad Hamein Yeh Problem Lahiq Ho Gayi .. Toh Ab Kya Karein?

🌷 Is Soorat Mein Bhi Aap Ke Liye Hukm Wahi Hai Ke Waqt Ke Aakhir Tak Dekhte Rahen, Koshish Karte Rahen Aur Baar Baar Test Lete Rahen. Phir Aakhir Waqt Mein Namaz Ada Kar Len. Agle Waqt Mein Dobara Test Lena Hoga, Kyunki Aadhe Waqt Ka Test Mu'tabar (Consider) Nahin Hota. Zaroori Hai Ke Poore Ek Namaz Ke Waqt Ka Jaiza Liya Jaaye...

♦️Agar Aap Us Waqt Mein Test Na Kar Sakein Ya Achanak Istehaza Shuru Ho Jaaye, Toh Ab Agle Waqt Ko Dekhein.. Yaani Asr Se Maghrib Tak... Is Dauran Bhi Koshish Karti Rahen Ke Apni Namaz Ada Kar Len Aur Saath Saath Test Bhi Leti Rahen...

🌷 Agar Asr Se Maghrib Ke Darmiyan Test Karte Hue Yeh Sabit Ho Jaaye Ke Waqayi Aap Sharayi Mazoorah Hain, Yaani Poora Ek Waqt Test Ho Gaya, Toh Ab Kya Hukm Hoga?.Is Soorat Mein Hum Kahenge Ke Aap Ki Zuhr Ki Namaz Ada Ho Gayi, Kyunki Aap Waqayi Sharayi Mazoorah Hain...

♦️Lekin Agar Zuhr Se Asr Ke Darmiyan Test Karne Se Yeh Maloom Ho Ke Aap Sharayi Mazoor Nahin The.. Toh Aap Ki Woh Zuhr Ki Namaz Ada Nahin Hui. Chunki Aap Sharayi Mazoor Nahin The, Is Liye Aap Ko Woh Namaz Dobara Padhni Hogi... Yaani Usnamaz Ko Repeat Karna Zaroori Hoga...

🌷 Yeh Hai Poora Mu‘amla... Is Liye Jab Aisi Soorat Pesh Aaye, Toh Achhi Tarah Gaur o Fikr Kar Ke Yeh Faisla Karein Ke Aap Sharayi Mazoor Hain Ya Nahin.

Continue...

Ubaid-e-Raza Official

💦 Taharat Course (Part-309) 

Sharayi Ma’zoor Ke Liye Aasani

🌺 Jab Kisi Shakhs Ke Liye Ye Sabit Ho Jaaye Ke Woh Sharayi Ma’zoor Hai (Poore Waqt Test Ke Baad), Toh Ab Har Nayi Namaz Ke Waqt Usay Naya Wuzu Karna Hoga...

🌻 Wuzu Karne Ke Baad Us Khaas Bimari (Uzr) Ki Wajah Se Uska Wuzu Nahin Tootega, Chahe Poore Waqt Woh Uzr Paaya Jaata Rahe Ye Wuzu Us Waqt Tak Baaqi Rahega Jab Tak Namaz Ka Waqt Khatm Na Ho Jaaye.. Waqt Khatm Hote Hi Wuzu Toot Jayega Aur Agle Waqt Ke Liye Naya Wuzu Zaroori Hoga..

🌺 Haan, Agar Us Bimari Ke Ilawa Koi Doosri Wuzu Ko Todne Wali Wajah Paayi Jaaye... Jaise Hawa Kharij Hona, Khoon Ya Peep Nikalna, Sona Ya Washroom Jaana.. Toh Wuzu Toot Jayega Aur Dobara Karna Padega.

🌻 Isi Tarah, Sirf Usi Khaas Uzr Ki Wajah Se Rukh­sat Hoti Hai.. Misal Ke Taur Par Istehaza Ka Khoon Wuzu Ko Nahin Todta, Lekin Kisi Aur Jagah Se Behne Wala Khoon Wuzu Ko Todh Dega... 

🌺 Isi Tarah Kisi Ko Peshab Ke Qatre Aane Ki Bimari Thi Aur Zuhr Ke Aakhir Waqt Mein Maloom Ho Gaya Ke Woh Sharayi Ma’zoor Hai.. Ab Jaise Hi Asr Ka Waqt Shuru Hua, Usne Naya Wuzu Kiya Aur Namaz Padhi, Toh Ab Asr Ke Poore Waqt Mein Peshab Ke Qatre Aane Se Uska Wuzu Nahin Tootega Lekin Iske ilawa Wuzu Ko Todne Wali Cheezy Paayi Jaaye Toh Wuzu Ko Todh Degi..

🌻 Ye Wuzu Kab Tak Baaqi Rahega?

Jab Tak Us Namaz Ka Waqt Khatm Na Ho Jaaye.. Yaani Maghrib Ka Waqt Shuru Hone Tak.. Kyun Ke Sharayi Ma’zoor Ka Wuzu Waqt Khatm Hone Se Toot Jaata Hai.. Is Liye Woh Poore Waqt Mein Ba-Wuzu Rahega...

🌺 Yaani Baat Ye Samajh Lijiye Ke:

▪️Bimari Ki Wajah Se Wuzu Nahin Tootega..

▪️Lekin Bimari Ke Ilawa Kisi Aur Wajah Se Wuzu Toot Sakta Hai..

▪️Har Namaz Ke Waqt Ke Liye Naya Wuzu Karna Zaroori Hota Hai..

Continue…

Ubaid-e-Raza Official

💦 Taharat Course (Part-310)

 Sharayi Mazoor Ke Kapdon Ki Paaki Ka Masla: 

♦️Doosra Point Yeh Hai Ke Jo Yeh Relaxation (Aasani) Di Gayi Hai, Woh Sirf Wuzu Ke Muamle Mein Hai. Kapdon Ki Paaki Ka Khayal Rakhna Ab Bhi Aap Par Farz Aur Lazim Hai...Yaani Har Namaz Ke Waqt, Jab Bhi Aap Namaz Ke Liye Khadi Hongi, Toh Kapdon Ka Paak Hona Zaroori Hai...

🔹Aisa Nahin Hai Ke Sharayi Mazoor Hone Ki Wajah Se Napaaki Ki Halat Mein Namaz Padh Li Jaaye... Kapde Paak Hona Baharhaal Farz Hai...

♦️Is Liye Jin Aurton Ko Istehaza Hota Hai, Un Par Lazim Hai Ke Har Namaz Ke Liye Apne Kapde Paak Kar Ke Namaz Padhein. Is Mein Thodi Mashaqqat Zaroor Hoti Hai, Lekin Hukm Yahi Hai Ke Aurat Apne Kapde Change Kare...

🔹Isi Tarah Agar Sanitary Pads Wagairah Istemal Kar Rahi Hain, Toh Unhein Bhi Har Namaz Ke Liye Change Karna Hoga..

Ab Napaaki Ke Miqdar Ka Hukm:

♦️Agar Kapde Par Khoon Wagairah Ek Dirham Se Kam Ho, Toh Namaz Ada Ho Jayegi, Agarche Khilaf e Sunnat Hogi...Agar Napaaki Ek Dirham Ke Barabar Ho, To Namaz Ho To Jayegi, Lekin Uska I‘aada (Dobara Padhna) Wajib Hoga.

Aur Agar Ek Dirham Se Zyaada Ho, Toh Phir Namaz Ada Hi Nahin Hogi...Is Liye In Baaton Ka Khas Khayal Rakhna Zaroori Hai...

Continue…

Ubaid-e-Raza Official

💦 Taharat Course (Part-311) 

Sharayi Mazoor Ke Kapdon Ki Paaki Ka Masla: 

🌺 Lekin Agar Kapde Change Karne Ke Muamle Mein Bhi Aisi Soorat Ho Ke Aurat Ko Pata Ho Ke Usay Itni Zyaada Bleeding Ho Rahi Hai Ke Agar Woh Kapde Change Kar Ke Namaz Padhegi, Toh Namaz Ke Dauran Hi Ek Dirham Ya Us Se Zyaada Napaaki Dobara Lag Jayegi.. Yaani Bleeding Itni Heavy Ho.. Toh Phir Aisi Soorat Mein Aurat Usi Halat Mein Namaz Padh Sakti Hai. Kapde Change Karna Zaroori Nahin Rahega.

🌹Kapde Change Us Waqt Kiye Jayenge Jab Paaki Ke Saath Namaz Ko Mukammal Karna Mumkin Ho.. Yaani Agar Maloom Hai Ke Change Karne Ka Koi Faida Nahin, Aur Namaz Khatam Hone Se Pehle Hi Dobara Ek Dirham Se Zyaada Khoon Lag Jayega, Toh Phir Change Karne Ki Hajat Nahin...Aisi Soorat Mein Aurat Usi Halat Mein Apni Namaz Ada Kare...

🌺 Aur Yaad Rakhein, Baad Mein In Namazon Ka I‘aada (Dobara Padhna) Bhi Lazim Nahin Hota. Yani Yeh Zaroori Nahin Ke Baad Mein Un Namazon Ko Repeat Kiya Jaaye..

🌹 Jab Sharayi Uzr Khatm Ho Jaaye Aur Aurat Mazoor Na Rahe, Toh Us Ke Baad Wali Namazen Paaki Ke Saath Ada Ki Jayengi. Lekin Jo Namazen Uzr Ke Dauran Padhi Gayi Hain, Un Ki Na Qaza Hai Aur Na I‘aada...

🌺 Kyunki Us Waqt Woh Waqayi Mazoor Thi, Aur Us Ke Paas Uzr Maujood Tha, Is Liye Shariat Ne Usay Rukhsat Di Hai..

Continue…

Ubaid-e-Raza Official

💦 Taharat Course (Part-312)

Sharayi Mazoor Ke Kapdon Ki Paaki Ka Masla: 

💞 Jo Bahut Zyaada Buzurg Log Hote Hain, Kabhi Kabhi Aisa Hota Hai Ke Woh Zyaada Umar Ki Wajah Se Bistar Par Hote Hain. Is Soorat Mein Woh Sharayi Mazoor Ho Jaate Hain, Kyunki Peshab Wagairah Par Unka Control Nahin Rehta... Ya Kabhi Kisi Operation Ki Wajah Se Bhi Aisa Ho Jaata Hai Ke Control Nahin Reh Paata...

 

 Ab Aisi Surat Mein Woh Kya Karein? Wuzu Kaise Karein? 

💚Agar Unke Liye Wuzu Karna Mumkin Ho, To Unka Wuzu Karwa Diya Jaaye. Aur Agar Wuzu Karna Mumkin Na Ho, To Phir Unhein Tayammum Karwa Diya Jaaye...

💞Phir Namaz Ka Tareeqa Yeh Hoga Ke Agar Woh Baith Kar Namaz Padh Sakte Hain To Baith Kar Ada Karein... Aur Agar Baithna Bhi Mumkin Na Ho, Toh Bistar Par Let Kar Hi Namaz Ada Karein...Is Silsile Mein Ek Aham Baat Samajhni Chahiye..

💚Khaas Taur Par Jo Namazi Buzurg Hazraat Hote Hain.. Jinhon Ne Apni Zindagi Namazon Mein Guzari Hoti Hai.. Jab Umar Ka Yeh Marhala Aata Hai, To Us Waqt Bhi Unhein Sab Se Zyaada Fikr Apni Namazon Ki Hoti Hai...

💞Aksar Dekha Gaya Hai, Aur Tajraba Bhi Hai, Ke Aise Buzurg Agar Shadeed Takleef Mein Bhi Hon, Tab Bhi Unki Zaban Par Yahi Hota Hai Ke “Hamari Namaz Baaqi Hai”.

Allah Ta‘ala Hamein Bhi Aisi Namaz Ki Muhabbat Ata Farmaye...

💚Is Silsile Mein Ek Waqiya Bhi Hai... Hamare Paas Taqriban 90 Saal Ki Ek Khatoon Ka Istifta Aaya... Woh Bistar Par Thi, Na Baith Sakti Thi Aur Na Hi Wuzu Kar Sakti Thi... Unhon Ne Yeh Sawal Kiya Ke Is Soorat Mein Woh Apni Namaz Kaise Ada Karein?

💞Yeh Sawal Dekh Kar Bohot Khushi Hui Ke Is Umar Aur Is Qadar Takleef Ke Bawajood, Allah Ta‘ala Ne Unhein Namaz Ki Itni Mahabbat Ata Farmayi Ke Sab Se Pehla Khayal Yeh Hai Ke Apni Namaz Ko Mukammal Karna Hai...

Continue…

Ubaid-e-Raza Official

💦 Taharat Course (Part-313)

Sharayi Mazoor Ke Kapdon Ki Paaki Ka Masla: (Contd)

🤔 Unka Masla Yeh Tha Ke Woh Bistar Se Uth Kar Kahin Jaa Nahi Sakti Thin, Washroom Wagairah Bhi Nahi Jaa Sakti Thin, Aur Bachche Unhein Diaper Pehna Kar Rakhte The. Ab Aisi Soorat Mein Kya Kiya Jaaye?

♦️Is Ka Jawab Yeh Hai Ke Agar Wuzu Karna Mumkin Ho Aur Koi Wuzu Karwa De, Toh Wuzu Kar Liya Jaaye. Aur Agar Wuzu Karna Mumkin Na Ho.. Ya Koi Karwane Wala Na Ho To Phir Tayammum Kar Liya Jaaye, Aur Lete Lete Hi Namaz Ada Ki Jaaye...

🌹Kapdon Ke Hawale Se Agar Kapde Change Karna Mumkin Ho, To Zaroor Change Kiye Jayen. Lekin Unki Halat Yeh Thi Ke Zyaada Umar Ki Wajah Se Skin Bohot Nazuk Ho Chuki Thi, Aur Kapde Ya Diaper Change Karne Se Unhein Shadeed Takleef Hoti Thi, Hatta Ke Jild Mutassir Hoti Thi...

♦️To Aisi Soorat Mein Yeh Hukm Diya Gaya Ke Woh Usi Diaper Ke Saath Namaz Ada Kar Sakti Hain, Aur Unki Namaz Ho Jayegi...

🌹 Haan, Agar Baad Mein Sehat Mein Kuch Behtari Ho Jaaye Aur Kapde Ya Diaper Change Karna Mumkin Ho, Toh Phir Change Kar Ke Namaz Ada Ki Jaaye...

♦️Aur Kyunki Woh Khud Change Nahin Kar Sakti Thin, Kabhi Bachche Maujood Hote Hain Aur Kabhi Masroofiyat Ki Wajah Se Waqt Par Nahin Aa Paate, Toh Aisi Soorat Mein Jab Madad Dastiyab Na Ho, Woh Usi Halat Mein Namaz Ada Kar Len...Aur Agar Change Karwa Diya Jaaye, Toh Phir Paaki Ke Saath Namaz Ada Karna Behtar Hai..

🌹is Se Yeh Baat Wazeh Hoti Hai Ke Jaise Jaise Bimaari Aur Aazmaish Badhti Hai, Waise Waise Shariat Ibadat Ke Muamle Mein Aasaniyan Paida Karti Hai..Lekin Is Ke Bawajood, Jahan Tak Mumkin Ho, Kapdon Ki Paaki Ka Khayal Rakhna Zaroori Hai..

Continue…

Ubaid-e-Raza Official

💦 Taharat Course (Part-314) 

💞 Teesra Point Yeh Yaad Rakhein Ke Agar Kisi Bhi Tarah Aap In A'azaar Ko.. Chahe Peshab Ke Katre Hon Ya Koi Aur Bimaari.. Rok Sakte Hain, Toh Unhein Rokna Aap Par Lazim Hai..Yeh Rokna Optional Nahin, Balki Farz Ke Darje Mein Hai. Kyun Ki Namaz Ba Wuzu Aur Paaki Ki Halat Mein Ada Karna Farz-e-‘Ain Hai...

🪷 Is Liye Aisa Nahin Ke Insaan Koi Koshish Hi Na Kare Aur Keh De Ke “Main Sharayi Mazoor Ho Gaya, Ab Isi Halat Mein Namaz Padh Leta Hoon.” Nahin! Jab Tak Aap Ke Paas Koi Tareeqa Ya Option Maujood Ho Jiske Zariye Aap Apni Namaz Ba-Wuzu Aur Paaki Ke Saath Ada Kar Sakte Hain, Toh Us Tareeqe Ko Ikhtiyar Karna Zaroori Hai...

💞 Yahan Tak Ke Ulama-e-Kiram Ne Yeh Bhi Farmaya:

Agar Kisi Ko Wuzu Karne Ki Wajah Se (Jaise Thande Paani Ki Wajah Se) Peshab Ke Katre Nikalte Hain, Lekin Wuzu Na Karne Par Katre Nahin Aate, To Aisi Soorat Mein Woh Wuzu Na Kare, Balki Tayammum Kar Ke Namaz Ada Kare...

🪷 Isi Tarah Agar Kisi Shakhs Ko Khade Hone, Ruku Aur Sajde Mein Jaane Aur Wapas Uthne Ki Harkat Ki Wajah Se Katre Nikalte Hain, Toh Us Ke Liye Hukm Yeh Hai Ke Woh Baith Kar Namaz Ada Kare...Aur Agar Baith Kar Bhi Masla Barqarar Rahe, Toh Phir Isharon (Signals) Ke Saath Namaz Ada Kare.. Yaani Aisa Tareeqa Ikhtiyar Kare Jismein Katre Kharij Na Hon..

💞 Maqsad Yeh Hai Ke Har Woh Soorat Ikhtiyar Ki Jaye Jismein Namaz Zyaada Se Zyaada Paaki Aur Wuzu Ke Ehtimaam Ke Saath Ada Ho Sake...

Continue…

Ubaid-e-Raza Official

💦 Taharat Course (Part-315)

🌷Yunhi Agar Aurat Ko Istehaza Ka Marz Lahiq Ho Jaaye, Toh Agar Woh Sharmgaah Mein Koi Cheez Rakh Kar Khoon Ko Rok Sakti Ho, Toh Us Par Lazim Hai Ke Usay Rokne Ki Koshish Kare...

🪷 Misal Ke Taur Par, Agar Chhota Kapde Ka Tukda Rakh Kar Rok Sakti Hai To Rok Le, Ya Rui (Cotton) Rakh Kar Rok Sakti Hai To Rok Le. Yeh Baatein Kitaabon (Jaise Bahar e Shariat) Mein Bhi Mazkoor Hain...Aaj Ke Daur Mein Aisi Kai Cheezein Maujood Hain Jin Ke Zariye Istehaza Ka Khoon Roka Jaa Sakta Hai...

🌷Aap Jaante Hain Ke Jab Tak Khoon Bahar Zahir Na Ho, Us Waqt Tak Wuzu Nahi Toot’ta. Wuzu Us Waqt Toot’ta Hai Jab Sharmgaah Se Koi Cheez Bahar Nikle, Chahe Thodi Si Hi Kyun Na Ho. Lekin Agar Woh Andar Hi Andar Ho Aur Bahar Na Aaye, Toh Wuzu Barqarar Rehta Hai...

🪷 Isi Liye Kaha Gaya Hai Ke Agar Sharmgaah Mein Koi Cheez Rakh Kar Khoon Ko Bahar Aane Se Roka Jaa Sakta Ho, Toh Usay Rokna Zaroori Hai..Aaj Kal Is Ke Liye Tampons Aur Menstrual Cups Bhi Available Hain... Inka Istemal Kar Ke Aurat In Masail Se Bach Sakti Hai, Is Liye Koshish Kare Ke Inka Istemal Seekh Le... Khaas Taur Par Woh Aurat Jise Istehaza Ka Masla Rehta Ho, Kyun Ki Yeh Masla Kaafi Aam Hai...

🌷 Jab Tak Aurat Koshish Kar Rahi Hai, To Us Halat Mein Namaz Ada Kar Sakti Hai. Lekin Dheere Dheere In Cheezon Ka Istemal Seekh Lena Chahiye, Taake Namaz Ba-Wuzu Aur Paaki Ke Saath Aasani Se Ada Ho Sake...

🪷 Yaqeenan Is Se Bahut Zyaada Aasani Paida Ho Jaati Hai. Jis Aurat Ko Istehaza Hota Hai, Woh Achhi Tarah Samajh Sakti Hai Ke Is Mein Kitni Aazmaish Hoti Hai.. Har Namaz Ke Liye Paaki Ka Khayal Rakhna, Baar Baar Pads Change Karna Ya Kapde Paak Karna Ek Mushkil Kaam Hota Hai...

🌷 Phir Agar Bahar Jaana Ho, Toh Wuzu Aur Paaki Ka Masla Aur Zyaada Mushkil Ho Jaata Hai.. Kahin Wuzu Toot Gaya, Phir Dobara Wuzu Karein, Kapde Paak Karein, Kisi Ke Ghar Par Hon To Aur Mushkil...Is Liye In Tamaam Masail Se Bachne Ke Liye Behtar Yahi Hai Ke Tampons Ya Menstrual Cups Jaisi Cheezon Ka Istemal Seekh Liya Jaaye, Taake Ibadat Mein Aasani Ho...

Continue…

Ubaid-e-Raza Official

💦 Taharat Course (Part-316)

🔹 Ek Aur Aham Point Sharayi Mazoor Ke Hawale Se Yaad Rakhein:

Sharayi Mazoor Ka Wuzu Kab Toot’ta Hai?

Woh Us Waqt Toot’ta Hai Jab Namaz Ka Waqt Khatam Ho Jaata Hai. Yaani Ek Namaz Ka Waqt Nikalte Hi, Doosri Namaz Ka Waqt Shuru Hota Hai Toh Pehle Wala Wuzu Khatm Ho Jaata Hai...

♦️Is Liye Hamesha Yeh Ahtiyaat Karein Ke Jab Naya Namaz Ka Waqt Shuru Ho, Toh Us Ke Baad Jab Pehli Martaba Woh Uzr (Bimaari) Zahir Ho Jis Ki Wajah Se Aap Sharayi Mazoor Bane Hain, Us Ke Baad Wuzu Karein...

🔹Waise To Sharayi Mazoor Ka Wuzu Waqt Nikalne Se Toot Hi Jata Hai, Is Liye Nayi Namaz Ke Liye Wuzu Karna Zaroori Hota Hai.Lekin Ek Aur Baat Samajhna Zaroori Hai..Jab Naye Waqt Mein Pehli Martaba Woh Uzr Zahir Ho, Toh Us Ke Baad Dobara Wuzu Kar Lena Chahiye...

♦️Iski Wajah Samajh Lijiye..Misal Ke Taur Par, Ek Aurat Istehaza Ki Wajah Se Shar‘ai Mazoor Hai. Us Ne Asr Ke Baad Wuzu Kar Ke Namaz Ada Ki. Phir Maghrib Ka Waqt Shuru Hua..

🔹Ab Maghrib Ke Waqt Mein Us Ne Wuzu Kiya Aur Namaz Ada Kar Li.. Lekin Abhi Tak Usay Istehaza Ka Khoon Nahin Nikla Tha Jab Namaz Mukammal Ho Gayi, Us Ke Baad Khoon Ka Drop Nikla...

♦️ Toh Ab Us Ka Wuzu Toot Jayega. Kyun?

Kyunki Jo Wuzu Us Ne Maghrib Ke Waqt Kiya Tha, Woh Is Drop Ke Nikalne Ki Wajah Se Nahin Tha, Balki Sirf Waqt Ke Badalne Ki Wajah Se Tha...

🔹Lekin Agar Woh Is Drop Ke Nikalne Ke Baad Wuzu Karti, Toh Phir Us Ke Baad Dobara Istehaza Ka Khoon Aane Se Wuzu Nahin Toot’ta (Kyunki Woh Sharayi Mazoor Hai)...Isi Liye Yeh Baat Zehan Mein Rakh Len..

♦️Jab Bhi Namaz Ka Waqt Khatam Ho, Wuzu To Toot Jaata Hai Aur Naya Wuzu Karna Hota Hai. Lekin Naye Waqt Mein Jab Pehli Martaba Uzr Zahir Ho, Us Ke Baad Ek Martaba Wuzu Zaroor Karein.. Taake Baaqi Waqt Mein Us Uzr Ke Nikalne Se Wuzu Na Tootay...Is Nukte Ka Khaas Khayal Rakhna Chahiye...

Continue…

Ubaid-e-Raza Official

💦 Taharat Course (Part-317)

🌼 Ab Main Aap Ko Waqt Ka Masla Samjhati Hoon. Yeh Ek Bareek Nukta Hai, Ise Yaad Rakhna Chahiye Ke Banda Kab Tak Sharayi Mazoor Rehta Hai...Dekhiye, Jab Tak Kisi Bhi Namaz Ke Poore Waqt Mein Ek Martaba Bhi Woh Bimaari Zahir Ho Jaaye Chahe Sirf Ek Qatra Hi Kyun Na Ho Toh Banda Sharayi Mazoor Hi Rehta Hai...

🌻Misal Ke Taur Par, Kisi Ko Peshab Ke Qatron Ka Masla Tha Jo Pehle Lagataar Hota Tha... Baad Mein Treatment Ki Wajah Se Kam Ho Gaya. Ya Istehaza Ka Khoon Hai Jo Dheere Dheere Kam Hone Lagta Hai...Ab Agar Poore Namaz Ke Waqt Mein Sirf Ek Martaba Bhi Qatra Nikal Gaya, Aur Baaqi Poora Waqt Theek Raha, Tab Bhi Woh Shakhs Sharayi Mazoor Hi Rahega..

🌼 Chahe Aurat Ho (Istehaza Ka Masla) Ya Mard Ho (Peshab Ke Qatron Ka Masla), Donon Ke Liye Hukm Yahi Hai.. Yeh Silsila Tab Tak Jaari Rahega Jab Tak Koi Aisa Poora Namaz Ka Waqt Na Aa Jaaye Jismein Bilkul Bhi Woh Bimaari Zahir Na Ho.. Ek Martaba Bhi Nahin...

🌻 Misal Se Samajhiye: 

Ek Aurat Ko Istehaza Tha. Zuhr Se Le Kar Asr, Maghrib Aur Isha Tak Lagataar Bleeding Hoti Rahi..Agle Din Fajr Mein Bleeding Kam Ho Gayi. Us Ne Poori Fajr Ki Namaz Paaki Aur Wuzu Ke Saath Ada Ki, Lekin Aakhir Mein Ek Qatra Aa Gaya.. Toh Fajr Ke Waqt Mein Bhi Woh Sharayi Mazoor Hi Rahegi...

🌼 Phir Zuhr Ke Waqt Mein Beech Beech Mein 1–2 Qatre Aaye Toh Phir Bhi Woh Mazoor Hai...Asr Mein Bhi Aisa Hi Hua.. Toh Phir Bhi Mazoor Hai.

Lekin Jab Maghrib Ka Waqt Aaya Aur Poore Maghrib Ke Waqt Mein Ek Martaba Bhi Khoon Nahin Aaya, Toh Ab Hum Kahenge Ke Yeh Aurat Sharayi Mazoorah Ki Category Se Nikal Gayi...

🌻 Ab Woh Sharayi Mazoor Nahin Rahi.

Is Ke Baad Usay Normal Tareeqe Se, Poori Paaki Aur Wuzu Ke Ehtimam Ke Saath Namaz Ada Karni Hogi.

Aur Jo Rukhsat (Aasaniyan) Usay Pehle Hasil Thi, Woh Ab Khatm Ho Jayengi..

Continue…

Ubaid-e-Raza Official

💦 Taharat Course (Part-318)

🌺 Ab Agar Dobara.. Misal Ke Taur Par.. Agle Namaz Ke Waqt, Jaise Isha Se Phir Bleeding Shuru Ho Jaaye Aur Heavy Ho Jaaye, To Ab Kya Kare?

Is Soorat Mein Dobara Use Test Lena Padega.

Kyuki Jab Ek Martaba Sharayi Mazoor Ki Category Se Nikal Gayi, Toh Ab Dobara Us Category Mein Aane Ke Liye Naya Test Zaroori Hoga...

🌹 Yaani Agar Dobara Bleeding Shuru Ho Jaaye, Toh Poore Ek Namaz Ke Waqt Mein Dekhna Hoga Ke Kya Lagataar Ya Baar Baar Yeh Uzr Paaya Jaa Raha Hai Ya Nahin. Agar Sharait Poori Ho Jayein, To Phir Dobara Sharayi Mazoor Ka Hukm Lag Jayega...

🌺 Yeh Baat Yaad Rakhein..Aisa Nahin Hai Ke Ek Martaba Mazoor Se Nikal Gaye To Dobara Kabhi Mazoor Nahin Ban Sakte... Balke Dobara Bhi Ban Sakte Hain, Lekin Us Ke Liye Phir Se Test Lena Zaroori Hoga...

🌹Lekin Agar Kisi Ek Namaz Ke Poore Waqt Mein Ek Martaba Bhi Woh Bimaari Zahir Na Ho.. Bilkul Bhi Nahin.. Toh Phir Yaqeenan Woh Sharayi Mazoor Ki Category Se Nikal Chuka Hai...Ab Us Par Normal Logon Wale Hi Ahkaam Laagu Honge, Aur Ibadat Bhi Poori Paaki Aur Mamool Ke Mutabiq Ada Karni Hogi...

Continue…

Ubaid-e-Raza Official

💦 Taharat Course (Part-319)

🤔 Kya Sharayi Mazoor Masjid Ja Sakte Hain? 

🌻 Sharayi Mazoor Masjid Jaa Sakte Hain, Aur Tabarrukaat Ki Ziyarat Ke Liye Bhi Jaa Sakte Hain... Is Mein Mana Nahin Hai..Lekin Ek Zaroori Shart Hai..

Masjid Mein Napaaki Na Lage. Yaani Poori Ahtiyaat Ke Saath Jaana Hoga, Taake Koi Napaaki (Jaise Khoon Ya Peshab Wagairah) Masjid Mein Na Lage. Is Liye Aise Asbaab (Precautions) Ikhtiyar Karne Chahiye Jin Se Napaaki Phailne Ka Andesha Na Ho...

🤔 Jis Ke Saath Urine Bag Laga Ho, Us Ke Paaki Ka Kya Masla Hai?

🌼 Yeh Masla Yaad Rakhein Ke Jise Urine Bag Laga Hota Hai, Woh Bhi Sharayi Mazoor Ke Hukm Mein Hota Hai..Kyun Ki Urine Bag Us Ke Jism Ke Saath Attached Hota Hai Aur Har Martaba Usay Alag Karna Mumkin Nahin Hota, Is Liye Us Ka Hukm Bhi Sharayi Mazoor Jaisa Hi Hoga..

Yaani Us Par Bhi Wahi Rules Apply Honge Jo Sharayi Mazoor Ke Liye Bayan Kiye Gaye Hain...

Continue…

Ubaid-e-Raza Official

💦 Taharat Course (Part-320)

🤔 Jo Mard Sharayi Mazoor Hon, Kya Woh Masjid Mein Jaa Kar Namaz Padh Sakte Hain?

🌺Is Ka Hukm Yeh Hai Ke Agar Woh Apne Aap Ko Control Kar Sakte Hain.. Yaani Kapdon Ki Napaaki Masjid Tak Nahin Pahunchegi Aur Masjid Napaak Hone Ka Andesha Nahin Hai To Phir Aise Shakhs Ko Masjid Mein Jaa Kar Ba-Jama‘at Namaz Ada Karni Chahiye, Khaas Taur Par Jab Us Par Jama‘at Farz Ho...

♦️Lekin Agar Aisa Masla Ho Ke Control Karna Mushkil Hai, Ya Zyaada Napaaki Nikal Rahi Hai Jis Se Masjid Ke Napaak Hone Ka Andesha Ho, Toh Phir Aise Shakhs Ke Liye Ghar Par Namaz Padhna Jaiz Hai.

Misal Ke Taur Par, Agar Kisi Ko Bohot Zyaada Peshab Ke Qatron Ka Masla Hai Aur Control Mushkil Hai, To Phir Woh Ghar Par Hi Namaz Ada Kare...

♦️Lekin Agar Soorat Yeh Ho Ke Sirf Thode Bahut Qatre Aate Hain, Jinki Wajah Se Woh Sharayi Mazoor To Hai Lekin Masjid Ko Napaak Hone Ka Khatra Nahin, Toh Phir Woh Masjid Mein Jaa Kar Namaz Ada Kar Sakta Hai... Balke Karni Chahiye...Is Tarah Sharayi Mazoor Ke Wuzu Aur Muta‘alliq Masail Takriban Mukammal Ho Gaye...

Ab Agla Mauzu‘: “Mozon Par Masa Ka Masla” 

Continue…

Ubaid-e-Raza Official

💦 Taharat Course (Part-321)

Moze (Socks) Par Masah Karna

🔹Dekhiye, Kuch Log Aise Hote Hain Jinhone Yeh Masail Na Kabhi Dekhe Hote Hain Aur Na Hi Sune Hote Hain, Jab Ke Baaz Logon Ko Iska Thoda Bahut Ilm Hota Hai. Hamare Yahan Aam Taur Par Logon Ko Socks Par Masah Karte Hue Kam Hi Dekha Gaya Hai. Haan, Agar Aap Saudi Arabia Wagairah Jayen, To Wahan Aap Dekhenge Ke Khawateen Bhi Mozon Par Masah Kar Rahi Hoti Hain Aur Mard Bhi. Agarche Baaz Log Galat Tareeqe Se Kar Rahe Hote Hain, Lekin Masah Ka Riwaaj Wahan Zyaada Nazar Aata Hai..

🌹 Ab Sawal Yeh Hai Ke Mozon Par Masah Karna Hota Kab Hai?

Yeh Amal Sarkar ﷺ Ke Amal-e-Mubarak Se Sabit Hai Aur Kai Ahadees Se Bhi Sabit Hai. Jo Shakhs Iska Inkaar Kare (معاذ الله) Ke Mozon Par Masah Karna Koi Cheez Hi Nahin Hai, Toh Woh Kafir To Nahin Hoga, Lekin Gumrah Zaroor Kehlayega...

🔹Is Silsile Mein Ek Badi Mashhoor Riwayat Hazrat Mughira Bin Shu'ba رضی اللہ تعالیٰ عنہ Se Hai. Mafoom Hai..Woh Farmate Hain Ke Ek Martaba Sarkar ﷺ Ek Qaum Ke Kooda Karkat Par Tashreef Laaye, Phir Aap Ne Peshab Farmaya, Uske Baad Sar Ka Masah Kiya Aur Mozon Par Bhi Masah Farmaya...

🌹Yeh Riwayat Itni Mashhoor Hai Ke Jo Bhi Dars-e-Nizami Karta Hai, Woh Ise Itni Baar Padhta Hai Ke Zubani Yaad Ho Jaati Hai. Khaas Taur Par Fiqh-e-Hanafi Mein Yeh Riwayat Bahut Ahmiyat Rakhti Hai. Is Se Hamein Yeh Daleel Milti Hai Ke Sar Ke Chauthai Hissa (¼) Ka Masah Farz Hai. Qur’an-e-Majeed Mein Sirf Yeh Aaya Hai Ke “Apne Saron Ka Masah Karo”, Lekin Chauthai Sar Ki Taqseem Isi Hadees Se Samajh Mein Aati Hai...

🔹Isi Riwayat Se Yeh Bhi Daleel Milti Hai Ke Agar Paon Mein Moze (Socks) Hon, Toh Un Par Masah Kiya Jaa Sakta Hai...Lihaza, Jab Koi Shakhs Wuzu Karta Hai, To Usay Ijazat Hoti Hai Ke Agar Usne Moze Pehne Hue Hain .. Aur Mozon Ki Kuch Shartein Hoti Hain (Jo Aage Bayan Ki Jayengi).. Toh Woh Un Par Masah Kar Sakta Hai...

🌹 Masah Ka Matlab Yeh Hai Ke Geele Haath Se Mozon Par Pher Lena, Poora Paon Dhona Zaroori Nahin Hota...Is Tarah Uska Wuzu Ho Jaata Hai, Aur Iska Suboot Pyare Aaqa ﷺ Ke Amal Se Bhi Milta Hai...

Continue…

Ubaid-e-Raza Official

💦 Taharat Course (Part-322)

🌻 Moze (Socks) Par Masah Ki Sharten

Yeh Baat Samajh Lijiye Ke Har Qism Ke Socks Par Masah Karna Jaiz Nahin Hota. Iske Liye Takriban 7 Shartein Hoti Hain. Unmein Se Chand Aham Sharten Yahan Bayan Ki Jaa Rahi Hain..

🌺 Sab Se Pehli Baat: Jo Moze Hon, Woh Aise Material Ke Bane Hon Jo Mota Ho Aur Paani Ko Fauran Andar Tak Na Pahunchne De..

🌻Isko Asaan Taur Par Samajhiye:

Moze Ka Ek Hissa Paon (Skin) Se Laga Hota Hai Aur Ek Bahar Ki Taraf Hota Hai. Agar Aap Bahar Wali Side Par Paani Daalen, To Woh Paani Fauran Absorb Hokar Seedha Skin Tak Nahin Pahunchna Chahiye...

🌺 Agar Moza Itna Patla Ho Ke Paani Daalte Hi Fauran Paon Tak Pahunch Jaaye.. Jaise Patla Kapda.. Toh Aise Moze Par Masah Karna Jaiz Nahin Hoga.

Lihaza, Moze Ka Material Aisa Hona Chahiye:

▪️Ya To Paani Ko Bilkul Absorb Na Kare (Jaise Rexine Wagairah), Jahan Paani Upar Se Beh Kar Nikal Jaata Hai..

▪️Ya Phir Absorb To Kare, Lekin Itni Dheemi Raftaar Se Ke Paani Fauran Paon Tak Na Pahunch Sake, Balki Dheere Dheere Drop By Drop Kuch Der Ke Baad Asar Kare..

🌻 Is Ki Wajah Yeh Hai Ke Sarkar ﷺ Ke Moze Mubarak Chamde (Leather) Ke Bane Hote The. Un Par Aap ﷺ Ne Masah Farmaya, Aur Unki Yeh Khaasiyat Thi Ke Paani Fauran Paon Tak Nahin Pahunchta Tha, Balki Dheere Dheere Asar Hota Tha.

To Aaj Ke Daur Mein Bhi Agar Kisi Ke Moze Mein Yeh Qualities Maujood Hon.. Yani:

▪️Paani Fauran Skin Tak Na Jaaye...

▪️Ya To Absorb Hi Na Kare, Ya Bohot Dheere Kare..

Toh Aise Mozon Par Masah Karna Jaiz Hoga...Yeh Mozon Ki Material Se Muta‘alliq Ek Aham Shart Hai...

Continue…

Ubaid-e-Raza Official

💦 Taharat Course (Part-323)

Mozon Par Masah Ka Masla : 

🌼 Second Condition Ye Hai Ke Kam Se Kam Mozon Ki Wajah Se Takhne (Ankle) Chhupe Hona Zaroori Hai. Ghutnon Tak Socks Hona Zaroori Nahin.. Agar Takhne Tak Paer Chhup Jaayein To Un Par Masah Kiya Jaa Sakta Hai...

🌹Isi Tarah Moze Paon Mein Bina Bandhe Hue Hi Achhi Tarah Fit Hon. Aisa Na Ho Ke Chalne Par Paon Moze Se Nikalne Lage Ya Moze Bilkul Dheele Dhaale Hon. Balkeh Moze Paon Ke Saath Theek Se Jamay Hue Hon Aur Kisi Cheez Se Baandh Kar Tight Na Kiye Gaye Hon, Balki Khud Paon Par Fit Baithte Hon...

🌼 Mozon Par Masah Ki Ijazat Sirf Wuzu Ki Soorat Mein Hai.Ghusl Ki Soorat Mein Moze Utaar Kar Paon Par Paani Bahana Farz Hai. Aisa Nahin Ho Sakta Ke Jis Par Ghusl Farz Ho Woh Moze Pehen Kar Ghusl Kar Le.. Balki Moze Nikal Kar Paon Dhona Zaroori Hoga...

🌹Is Masle Mein Aur Bhi Kayi Tafseelat Hain, Jaise Agar Moze Mein Kahin Chhed Ho To Kitna Bada Ho, Ya Agar Moza Thoda Sa Utar Jaaye Toh Kya Hukm Hai. Yeh Tamam Masail Tafseeli Hain, Jin Mein Yahan Nahin Jaa Rahe...

🌼 Agar Koi Mozon Par Masah Karne Ka Amal Karna Chahe, To Usay Chahiye Ke Pehle Tamam Masail Theek Tarah Seekh Kar Samajh Le, Phir Amal Kare...

Continue…

Ubaid-e-Raza Official

💦 Taharat Course (Part-324)

 Mozon Par Masah Ka Masla : 

🌻 Yeh Baat Bhi Yaad Rakhein Ke Jaise Pehle Bataya Gaya... Jo Woollen Socks Hote Hain Aur Paani Ko Fauran Absorb Kar Lete Hain.. Yaani Aap Un Par Paani Daalein Toh Woh Seedha Paon Tak Pahunch Jaata Hai... Aise Mozon Par Masah Karna Jaiz Nahin Hota..

🌺 Aksar Aap Saudi Arabia Mein Dekhte Hain Ke Log Bahut Patle, Stocking Type Socks Pehente Hain, Jo Itne Bareek Hote Hain Ke Paon Ki Skin Ka Color Bhi Nazar Aata Hai. Aise Patle Mozon Par Masah Karna Durust Nahin Hota...

🌻Is Liye Agar Kisi Ne Aise Mozon Par Masah Kiya, Toh Masah Sahih Nahin Hua... Aur Jab Masah Sahih Nahin Hua Toh Wuzu Bhi Sahih Nahin Hoga, Kyunki Paon Dhona Farz Tha Jo Ada Nahin Hua. Aur Jab Wuzu Hi Sahih Na Ho, Toh Namaz Aur Dusri Ibadaat Bhi Sahih Nahin Hoti...

Continue…

Ubaid-e-Raza Official

💦 Taharat Course (Part-325)

Mozon Par Masah Ka Masla : 

💖 Mozon Par Masah Ke Liye Yeh Zaroori Hai Ke Kam Se Kam Paon Dho Kar Moze Pehne Gaye Hon. Yaani Yeh Zaroori Nahi Ke Poora Wuzu Karne Ke Baad Hi Moze Pehnein, Balki Itna Zaroor Hai Ke Paon Dhoye Hue Hon...

💚 Jo Log Travelling Karte Hain Ya Jahan Sakht Sardi Hoti Hai, Wahan Wuzu Karna Kabhi Kabhi Mushkil Ho Jaata Hai. Aisi Soorat Mein Mozon Par Masa Karna Ek Badi Aasani Hai. Agar Sharaait Ke Mutabiq Moze Pehne Gaye Hon, Toh Is Par Amal Kar Sakte Hain, Balki Sunnat Ki Niyyat Se Karenge To Sawab Bhi Milega...

💖 Lekin Yaad Rakhein, Moze Pehnenge Kab?

Kam Se Kam Paon Dho Kar Pehnein. Agar Us Waqt Poora Wuzu Nahin Kiya, Toh Baad Mein Wuzu Mukammal Karna Zaroori Hai.. Yaani Chehra, Haath Wagairah Dhona...

💚 Agar Moze Pehenne Ke Baad, Wuzu Mukammal Karne Se Pehle Hi Wuzu Toot Gaya, Toh Phir Dobara Moze Nikal Kar Paon Dhona Padega, Aur Phir Se Moze Pehen Kar Wuzu Karna Hoga...

💖Is Liye Behtar Yahi Hai Ke Pehle Poora Wuzu Kar Liya Jaaye, Phir Moze Pehne Jayein, Taake Baad Mein Asaani Rahe..

Continue…

Ubaid-e-Raza Official

💦 Taharat Course (Part-326)

Mozon Par Masah Ka Masla:

 

🤔 Ab Agar Socks Pehen Liye Hain, Toh In Socks Par Masah Kab Tak Kar Sakte Hain? 

🌺Is Silsile Mein Jo Timing Hamein Ahadees-e-Mubaraka Se Milti Hai, Woh Ye Hai Ke Sarkar ﷺ Ne Irshad Farmaya:

🌷(Mafhoom Hai) Jo Shakhs Musafir Nahin Hai.. Aur Musafir Se Murad Sharayi Musafir Hai, Yaani Jo 92 Km Se Zyaada Safar Par Jaa Raha Ho Aur 15 Din Se Kam Rukne Ka Irada Ho Toh Aisa Shakhs Musafir Kehlata Hai...

🌺Musafir Ke Liye Sarkar ﷺ Ne 3 Din Aur 3 Raat, Yaani 72 Hours Tak Mozon Par Masah Karne Ki Ijazat Ata Farmayi Hai. Jab 72 Hours Mukammal Ho Jayen, Toh Phir Moza Nikal Kar Paon Dhona Lazim Hoga. Haan, Paon Dho Kar Dobara Moza Pehen Sakte Hain, Ya Wuzu Karke Dobara Pehen Len, Phir Naye Siray Se 72 Hours Ki Muddat Shuru Ho Jayegi...

🌷Isi Tarah Jo Shakhs Muqeem Ho, Yaani Musafir Na Ho..Normal Haalat Mein Ho Ya 92 Km Ke Andar Safar Kar Raha Ho Toh Aisa Shakhs Muqeem Kehlata Hai.. Muqeem Ke Liye 1 Din Aur 1 Raat, Yaani 24 Hours Ka Waqt Hai. Is Muddat Mein Jab Bhi Iska Wuzu Tootega, Toh Ye Apne Socks Par Masah Kar Sakta Hai, Paon Dhone Ki Zaroorat Nahin Hogi..

🤔 Sawal: Matlab 24 Ghante Mein Jitni Baar Bhi Wuzu Tootega, Har Baar Paon Par Sirf Masah Karna Hai?

🌺Jawab: Ji Haan, 24 Hours Ke Andar Jab Bhi Wuzu Tootega, Toh Baaqi A'aza Ka Wuzu Poora Karna Hoga, Lekin Paon Dhone Ke Bajaye Socks Par Masah Kar Sakte Hain..

Continue…

Ubaid-e-Raza Official

💦 Taharat Course (Part-327)

 Mozon Par Masah Ka Masla : 

🌻Masah Ka Tareeqa Yeh Hai Ke Haath Ko Geela Kiya Jaaye Aur Paon Ke Front Hissa (Jahan Ungliyan Shuru Hoti Hain) Se Le Kar Pichhe Tak Geele Haath Se Pochh Liya Jaaye.. Isi Ko Masah Kehte Hain. Is Tarah Masah Karna Jaiz Hai..

🌷Yeh Bhi Yaad Rakhein Ke Jaise Hi 24 Ghante (Muqeem Ke Liye) Ya 72 Ghante (Musafir Ke Liye) Mukammal Ho Jayein, Masah Ki Muddat Khatm Ho Jaati Hai. Ab Dobara Naya Wuzu Karke Paon Dho Kar Moze Pehenna Zaroori Hoga..

🌻Doosri Baat Yeh Hai Ke Agar Kisi Wajah Se Moza Utar Jaaye... Chahe Khud Utaara Ho, Ya Khud-Ba-Khud Nikal Jaaye... Ya Kisi Ne Kheench Kar Utaar Diya Ho... Toh Dekha Jayega...Agar Sirf Thoda Sa Utra Hai Toh Harj Nahin. Lekin Agar Takhna Ya Aedi Zahir Ho Gayi, Ya Paon Ka Kafi Hissa Bahar Aa Gaya, Toh Masah Toot Jayega..

🌷Aisi Soorat Mein Moze Utar Kar Paon Dho Kar Dobara Pehenna Hoga, Aur Wuzu Bhi Mukammal Karna Zaroori Hai..

 Yaani:

▪️Moza Nikalne Se, Chahe Poora Nikala Ho Ya Aadha, Masah Toot Jaata Hai..

▪️Muddat Mukammal Hone Se Masah Khatm Ho Jaata Hai..

▪️Aur Agar Kisi Par Ghusl Farz Ho Jaaye, To Bhi Moze Utarna Zaroori Ho Jaata Hai..

Yeh Woh Sooratein Hain Jinse Masah Toot Jaata Hai...

Continue…

Ubaid-e-Raza Official

💦 Taharat Course (Part-328)

 Mozon Par Masah Ka Masla :

💞 Ek Aur Baat Yaad Rakhein Ke Ye 24 Ghante Ki Timing Kab Se Shuru Hoti Hai?

Ye Us Waqt Se Shuru Nahin Hoti Jab Aap Moze Pehnte Hain.. Misal Ke Taur Par Agar Kisi Ne Subah 9 Baje Wuzu Karke Socks Pehen Liye, Toh Hum Ye Nahin Kahenge Ke Agle Din Subah 9 Baje Uske Mase Ke 24 Ghante Poore Ho Gaye...

🌺Balke, Moze Pehenne Ke Baad Pehli Martaba Jab Wuzu Tootega, Us Waqt Se 24 Ghante Ka Hisaab Shuru Hoga...

💞 Misal Ke Taur Par.. Kisi Ne 9 Baje Moze Pehne Aur 12 Baje Tak Uska Wuzu Nahi Toota. Phir Dophar 12 Baje Wuzu Toot Gaya.. Ab Yahan Se Uski Timing Shuru Hogi... Is Liye Agle Din 9 Baje Nahin, Balki Agle Din 12 Baje Tak Usko Masah Ki Rukhsat Hogi.. 12 Baje Ke Baad Phir Dobara Paon Dho Kar Moze Pehenna Padega...

🌺 Aur Agar Koi Musafir Hai, Toh Phir Ye Muddat 3 Din (72 Ghante) Hogi. Yaani Aaj 12 Baje Se Shuru Hui, Toh Agle Din 12 Baje, Phir Uske Baad Wale Din 12 Baje, Aur Teesre Din Ke 12 Baje Tak Masa Ki Ijazat Hogi. Us Ke Baad Masah Ki Muddat Khatm Ho Jaayegi..

💞 Toh Ye Masah Ke Chand Aham Masaail The Jo Aap Ko Bataye Gaye, Taake Koi Shakhs Chahe Toh Aasani Se Is Par Amal Kar Sake...

Ab Agla Mouzu: Tayammum Ka Masla...

Continue…

Ubaid-e-Raza Official

💦 Taharat Course (Part-329)

💖 Ab Hum Tayammum Ke Masle Ki Taraf Aate Hain... Yaani Tayammum Kya Hota Hai? Ismein Kya Farz Hai? Aur Tayammum Kab Kab Kiya Jaa Sakta Hai? Tayammum Se Padhi Hui Namazon Ka I‘aadah Lazim Hai Ya Nahin? In Sab Baton Ko Ab Hum Discuss Karenge...

Sabse Pehle Ye Samajh Lein Ke Tayammum Kehte Kise Hain?

🪷 Mitti Se Paaki Hasil Karne Ki Niyat Se Apne Chehre Aur Dono Haathon Ka Kohniyon Samet Masa Karna, Tayammum Kehlata Hai...Ye Iski Definition Hai, Aur Isi Mein Tayammum Ke 3 Faraiz Bhi Shamil Hain.

 To Ye 3 Faraiz Kya Hain?

① Niyat E Tayammum..Jaise Maine Kaha Ke Mitti Se Paaki Hasil Karne Ki Niyat Ho. Isse Maloom Hua Ke Tayammum Mein Niyat Karna Farz Hai...

💖Wuzu Aur Ghusl Ke Bare Mein Hum Ne Kya Padha Tha? Wuzu Aur Ghusl Mein Niyat Karna Farz Nahin, Balki Sunnat Hai. Agar Koi Niyat Na Bhi Kare Toh Uska Wuzu Aur Ghusl Ho Jaata Hai, Kyun Ke Allah Ta‘ala Ne Paani Ko Paak Karne Wala (Mutahhir) Banaya Hai...

🪷 Lekin Mitti Mein Ye Sifat Nahin Hai... Mitti Zaati Taur Par Paak Karne Wali Nahin, Balke Aam Taur Par To Cheezon Ko Maila Karti Hai...

💖 Ye Toh Allah Ta‘ala Ka Apni Habib ﷺ Ki Ummat Par Khaas Karam Hai Ke Tayammum Ki Ijazat Ata Farmayi. Aur Ye Ek Khaas Imtiyaz Hai... Is Se Pehle Kisi Ummat Ko Tayammum Ki Ijazat Nahin Di Gayi Thi...

🪷 Is Liye Tayammum Karte Waqt Niyat Karna Zaroori Hai... Agar Kisi Ne Baghair Niyat Ke Sirf Mitti Se Haath Aur Chehra Pher Liya, Toh Uska Tayammum Nahin Hoga...

Continue…

Ubaid-e-Raza Official

💦 Taharat Course (Part-330) 

🤔 Tayammum Ki Niyat Kaise Karenge..?

💐Niyat Is Tarah Karein Ke:...“Main Tayammum Ki Niyat Kar Rahi Hoon,”..... “Paaki Hasil Karne Ki Niyat Kar Rahi Hoon,”...

Ya ...“Namaz Ke Liye Tayammum Kar Rahi Hoon.”....Is Tarah Ki Niyat Rakhna Behtareen Hai...

🌹Baaz Log Kuch Khaas Cheezon Ke Liye Tayammum Ki Niyat Karte Hain, Phir Baad Mein Woh Tayammum Doosri Cheezon Ke Liye Valid Nahin Hota. Is Liye Zyaada Detail Mein Jaaye Bighair Itna Yaad Rakhein Ke Tayammum, Paaki Hasil Karne Ya Namaz Ki Niyat Kar Ke Tayammum Karein...

💐Tayammum Mein Sabse Pehla Farz Niyat Karna Hai.. Niyat Dil Ke Iraade Ka Naam Hai, Albatta Zuban Se Keh Lena Behtar Hota Hai...

Tayammum Ke Baaqi 2 Faraiz Ye Hain:

② Chehre Ka Masa Karna..

③ Dono Hathon Ka Kohniyon Samet Masa Karna...

🌹Yahan Paani Ki Tarah Bahaana Nahin Hota, Yaani Aisa Nahin Ke Mitti Le Kar Chehre Ya Hathon Par Baha Diya Jaye. Tayammum Mein Sirf Masa Hota Hai...

Toh Tayammum Ke 3 Faraiz Hue:

① Niyat

② Chehre Ka Masa

③ Dono Hathon Ka Kohniyon Samet Masa

Inmein Se Agar Koi Ek Cheez Bhi Reh Jaaye, To Tayammum Nahin Hoga.

💐Misal Ke Taur Par Niyat Hi Na Ho, Ya Masa Kiya Lekin Poore Chehre Ka Masa Na Hua, Toh Tayammum Sahih Nahin Hoga...

🌹Log Wuzu Mein Hi Be-Ahtiyati Kar Dete Hain, Toh Samajh Lijiye Tayammum Mein Aur Zyaada Ahtiyat Ki Zaroorat Hai. Kyunki Yahan Paani Nahin Baha Rahe Ke Woh Khud Ba Khud Ek Hissa Se Doosre Hissa Tak Pahunch Jaaye... 

💐Yahan Mitti Se Masa Kiya Jaata Hai, Is Liye Khaas Khayal Rakhein Ke Jitna Hissa Wuzu Mein Dhoya Jaata Hai, Utne Hisse Par Tayammum Mein Masa Bhi Ho...

🌹Baaz Log Aankhen Bahut Zor Se Band Kar Lete Hain, Honth Bhi Poori Tarah Band Kar Lete Hain.. Aisa Nahin Karna Chahiye... Tayammum Mein Proper Aur Mukammal Masa Hona Zaroori Hai..

💐Isi Tarah Hathon Ka Masa Karte Waqt Ungliyon Ke Darmiyan Ka Hissa Aur Kohniyon Tak Poora Hissa Ahtiyat Ke Saath Masa Karna Chahiye... Tayammum Mein Ahtiyat Ki Hajat Zyaada Hoti Hai...

Continue…

Ubaid-e-Raza Official

💦 Taharat Course (Part-331)

Tayammum Ka Tareeqa: 

🌺Ulama-E-Kiram Ne Tayammum Ka Ek Tareeqa Ye Bhi Likha Hai Ke Teen Ungliyon Se Kheench Kar Masa Kiya Jaaye. Agar Koi Is Par Amal Kare Toh Bhi Durust Hai... Lekin Ek Aasan Tareeqa Ye Hai..

🌻Sabse Pehle Niyat Karein. Phir Jahan Mitti Ho.. Ya Jis Cheez Se Tayammum Kar Rahe Ho..Us Par Donon Hatheliyan Rakhein.. Ungliyon Ko Bilkul Chipka Kar Na Rakhein, Balki Thoda Sa Spread Kar Len..

🌺Ab Donon Hatheliyan Us Mitti Par Rakh Kar Halka Sa Aage Aur Pichhe Karein.. Misal Ke Taur Par Samne Ek Tray Mein Mitti Rakhi Ho, Toh Aap Apni Donon Hatheliyan Us Par Rakh Kar Halka Sa Aage- Pichhe Karein.. Ye Aage-Pichhe Karna Sunnat Hai...

🌻Phir Jab Haath Uthayen, Toh Kabhi Kabhar Zyaada Mitti Lag Jaati Hai.. Aisi Soorat Mein Extra Mitti Jhaad Sakte Hain... Iska Tareeqa Ye Hai Ke Ek Haath Ke Anguthe Ko Doosre Haath Ke Anguthe Par Halki Si 2-3 Martaba Maar Dein, Taake Fazool Mitti Gir Jaaye..

Lekin Baqaida Zor Se Jhatakna Ya Tali Ki Tarah Haath Baja Kar Mitti Girana Durust Tareeqa Nahin..Iske Baad Unhi Hathon Se Poore Chehre Ka Achhi Tarah Masa Kar Len..

🌺Phir Dobara Isi Tarah Mitti Par Haath Rakhein, Halka Sa Aage-Pichhe Karein.. Aur Phir Ek Haath Se Doosre Haath Ka Kohniyon Samet Masa Karein..Masa Is Tarah Karein Jaise Cream Ya Lotion Rub Karte Hain.. Taake Koi Hissa Baaqi Na Reh Jaaye..

🌻Teen Ungliyon Wala Tareeqa Bhi Kiya Jaa Sakta Hai.. Lekin Ye Lotion Rub Karne Wala Tareeqa Zyaada Aasan Aur Munasib Lagta Hai.. Kyunki Ismein Kisi Hisse Ke Reh Jaane Ka Imkan Kam Hota Hai....Is Liye Jaldi Jaldi Nahin...Balki Ahtiyat Aur Tawajju Ke Sath Poore Haath Aur Chehre Ka Masa Karein.. Taake Tayammum Durust Tareeqe Se Mukammal Ho Jaaye..

Continue…

Ubaid-e-Raza Official

💦 Taharat Course (Part-332)

️⃣ Tayammum Ka Tareeka:

💖Aur Masah Mein Ye Baat Yaad Rakhein Ke Poori Hatheli Istemal Karna Zaroori Hai. Kuch Log “Mitti Lag Jayegi” Soch Kar Sirf Ungliyon Se Halka Sa Masah Kar Lete Hain, Lekin Is Tarah Tayammum Nahin Hota. Tayammum Mein Poora Haath Istemal Karna Chahiye.. Kam Az Kam Haath Ki 3 Ungliyan Chehre Par Lagna Zaroori Hain. Agar Kisi Ne Sirf Ek-Aadh Ungli Ya Sirf Finger Tips Se Masah Kiya, Toh Tayammum Sahih Nahin Hoga...

💐Dusri Baat Ye Yaad Rakhein Ke Wuzu Aur Ghusl Ke Tayammum Mein Koi Farq Nahin Hota. Donon Ka Tayammum Ek Hi Tareeqe Se Kiya Jaata Hai, Jo Ab Tak Bataya Gaya... Kuch Log Samajhte Hain Ke Ghusl Ke Tayammum Mein Zyaada Mitti Lagana Zaroori Hota Hai, Halanke Aisa Bilkul Nahin Hai... Chahe Wuzu Ka Tayammum Ho Ya Ghusl Ka, Donon Ka Tareeqa Ek Hi Hai...

💖Aur Agar Kisi Shakhs Par Wuzu Aur Ghusl Donon Lazim Hon Aur Paani Bilkul Maujood Na Ho, Toh Uske Liye 2 Alag Tayammum Karna Zaroori Nahin. Ek Hi Tayammum Donon Ke Liye Kafi Ho Jayega..

💐Yahan Tak Ke Agar Usne Sirf Wuzu Ki Niyat Se Ya Sirf Ghusl Ki Niyat Se Tayamum Kiya, Tab Bhi Wahi Tayammum Donon Ke Liye Kafi Hoga... Misal Ke Taur Par Kisi Par Wuzu Aur Ghusl Dono Farz The, Lekin Usne Sirf Wuzu Ki Niyat Ki Ya Sirf Ghusl Ki Niyat Ki, Toh Donon Sooraton Mein Tayammum Sahih Ho Jayega Aur Dobara Tayammum Karne Ki Zaroorat Nahin Hogi..

Continue…

Ubaid-e-Raza Official

💦 Taharat Course (Part-333)

️⃣ Tayammum Kin Kin Sooraton Mein Jayiz Hota Hai?

💐Ab Agla Sawal Ye Hai Ke Tayammum Kin Sooraton Mein Jayiz Hota Hai Aur Woh Kaun Si Cheezein Hain Jo Tayammum Ko Jayiz Karti Hain?

🌻Sab Se Pehli Soorat Ye Hai Ke Paani Maujood Hi Na Ho.. Kabhi Kabhi Aisa Hota Hai Ke Paani Ki Itni Kami Hoti Hai Ke Bilkul Paani Hi Dastiyab Nahi Hota.. Ab Aisi Soorat Mein Kya Kiya Jaaye?..

💐Zahir Hai Phir Bande Ko Tayammum Ki Taraf Hi Jaana Padega...Lekin Jab Bhi Ye Kaha Jaaye Ke “Paani Nahin Hai” Toh Uska Matlab Ye Nahin Ke Zara Si Mushkil Par Fauran Tayammum Kar Liya Jaaye... Maine Aap Ko Pehle Bhi “Paani Ke Bayan” Mein Samjhaya Tha Ke Bande Par Lazim Hai Ke Woh Apni Taraf Se Poori Koshish Kare Ke Paani Dhoondh Nikale..

🌻Misal Ke Taur Par Agar Aap Ke Paas Paani Nahin Hai, Toh Pados Mein Kisi Ke Paas Ho Sakta Hai, Unse Puchh Len.. Ya Muhalle Mein Kisi Aur Ke Paas Mil Sakta Hai Toh Wahan Maloom Kar Len, Taake Kam Az Kam Wuzu Ya Ghusl Ka Muamla Hal Ho Sake..

💐Isi Tarah Agar Aap Financially Itne Capable Hain Ke Paani Khareed Sakte Hain, Toh Paise De Kar Paani Hasil Karne Ki Bhi Koshish Karein...Yaani Har Mumkin Koshish Paani Istemal Karne Ke Liye Karni Zaroori Hai...

🌻Lekin Agar Waqayi Koi Soorat Hi Mumkin Na Ho Aur Paani Bilkul Dastiyab Na Ho, Toh Phir Tayammum Ki Taraf Jaana Jayiz Hoga...

💐 Aur Jab Maine Kaha Ke Koshish Karni Hai Toh Iska Matlab Safar Ke Dauran Bhi Yahi Hai.. Misal Ke Taur Se Par Aap Train, Bus Ya Plane Mein Safar Kar Rahe Hon, To Hamesha Koshish Karein Ke Wuzu Ke Liye Kuch Paani Apne Paas Zaroor Rakhein.. Aur Is Baat Ka Bhi Poora Khayal Rakhein Ke Woh Paani Musta‘aal Na Ho Jaaye..

🌻Warna Phir Use Dobara Ghair Musta‘aal Banana Padega, Jo Safar Mein Kaafi Mushkil Hota Hai.. Is Liye Pehle Se Ahtiyat Aur Tayyari Rakhni Chahiye..

Continue…

Ubaid-e-Raza Official

💦 Taharat Course (Part-334)

️⃣ Safar Mein Wuzu Aur Tayammum Ki Tayyari

🌺Aur Safar Ke Dauran Hamesha Is Baat Ka Ehtimam Rakhein Ke Agar Mumkin Ho Toh Wuzu Ke Liye Kuch Paani Apne Saath Zaroor Rakhein.. Misal Ke Taur Par Agar Aap Train Wagairah Mein Safar Kar Rahe Hain، Toh Ek Chhote Se Gallon Ya Bottle Mein Paani Saath Rakh Sakte Hain Jisse Aap Wuzu Kar Saken..

🌹Haan، Agar Koi Bahut Zyaada Aged Ho Ya Zyaada Samaan Uthana Uske Liye Mushkil Ho, Toh Uska Alag Muamla Hai.. Har Shakhs Ki Pareshani Ke Mutabiq Shari‘at Mein Rukhsat Bhi Hoti Hai۔ Lekin Aam Taur Par Ek Normal Insaan To Kaafi Additional Samaan Carry Kar Leta Hai, Is Liye Paani Ke Liye Bhi Kuch Na Kuch Intezam Zaroor Karna Chahiye...

🌺Doosri Aham Baat Ye Hai Ke Apne Saath Ek Chhota Sa Chikna Patthar Bhi Rakhein Taake Zaroorat Padne Par Tayammum Kar Saken.. Ye Patthar Aap Ke Purse Mein Hamesha Hona Chahiye.. Agar Aap Ke Paas 2-3 Purses Hain Toh Har Purse Mein Ek Chhota Sa Patthar Tayammum Ke Liye Rakh Len۔۔

🌹Fiqh-e-Hanafi Mein Tayammum Ke Muamle Mein Badi Aasani Hai۔۔ Imam e Azam Abu Hanifa Ke Nazdeek Agar Koi Shakhs Aise Chikne Patthar Par, Jisme Mitti Na Bhi Ho, Tayammum Kar Le Toh Tayammum Ho Jaata Hai. Ye Woh Shiny Type Patthar Hote Hain Jo Aksar Beach Ke Kinare Wagairah Milte Hain..

🌺Is Liye Ek Chhota Sa Patthar Bag Mein Rakhna Chahiye Taake Waqt-e-Zaroorat Aap Aasani Se Tayammum Kar Saken. Khaas Taur Par Travelling Mein Iska Hona Bahut Zaroori Hai..

🌹Jis Tarah Safar Ke Waqt Hum Passport, Dawaiyan, Bachchon Ke Khane Peene Ki Cheezein Aur Doosri Zaroori Items Ka Poora Khayal Rakhte Hain, Usi Tarah Deen Ki Zarooriyat Ka Bhi Ehtimam Hona Chahiye...

🌺Ek Taraf Ye Sochna Chahiye Ke Wuzu Ke Liye Paani Ka Kya Intezam Hoga، Aur Doosri Taraf Ye Bhi Ke Agar Tayammum Ki Zaroorat Pad Jaaye To Uska Samaan Mere Paas Maujood Ho..

🌹Aur Ek Aur Bahut Aham Cheez Ye Hai Ke Safar Mein Namazon Ke Timings Ka Bhi Pehle Se Khayal Rakha Jaaye... Namaz Kahan Ada Karni Hai, Kis Waqt Rukna Hai, Ya Kis Jagah Sahulat Milegi.. Iska Plan Bhi Pehle Se Tayyar Hona Chahiye...

🌺Jis Tarah Duniya Ke Har Kaam Ki Planning Ki Jaati Hai, Usi Tarah Namaz Ko Waqt Par Ada Karne Ki Planning Bhi Zaroor Honi Chahiye..

🌹To In 2 Cheezon Ka Khaas Khayal Rakhein:

1️⃣ Wuzu Aur Tayammum Ki Tayyari.

2️⃣ Safar Mein Namaz Waqt Par Ada Karne Ki Planning..

Continue…

Ubaid-e-Raza Official

💦 Taharat Course (Part-335)

🤔 Ab Travelling Ke Dauran Agar Kisi Ne Wuzu Ke Liye Pehle Se Koshish Bhi Ki Ho, Lekin Phir Paani Khatm Ho Gaya… Ya Jitna Pani Baaqi Hai Woh Peene Ki Zaroorat Ke Liye Chahiye, To Ab Kya Kiya Jaaye?..

🌷Dekhiye, Agar Namaz Ke Waqt Mein Abhi Gunzaish Hai, Yaani Fauran Namaz Padhna Zaroori Nahin Aur Aap Intezar Kar Sakte Hain, Toh Phir Tayammum Kar Ke Namaz Padh Lene Ka Hukm Nahin Diya Jayega... Balki Intezar Karen...

🌹Misal Ke Taur Par Aap Ko Maloom Hai Ke Agla Station Aane Wala Hai Aur Wahan Utar Kar Pani Khareed Sakte Hain Ya Wuzu Kar Sakte Hain, Toh Station Aane Ka Intezar Karen.. Phir Wahan Paani Ka Intezam Kar Ke Wuzu Karein Aur Apni Namaz Ada Karein..

🌷 Aur Chalti Train Mein Waise Bhi Namaz Ada Na Karen, Balkeh Jab Train Platform Par Ruk Jaaye Tab Namaz Ada Karein..

🌹 Lekin Agar Station To Aa Raha Hai Magar Utarna Mumkin Nahin.. Jaise Timing Bahut Kam Ho, Ya Ladies Safar Kar Rahi Hon Aur Un Ke Liye Utarna Mehfooz Na Ho.. Ya Mard Hon Lekin Mahol Aisa Ho Ke Musalmanon Ko Dekh Kar Pareshan Kiya Jata Ho, Ya Wuzu Ke Liye Utarne Mein Jaan Ya Takleef Ka Khatra Ho.. Toh Aisi Soorat Mein Tayammum Ki Ijazat Hogi..

Continue…

Ubaid-E-Raza Official

💦 Taharat Course (Part-336)

🌻To Koshish Karni Chahiye...!! Bande Par Lazim Hota Hai Ke Apne Aas-Paas Paani Talash Kare... Kam Se Kam 1 Meel (One Mile) Tak Left, Right, North, South, East Aur West... Yaani Charo Directions Mein Kisi Bhi Tarah Maloom Kare Ke Aas-Paas Paani Mil Sakta Hai Ya Nahin....

🌼 Jab Achhi Tarah Maloom Ho Jaaye Ke 1-1 Meel Tak Kahin Paani Maujood Nahin Hai, Tab Tayammum Ki Ijazat Hoti Hai... Ab Aap Kahenge: “Kya Hum Chal Kar Jaa Kar Dekhen?” ..

🌻 Nahin...! Zaroori Nahin Ke Khud Chal Kar Dekhne Jaayen.. Balki Koshish Karen, Logon Se Maloom Karen... Thoda Bahut Chalne Phirne Aur Poochhne Se Bhi Area Ka Andaza Ho Jaata Hai...

🌼 Logon Se Poochhein Ke Kahin Paani Ka Source Hai? Koi Qareebi Masjid Hai? Koi Shop, Petrol Pump Ya Aisi Jagah Hai Jahan Paani Mil Sake? Agar Kisi Bhi Direction Mein Log Batayen Ke Haan, Paani Mil Jayega, Toh Wahan Jaana Padega..

🌻 Aur Agar Kisi Ne Bata Diya Ke Yeh Sunsaan Area Hai, Aas-Paas Door Door Tak Kuch Nahin Milega Jaise Kabhi Highways Par Hota Hai.. Toh Phir Tayammum Kar Sakte Hain.. Highways Mein Waise Bhi Aadmi Ek Hi Direction Mein Jaa Sakta Hai.. Left, Right Ya Pichhe Jaane Ka Option Nahin Hota..

🌼 Isi Tarah Agar Koi Train Mein Safar Kar Raha Ho, Toh Ab Train Mein Left-Right Kahan Jaa Kar Paani Dhoondhega? Jahan Train Jaa Rahi Hai Wahi Direction Hogi.. Ya Koi Plane Mein Ho, Toh Wahan Bhi Yahi Hukm Hoga..

🌻 Yani Asal Maqsad Yeh Hai Ke Aadmi Poori Koshish Kar Le Ke Ek Meel Ke Andar Andar Kahin Paani Mil Sakta Hai Ya Nahin... Agar Pani Milne Ki Umeed Ho To Usay Hasil Karna Lazim Hoga, Aur Agar Achhi Tarah Confirm Ho Jaye Ke Paani Nahin Mil Sakta, Toh Phir Tayammum Kar Ke Namaz Padh Sakte Hain...

🌼 Aur Aaj Kal To Mobile Bhi Ismein Ek Behtareen Source Hai.. Jis Mobile Ka Hum Aksar Galat Istemal Karte Hain, Usi Ko Sharayi Aur Achhe Kaam Mein Bhi Laa Sakte Hain...

🌻Google Maps Ka Option Ismein Kaafi Madadgar Hota Hai.. Google Maps Mein Aap Dekh Sakte Hain Ke Ek Meel Ke Andar Kya Kya Cheezein Maujood Hain... Jaise Qareebi Gas Station, Petrol Pump, Shops Ya Doosri Jagahen Jahan Paani Mil Sakta Ho.. Is Tarah Bhi Aap Maloom Kar Sakte Hain Ke Aas Paas Paani Hai Ya Nahin...

🌼 Agar Paani Maujood Ho Toh Usay Hasil Karna Lazim Hoga, Aur Agar Na Ho To Tayammum Kar Ke Namaz Ada Kar Sakte Hain...

Continue…

Ubaid-E-Raza Official

💦 Taharat Course (Part-337) 

🪷 Aur Agar Aisa Hua Ke Tayammum Kar Ke Namaz Padh Li, Phir Baad Mein Pata Chala Ke Paani Mil Gaya , Ya Paani Ke Paas Se Guzar Ho Gaya, Toh Ab Us Namaz Ko Dobara Padhne Ki Zaroorat Nahin Hai.. Kyun Ke Aap Ne Paani Talash Karne Ki Poori Koshish Ki Thi, Is Liye Aap Ki Namaz Ada Ho Gayi..

💐Lekin Agar Poori Koshish Nahin Ki Thi, Sirf “Shayad Paani Nahin Milega” Yeh Soch Kar Tayammum Kar Ke Namaz Padh Li, Toh Phir Lazmi Taur Par Us Namaz Ko Dobara Padhna Padega.. Is Mein Koi Doosra Option Nahin Hai...

🪷Sabse Pehle Yeh Zaroori Hai Ke Paani Maujood Na Ho, Ya Agar Paani Maujood Bhi Ho Toh Kisi Wajah Se Aap Us Tak Pahunch Na Sakte Hon..Kabhi Aisa Bhi Hota Hai Ke Aadmi Train Ya Bus Mein Safar Kar Raha Hota Hai, Aur Filhaal Uske Paas Paani Nahin Hota.. Lekin Raaste Mein Kisi Nadi Ya Paani Ke Source Ke Paas Se Guzar Raha Hota Hai.. Toh Paani To Maujood Hai, Balkeh Ek Meel Se Bhi Zyaada Qareeb Hai.. Lekin Kya Us Paani Ko Jaa Kar Hasil Kar Sakta Hai? Nahin Na...

💐 To Sirf Paani Ka Maujood Hona Kaafi Nahin, Balki Us Tak Pahunchna Bhi Mumkin Hona Chahiye.. Yaani Ek Meel Ke Andar Paani Ho Aur Usko Laane Par Aadmi Qadir (Capable) Bhi Ho.. Ismein Yeh Bhi Zaroori Hai Ke Utar Kar Jaana Mumkin Ho, Aur Jaan, Maal Ya Kisi Bhi Tarah Ka Khatra Na Ho...

🪷Kabhi Aisa Hota Hai Ke Jagah Mehfooz Hoti Hai, Utarna Bhi Mumkin Hota Hai, Lekin Banda Khud Mazoor Hota Hai... Jaise Bahut Zyaada Umar Wale Log Train Mein Hon Aur Unke Liye Utar Kar Dobara Chadhna Mushkil Ho.. Ya Jo Saath Wale Log The Woh Utar Gaye Hon, Ya Bachche Kahin Chale Gaye Hon, Aur Ab Waqt Bhi Kam Ho Aur Koi Paani Laa Kar Dene Wala Bhi Na Ho...

💐 Toh Aisi Soorat Mein Kya Karenge?..

Namaz Nahin Chhodi Jayegi, Balki Tayammum Kar Ke Namaz Ada Ki Jayegi..

Yaani Hukm Yeh Hai Ke Pasni Itna Maujood Ho Jisse Wuzu Ya Ghusl Ho Sake, Aur Usko Hasil Karne Ki Qudrat Bhi Ho..

🪷Ek Sawal Yeh Bhi Aata Hai Ke Safar Mein Kabhi Thoda Bahut Paani Hota Hai, Jisse Wuzu Toh Ho Sakta Hai Lekin Ghusl Nahin Ho Sakta.. Toh Aisi Soorat Mein Kya Kiya Jaaye?.. Toh Aisi Soorat Mein Ghusl Ke Liye Tayammum Kar Lenge Aur Jo Paani Maujood Hai Ussay Wuzu Kar Lenge..

Continue…

Ubaid-E-Raza Official

💦 Taharat Course (Part-338)

Bimari Ki Wajah Se Tayammum Kar Sakte Hain Ya Nahi? (#01) 

🤔 Yaani Jab Koi Banda Bimar Ho Jaaye, Toh Kya Woh Tayammum Kar Sakta Hai Ya Nahin? 

💖 Sab Se Pehle Yeh Dekha Jayega Ke Bimari Aisi Hai Ya Nahin Jiski Wajah Se Paani Istemal Karne Par Marz Mein Izafa Hota Ho, Yaani Takleef Aur Zyaada Badh Jaati Ho۔ Agar Aisa Ho To Phir Koshish Ki Jayegi Ke Kisi Bhi Tarah Aisi Soorat Ikhtiyar Ki Jaye Jisse Tayammum Ki Zaroorat Na Pade Aur Wuzu Ho Sake...

🌺 Misal Ke Taur Par Kuch Patients Ko Thande Paani Se Takleef Hoti Hai, Lekin Garam Paani Istemal Karne Se Koi Pareshani Nahin Hoti.. To Unse Kaha Jayega Ke Garam Paani Istemal Kar Len..Yaani Jaisi Bhi Soorat Ho, Uske Mutabiq Pehle Wuzu Karne Ki Koshish Karni Hai..

💖 Kuch Log Aise Hote Hain Jo Sardiyon Mein Paani Istemal Nahin Kar Paate, Lekin Garmiyon Mein Kar Lete Hain.. Toh Aise Log Garmiyon Mein Wuzu Karenge Aur Sardiyon Mein Tayammum Kar Sakte Hain..

🌺 Isi Tarah Kuch Logon Ko Raat Mein Paani Istemal Karne Se Takleef Hoti Hai, Lekin Din Mein Paani Istemal Kar Pate Hain.. To Woh Raat Mein Tayammum Karenge Aur Din Mein Wuzu Karenge...

💖 Yaani Jab Tak Mumkin Ho, Hamein Wuzu Karne Ki Koshish Karni Chahiye.. Lekin Jab Waqayi Mumkin Na Ho, Tab Tayammum Ki Taraf Jayenge...

🌺 Bimari Mein Bhi Yahi Hukm Hai, Pehle Koshish Ki Jayegi Ke Wuzu Ho Jaye، Lekin Agar Waqayi Mumkin Nahin Ho Raha, Toh Sakht Bimari Ki Soorat Mein Tayammum Ki Ijazat Ho Sakti Hai.. Aur Yeh Aisi Bimari Honi Chahiye Jiske Bare Mein Yaqeen Ho...

Ab Sawal Yeh Hai Ke Yeh Yaqeen Kaise Hoga?

💖 Yaqeen Ka Matlab Yeh Hai Ke Aadmi Ko Is Baat Ka Poora Andaza Ya Tajurba Ho Ke Agar Wuzu Ya Ghusl Kar Liya, Toh Bimari Badh Jayegi, Ya Agarche Zyaada Na Badhe Lekin Paani Istemal Karne Ki Wajah Se Shifa Der Se Hogi..

To In Donon Sooraton Mein Tayammum Kar Sakte Hain...

Continue…

Ubaid-e-Raza Official

💦 Taharat Course (Part-339)

Bimari Ki Wajah Se Tayammum Kar Sakte Hain Ya Nahi? (#02)

♦️Jab Yaqeen Ho Ke Paani Istemal Karne Se Bimari Badh Jayegi, Ya Kam Az Kam Jaldi Theek Nahin Hogi.. Yaani Agar Paani Istemal Na Kiya Jaaye To 1-2 Din Mein Sehat Mil Sakti Hai, Lekin Paani Istemal Karne Ki Wajah Se Ek Mahina Ya Dedh Mahina Tak Marz Lamba Khinch Sakta Hai.. Toh Aisi Soorat Mein Bhi Tayammum Ki Ijazat Hoti Hai...

🤔 Ab Yaqeen Kaise Hasil Hoga Ke Waqayi Bimari Ki Wajah Se Tayammum Kar Sakte Hain? 

🔹sab Se Pehli Soorat Ye Hai Ke Koi Maahir, Tajurba-Kaar Aur Deendar Musalman Doctor Mashwara De Ke Paani Istemal Karna Nuqsan-Deh Hoga Aur Tayammum Karna Chahiye...Yahan Sirf Naam Ke Doctor Murad Nahin, Balki Aisa Doctor Jo Apni Field Mein Achha Professional Ho, Tajurba Rakhta Ho Aur Khauf-E-Khuda Bhi Rakhta Ho...

♦️Kyunki Aaj-Kal Kuch Doctors Aise Bhi Milte Hain Jo Har Chhoti Baat Par Keh Dete Hain Ke Namaz Chhod Dein Ya Roza Chhod Dein. Zara Si Diabetes Hui To Kehte Hain: “Kya Kar Sakte Hain, Chhod Dijiye.” Aise Doctors Ki Baat Murad Nahin Hai.

Balke Agar Koi Sach Mein Deendar, Samajhdar Aur Maahir Doctor Kahe Ke Paani Ka Istemal Aap Ke Marz Ko Badha Dega, To Phir Aap Tayammum Kar Sakte Hain...

🤔 Agar Kahin Musalman Doctor Hi Na Ho, Ya Aise Deendar Doctor Na Milen, Toh Kya Karein?

🔹Ye Bhi Aaj-Kal Bahut Zyaada Paaya Jaata Hai Ke Khauf E Khuda Rakhne Wale Doctors Milna Mushkil Ho Gaya Hai, Aur Kuch Jagahon Par Musalman Doctors Hote Hi Nahin...

♦️ Toh Aisi Soorat Mein Agar Koi Gair Muslim Ya Fasik Doctor Bhi Ho, Lekin Uski Baat Par Dil Ko Itminan Ho Jaaye, Aur Waqayi Aisa Mehsoos Ho Ke Paani Istemal Karna Nuqsan Ka Sabab Banega.. Aur Us Doctor Ka Tajurba Bhi Is Baat Ko Support Karta Ho.. Toh Phir Tayammum Ki Ijazat Ho Sakti Hai...Lekin Aisi Soorat Mein Kisi Achhe Mufti Sahab Se Mashwara Karke Amal Karna Zyaada Behtar Hai...

Toh Ye Ek Soorat Aap Ko Bata Di Gayi.

Continue…

Ubaid-E-Raza Official

💦 Taharat Course (Part-340)

Bimari Ki Wajah Se Tayammum Kar Sakte Hain Ya Nahi? (#03) 

② Doosri Soorat Ye Hai Ke Insaan Ko Apna Khud Ka Tajurba Ho.

Yaani Agar Doctor Maujood Na Bhi Ho, Lekin Zindagi Mein Pehle Kabhi Aap Ke Saath Aisa Ho Chuka Ho Ke Jab Bhi Ye Bimari Hui Aur Aap Ne Paani Istemal Kiya, Toh Uski Wajah Se Symptoms Zyaada Badh Gaye, Marz Mein Izaafa Ho Gaya Ya Sehat Der Se Mili.. Toh Aisi Soorat Mein Bhi Aap Tayammum Kar Sakte Hain...

🔸Ab Yahan Doctor Ki Rai Lena Zaroori Nahin, Kyunki Aap Ko Apne Tajurbe Se Maloom Hai Ke Aap Ka Jism Paani Istemal Karne Par Is Tarah React Karta Hai...Is Liye Apne Tajurbe Ki Buniyad Par Bhi Tayammum Ki Ijazat Hoti Hai...

Continue…

Ubaid-E-Raza Official

💦 Taharat Course (Part-341)

Bimari Ki Wajah Se Tayammum Kar Sakte Hain Ya Nahi? (#04)

③ Teesri Soorat Ye Hai Ke Na To Doctor Ki Koi Rai Maujood Ho, Aur Na Hi Pehle Ka Koi Tajurba Ho... Lekin Filhaal Jab Paani Istemal Kar Rahe Hon, Toh Mehsoos Ho Ke Dard Badh Raha Hai Ya Bimari Mein Izaafa Ho Raha Hai... Toh Aisi Soorat Mein Fauran Tayammum Ki Taraf Jaa Sakte Hain...

🔹Jaise Kabhi Kabhaar Bahut Zyaada Bukhar Ya Flu Ho Jaata Hai, Aur Ghusl Farz Ho Jaye. Ab Kisi Ne Ghusl Shuru Kiya, Lekin Ghusl Karte Karte Mehsoos Hua Ke Bukhar Aur Tez Ho Raha Hai Ya Tabiyat Zyaada Kharab Ho Rahi Hai.. Toh Poora Ghusl Mukammal Karna Zaroori Nahin... Aisi Soorat Mein Ghusl Rok Kar Tayammum Kar Sakte Hain...

🔸 Toh Chahe Pehle Ka Tajurba Ho, Ya Paani Istemal Karte Waqt Fauran Ehsaas Ho Jaaye Ke Bimari Badh Rahi Hai, Donon Sooraton Mein Tayammum Ki Ijazat Hoti Hai...

Continue…

Ubaid-E-Raza Official

💦 Taharat Course (Part-342)

Bimari Ki Wajah Se Tayammum Kar Sakte Hain Ya Nahi? (#05)

④ Ek Aur Soorat Ye Hai Ke Paani Istemal Karne Se Bimari Badhne Ka Khatra Toh Na Ho, Aur Na Hi Sehat Der Se Milne Ka Andesha Ho, Lekin Paani Istemal Karne Mein Takleef Aur Dard Hota Ho...

💐Jaise Kabhi Accident Ho Jaata Hai, Fracture Ho Jaata Hai, Ya Kisi Operation.... Misal Ke Taur Par Ghutne Ke Operation... Ki Wajah Se Doctor Ne Bed Rest Diya Ho. Aisi Soorat Mein Paani Istemal Karna Bimari Ko Nahin Badhata, Lekin Khud Uthna Baithna Ya Body Move Karna Dard Ka Sabab Banta Hai...

🌻 To Pehle Ye Dekha Jayega Ke Koi Doosra Shakhs Aa Kar Wuzu Ya Ghusl Karwa Sakta Hai Ya Nahin. Agar Koi Madad Karne Wala Maujood Ho, Toh Us Se Wuzu Karwana Chahiye... Balke Jo Saath Mein Hon Unhein Bhi Chahiye Ke Mareez Ki Madad Karein Aur Kam Az Kam Wuzu Wagairah Karwa Dein...

💐 Lekin Agar Koi Madad Karne Wala Maujood Na Ho, Ya Filhaal Sab Kisi Aur Kaam Mein Masroof Hon Aur Namaz Ka Waqt Nikalne Ka Andesha Ho, Toh Phir Aisi Soorat Mein Tayammum Kar Sakte Hain...

🌻Baaz Martaba Aisa Bhi Hota Hai Ke Koi Doosra Shakhs Wuzu Ya Ghusl Karwane Mein Madad Kare, Tab Bhi Body Move Karne Ki Wajah Se Sakht Takleef Hoti Hai. Jaise Accident Ke Baad Jism Mein Bahut Zyaada Dard Ho Aur Haath Paon Hilaana Mushkil Ho. Toh Aisi Soorat Mein Bhi Tayammum Ki Ijazat Hoti Hai...

Continue…

Ubaid-E-Raza Official

💦 Taharat Course (Part-343)

Bimari Ki Wajah Se Tayammum Kar Sakte Hain Ya Nahi? (#06)

💖 Ye Bhi Yaad Rakhein Ke Wuzu Ke Aaza... Yani Woh Body Parts Jo Wuzu Mein Dhoye Jaate Hain..Agar Unka Aksar Hissa, Yaani Aadhe Se Zyada Hissa, Aisa Ho Jis Par Paani Bahaana Mumkin Na Ho, Toh Phir Tayammum Ki Taraf Jaaya Jayega..

💚 Isi Tarah Ghusl Mein Agar Aadhe Jism Ya Us Se Zyaada Hisse Par Paani Bahaana Mumkin Na Ho, Toh Phir Tayammum Ka Hukm Hoga..Warna Agar Soorat Aisi Ho Ke Sirf Ek Haath Mein Zakhm Hai, Ya Fracture Ki Wajah Se Poore Haath Par Plaster (Pop) Laga Hua Hai Aur Usay Nikaalna Mumkin Nahin, Toh Phir Kya Karenge?..

💖 Aap Ko Yaad Hoga Ke Wuzu Ke Masail Mein Humne Patti Par Masah Ka Hukm Padha Tha. Ye Hukm Us Waqt Lagu Hota Hai Jab Aksar Body Parts Par Paani Bahaana Mumkin Ho...

💚 Jaise Yahan Sirf Ek Hath Par Plaster Hai, Lekin Doosra Haath, Chehra Aur Paon Par Paani Baha Sakte Hain... Toh Aisi Soorat Mein Hukm Ye Hoga Ke Baaqi Aaza Ko Dhoya Jaaye Aur Patti Ya Plaster Par Masah Kar Liya Jaaye..

💖 Lekin Agar Soorat Aisi Ho Ke Jism Ka Bada Hissa Jal Gaya Ho Aur Paani Bahaana Mumkin Hi Na Ho, Toh Phir Ye Nahin Kaha Jayega Ke “Poore Jism Par Masah Kar Lo.” ..

Balke Jab Wuzu Ke Dhone Wale Aaza Ka Aksar Hissa.. Yaani Aadhe Se Zyaada... Aisa Ho Jahan Pani Nahin Baha Sakte, Toh Phir Masah Ka Hukm Nahin Rahega, Balke Tayammum Ki Taraf Aana Hoga...

💚 Isi Tarah Ghusl Mein Bhi Agar Aadhe Jism Se Zyaada Hisse Par Kisi Wajah Se Pani Bahaana Mumkin Na Ho, Toh Phir Wuzu Ya Masah Nahin, Balke Tayammum Ka Hukm Hoga...

Continue…

Ubaid-E-Raza Official

💦 Taharat Course (Part-344)

🌻Safar Ke Dauran, Khaas Taur Par Train Wagairah Mein, Wuzu Ke Hawale Se Kuch Mushkilaat Pesh Aa Sakti Hain. Train Ka Masla To Pehle Bhi Bayan Kiya Jaa Chuka Hai Ki Agar Aap Safar Mein Apne Saath Pani Le Jaa Sakte Hain Toh Zaroor Le Kar Jaayein Aur Koshish Karein Ki Usi Paani Se Wuzu Karein...

💐Aaj Kal “Plastic Water Can With Tap” Aasani Se Mil Jaati Hai. Bus, Car Ya Train Mein Safar Karte Waqt Yeh Badi Kaam Ki Cheez Sabit Ho Sakti Hai.. Ismein Mota Plastic Material Hota Hai, Upar Bottle Ki Tarah Cap Laga Hota Hai. Aap Ismein Pani Bhar Kar Cap Band Kar Dein, Aur Neeche Tap (Nal) Laga Hota Hai... Jab Tap Khola Jaata Hai Toh Nal Ki Tarah Paani Nikalta Hai, Jis Se Wuzu Karna Bhi Aasan Ho Jaata Hai Aur Paani Ke Musta'mal Hone Ki Pareshani Bhi Nahin Rehti...

🌻Lihaza Is Tarah Ki Koi Water Can Ya Halka Wazan Wala Cooler Wagairah Agar Dastiyab Ho Toh Safar Mein Apne Saath Rakhein. Wuzu Ke Liye Yeh Badi Sahulat Ka Sabab Banega...Train, Bus Aur Car Wagairah Mein Safar Ke Dauran Wuzu Ke Muta‘alliq Aam Taur Par Yahi Ahkaam Aur Tadabeer Hain...

Continue…

Ubaid-E-Raza Official

💦 Taharat Course (Part-345)

Safar Ke Dauran Plane Ka Masla: 

♦️Jab Tak Aap Airport Par Maujood Hain, Us Waqt Tak Wuzu Kar Sakte Hain, Kyunki Wahan Aam Taur Par Paani Dastiyab Hota Hai. Is Liye Namaz Se Pehle Wuzu Kar Lijiye Aur Namaz Ada Kijiye.

Lekin Plane Mein Baithne Ke Baad Kya Kiya Jaye?..

🔹Plane Mein Bhi Agar Aap Washroom Tak Jaa Kar Wuzu Kar Sakte Hain Toh Wuzu Karne Ki Koshish Karein. Haan, Kabhi Aisi Soorat Pesh Aa Jaati Hai Ki Seat Se Uthna Mumkin Nahin Hota Ya Airline Ki Taraf Se Kuch Pabandiyan Hoti Hain Aur Washroom Tak Jaane Ki Ijazat Nahin Milti... Aisi Soorat Mein Aap Tayammum Kar Sakte Hain, Kyunki Is Ke Siwa Koi Aur Surat Baaqi Nahin Rehti...

♦️Isi Tarah Kabhi Kisi Ko Motion Sickness Ya Chakkar Aane Ki Shikayat Hoti Hai. Aam Taur Par Airline Ki Taraf Se Koi Masla Nahin Hota, Lekin Agar Washroom Mein Jane Se Shiddat Ke Saath Chakkar Aate Hon Ya Takleef Badh Jaati Ho, Toh Aisi Soorat Mein Bhi Tayammum Ki Ijazat Hogi...

🔹Yun Hi Agar Aap Ko Yaqeen Ho Ki Wuzu Karte Waqt Paani Bahut Zyaada Gir Jayega Aur Is Se Crew Ki Taraf Se Pareshani Ya Sakht Aitraaz Paida Ho Sakta Hai, Toh Is Soorat Se Bachne Ke Liye Bhi Tayammum Kar Sakte Hain...

♦️Aur Tayammum Ke Liye, Jaisa Pehle Arz Kiya Gaya, Apne Saath Ek Chikna Patthar Rakh Lijiye. Usi Chikne Patthar Par Tayammum Karke Namaz Ada Kar Lijiye..

Continue…

Ubaid-E-Raza Official

💦 Taharat Course (Part-346)

 

🪷 Plane Mein Namaz Padhne Ka Masla : 

Namaz Ke Bare Mein Bhi Aksar Suwal Aata Hai, Toh Chaliye Yahin Is Ka Bhi Zikar Kar Dete Hain. Plane Mein Agar Aap Khade Ho Kar Namaz Ada Kar Sakte Hain Toh Khade Ho Kar Hi Ada Karen. Lekin Aaj Kal Bahut Zyaada Issues Hote Hain. Kuch Muslim Flights, Jaise Saudi Arabian Airlines Wagairah Mein Pichhe Jaa Kar Namaz Padhne Ki Ijazat Hoti Hai Aur Woh Qible Ka Direction Bhi Bata Dete Hain. Toh Agar Waqai Aisi Soorat E Haal Ho Aur Aap Ke Liye Mumkin Ho Toh Khade Ho Kar Namaz Ada Kar Len..

 

💐Lekin Baaz Logon Ke Liye Yeh Bhi Mumkin Nahin Hota, Jaise Motion Sickness Ki Wajah Se, Toh Woh Apni Seat Par Baith Kar Jis Taraf Flight Jaa Rahi Ho Usi Taraf Rukh Kar Ke Namaz Ada Kar Sakte Hain... Aur Baad Mein Is Namaz Ko Dohrane Ki Hajat Nahin, Kyunki Is Soorat Mein Banda Waqayi Majboor Hota Hai...

 

🪷 Phir Agar Khade Ho Kar Padhna Mumkin Na Ho, Ya Baaz Planes Mein Waise Hi Ijazat Nahi Hoti Hai.. Aur Kuch Ko Dekh Kar Hi Samajh Aa Jata Hai Ke Ye Log معاذ اللہ Musalmanon Ko Dekh Kar Chidhte Hain .. Toh Aisi Soorat Mein Apni Seat Par Hi Namaz Ada Kar Len, Koi Haraj Nahin... Aur Baad Mein In Namazon Ki Ia'adah Ki Bhi Hajat Nahin....

 

Continue…

Ubaid-E-Raza Official

💦 Taharat Course (Part-347)

💐 Rahi Baat Train Aur Bus Wagairah Ki :

Toh Is Mein Koshish Yeh Karen Ke Jab Bus Ya Train Ruk Jaaye Tab Namaz Ada Kar Len... Agar Seat Booking Wagairah Aisi Ho Ke Train Rukne Par Aap Araam Se Namaz Padh Sakte Hain Toh Yeh Behtar Hai.. Aur Agar Train Platform Par Ruki Hui Ho Toh Chahein Platform Par Utar Kar Namaz Ada Kar Len, Ya Ruki Hui Train Mein Hi Padh Len, Donon Sooratain Jaiz Hain... Utarna Compulsory Nahin Hai..

🌻 Koshish Yahi Honi Chahiye Ke Faraiz, Wajibaat Aur Fajr Ki 2 Sunnatein Khade Ho Kar Ada Ki Jaayein.. Baqi Nawafil Wagairah Baith Kar Bhi Padhe Jaa Sakte Hain... Bilkhusoos Safar Ki Halat Mein.. Chalti Gaadi Mein Jis Taraf Gaadi Jaa Rahi Ho Usi Taraf Rukh Kar Ke Namaz Ada Ki Jaa Sakti Hai, Lekin Yeh Hukm Nawafil Ke Liye Zyaada Hai.. Faraiz, Wajibaat Aur Sunnat-E-Fajr Mein Asal Hukm Qiblah Rukh Aur Qiyam Ka Hi Hai...

💐 Toh Agar Train Rukne Ka Imkaan Na Ho, Ya Rukne Ke Bawajood Kisi Wajah Se Platform Par Utarna Mumkin Na Ho.. Jaise Rukne Ka Waqt Bahut Kam Ho, Ya Jagah Mehfooz Na Ho... Toh Phir Chalti Train Mein Hi Namaz Ada Kar Len... Koshish Karen Ke Khade Ho Kar Qiblah Rukh Namaz Ada Ho Jaaye, Lekin Agar Yeh Bhi Mumkin Na Ho Toh Phir Baith Kar Ishare Se Jis Tarah Mumkin Ho Namaz Ada Karni Hogi...

🌻 Bus Ka Bhi Yahi Hukm Hai.. Kyunki Aaj Kal Aisa Nahin Hota Ke Har Jagah Bus Rukwa Kar Araam Se Namaz Ada Ki Jaa Sake.. Aur India Mein Aaj Kal Namaz Padhne Ko Lekar Bahut Zyaada Issues Bhi Dekhne Mein Aa Rahe Hain.. To Aisi Soorat Mein Apni Seat Par Baith Kar Jis Tarah Mumkin Ho Namaz Ada Kar Len..

Continue…

Ubaid-E-Raza Official

💦 Taharat Course (Part-348)

🌷 Ab Is Namaz Ke Ia'ade Ka Kya Hukm Hoga?

Is Masle Mein Ulama-E-Kiram Ka Ikhtilaf Hai... Baaz Muftiyan-E-Kiram Farmate Hain Ke Train Aur Bus Wagairah Mein Is Tarah Jo Namaz Padhi Gayi Ho, Us Ka Ia'ada Kar Lena Chahiye..

💖 Aur Baaz Ulama E Kiram Farmate Hain Ke Train Aur Bus Wagairah Mein Namaz Ho Jayegi Aur Ia'ade Ki Hajat Nahin Hai.. Yaani Namaz Ho Jaane Par Donon Ka Ittifaq Hai, Lekin Ia'ade Ke Baare Mein Ikhtilaf Hai.. Baaz Farmate Hain Ke Ia'ada Kar Len, Aur Baaz Farmate Hain Ke Ia'ade Ki Zarurat Nahi..

Jaise Darul Ifta Ahle Sunnat Ka Fatwa Hai, Aur Bareilly Sharif Ka Bhi Yahi Fatwa Hai Ke Aap Ko Namaz Repeat Karni Padegi..

🌷Albatta Plane Ke Masle Mein Kisi Ka Ikhtilaf Nahin... Sabhi Ulama Farmate Hain Ke Plane Mein Namaz Ho Jayegi.. Lekin Train Aur Bus Wagairah Ke Masle Mein Ikhtilaf Paaya Jaata Hai.. Toh In Muftiyan-E-Kiram Ke Nazdeek Namaz Ko Repeat Karna Padega..

Lekin Baaz Bade Muftiyan-E-Kiram Is Ki Ijazat Bhi Dete Hain .. Jaise Mufti Nizamuddin Misbahi Sahab Aur Mufti Akmal Sahab... Un Ke Nazdeek Aisi Soorat Mein Namaz Ke Ia'ade Ki Hajat Nahin Hoti.. Toh Aap Jin Mufti Sahab Ko Follow Karte Hain Un Ke Mutabiq Amal Kar Lijiye Ga۔۔۔

Continue…

Ubaid-E-Raza Official

💦 Taharat Course (Part-349)

Tayammum Kin Kin Sooraton Mein Jaiz Hota Hai?

🌺 Agli Soorat Yeh Hai Ke Bahut Zyaada Thandi Ho.. Jaise Kabhi Kabhaar North Side Mein Itni Zyaada Sardi Hoti Hai Ke Paani Mein Haath Dalna Bhi Mushkil Ho Jaqta Hai.. Yahan Tak Ke Garam Paani Mein Haath Dalna Bhi Bahut Takleefdeh Hota Hai, Ya Sakht Bimari Ka, Balkeh Jaan Jaane Tak Ka Andesha Hota Hai.. Toh Aisi Sakht Soorat Mein Agar Waqayi Paani Istemal Karna Mumkin Na Ho, Toh Phir Tayammum Kar Sakte Hain..

♦️Lekin Agar Aisa Ho Ke Garam Paani Istemal Karne Se Takleef Nahin Ho Rahi, Ya Paani Istemal Karne Ke Baad Fauran Heater Ke Paas Khade Ho Kar, Ya Blanket Wagairah Lapet Kar Apne Aap Ko Relieve Kar Sakte Hain, Toh Phir Paani Hi Istemal Karna Chahiye..

🌺 Aur Aisi Soorat Mein Wuzu Ka Sawab Bhi Dugna Hota Hai.. Sarkar ﷺ Ki Hadees E Mubaraka Ka Khulasa Hai Ke Jo Shakhs Sakht Sardi Mein Bhi Is Tarah Taharat Hasil Kare, Usko Dugna Sawab Ata Kiya Jaata Hai...

♦️Is Liye Koshish Yahi Karen Ke Pani Istemal Kar Len.. Haan, Agar Sardi Bahut Zyaada Sakht Ho Aur Waqayi Nuqsan Ka Andesha Ho, To Phir Tayammum Ki Taraf Aa Sakte Hain.

Continue…

Ubaid-E-Raza Official

💦 Taharat Course (Part-350)

🤔 Ab Next Ek Aur Soorat: Agar Namaz Ka Waqt Nikal Jayega To Kya Karen?

🔹Agar Namaz Ka Waqt Nikal Jaane Ka Andesha Ho, Maslan Mard Hazraat Ki Eid Ki Namaz Ya Jumuah Ki Namaz Nikal Rahi Ho, Toh Aisi Soorat Mein Woh Tayammum Kar Ke Fauran Namaz Ada Kar Sakte Hain..

♦️Hamare Liye Bhi Hukm Yahi Hai Ke Jab Namaz Ka Bilkul Aakhiri Waqt Chal Raha Ho, Toh Phir Jitni Jaldi Mumkin Ho Namaz Ada Kar Len..Namaz Ka Aakhiri Waqt Kin Namazon Mein Is Tarah Hota Hai? Zuhar, Asar, Maghrib Aur Isha Mein Agar Waqt Ke Andar Andar Aap Ne “اللہ اکبر” Keh Kar Takbeer-E-Tehreema Bandh Li, Toh Namaz Ada Ho Gayi, Agarche Namaz Mukammal Karte Karte Agle Namaz Ka Waqt Shuru Ho Jaaye...

🔹Maslan, Zuhar Ke Aakhiri Waqt Mein Sirf 15-20 Second Baaqi The, Aur Us Mein Aap Ne “اللہ اکبر” Keh Diya, Toh Yaqeenan Poori Namaz Asar Ke Waqt Mein Complete Hogi.. Lekin Phir Bhi Yeh Namaz Qaza Nahin Kehlayegi.. Balke Ada Hi Kehlayegi.. Kyunki Namaz Waqt Ke Andar Shuru Ho Gayi Thi..

♦️Haan, Itni Takheer Karna Bahut Buri Baat Hai.. Itna Late Namaz Ko Nahin Karna Chahiye.. Lekin Agar Waqayi Koi Majboori Ya Reason Tha Aur Is Tarah Ho Gaya, Toh Alag Baat Hai, Aur Namaz Baharhaal Ada Ho Jayegi..

🔹Lekin Fajr Mein Masla Alag Hai.. Fajr Ki Namaz Mein Waqt Khatm Hone Se Pehle Poori Namaz Ke Saath Salam Pherna Zaroori Hota Hai.. Aisa Nahin Ho Sakta Ke Aap Ne “اللہ اکبر” Keh Diya Aur Uske Baad Ishraq Ka Waqt Shuru Ho Gaya.. Agar Aisa Hua, Toh Fajr Ki Namaz Qaza Kehlayegi, Aur Baad Mein Uski Qaza Padhna Padegi...

♦️ Toh Fajr Ek Aisi Namaz Hai Ke Us Mein Poori Namaz Waqt Ke Andar Salam Ke Saath Mukammal Karna Zaroori Hota Hai.. Warna Namaz Qaza Ho Jaati Hai...

Continue…

Ubaid-E-Raza Official

💦 Taharat Course (Part-351) 

♦️Kabhi Kabhaar Aisa Hota Hai Ke Namaz Ka Bilkul Aakhri Waqt Hota Hai Aur Maloom Hota Hai Ke Agar Wuzu Karne Jayenge Toh Namaz Ka Waqt Hi Nikal Jayega. Doosri Namazon Mein Toh Kam Az Kam الله أكبر Kehne Ka Waqt Bhi Nahin Milega. Toh Aisi Soorat Mein Kya Kiya Jaaye?

🔹Aisi Soorat Mein Tayammum Karke Namaz Ada Kar Sakte Hain. Is Soorat Mein Tayammum Ki Ijazat Hogi, Lekin Baad Mein Us Namaz Ko Dohra Lena Chahiye, Kyunki Paani Maujood Tha Aur Waqt Tang Ho Gaya Tha. Namaz Chhod Dene Ki Ijazat Nahin Hogi. Is Liye Tayammum Ke Saath Namaz Ada Kar Lein Aur Baad Mein Uski Qaza Ya I'adah Kar Lein..

Fajr Ka Muamla Kya Hota Hai?

♦️Aksar Fajr Mein Hi Aisa Pesh Aata Hai Ke Aankh Der Se Khulti Hai Aur Waqt Bilkul Aakhri Reh Gaya Hota Hai. Toh Agar Fajr Ya Kisi Aur Namaz Mein Itna Waqt Ho Ke Kam Az Kam Farz Wuzu Karke Namaz Ada Ki Jaa Sake, Toh Farz Wuzu Ada Kar Lein..

🔹Mukammal Wuzu Karna Zaroori Nahin, Kyunki Majboori Hai. Is Soorat Mein Jaldi Jaldi Chehra Dho Lein, Donon Hathon Par Paani Baha Lein, Sar Ka Masah Kar Lein Aur Donon Paon Dho Lein..

♦️Yaani Wuzu Ke Sirf 4 Faraiz Ada Kar Lein. Agar Itna Waqt Hai Toh Itna Karke Namaz Ada Kar Lein. Ye Ek Mukhtasar Tareeqa Ikhtiyar Kiya Jaa Sakta Hai... Doosra Tareeqa Ye Hai Ke Namaz Ko Mukhtasar Andaaz Mein Ada Karne Ki Koshish Karein. 

🔹Yaani Faraiz Aur Wajibaat Ada Karein, Aur Tasbihat Waghairah Ko Kam Se Kam Rakhein. Ruku Aur Sajde Mein Ek Martaba سبحان الله Kehne Ki Miqdar Par Iktifa Karein... Attahiyyat Ke Baad Mukhtasar Durood Padh Kar Salam Pher Dein. Agar Is Tarah Namaz Waqt Ke Andar Wuzu Ke Saath Ada Ho Sakti Ho Toh Isi Tarah Ada Karein...

♦️Aur Agar Is Tarah Bhi Waqt Ke Andar Namaz Ada Hona Mumkin Na Ho, Toh Phir Tayammum Ke Saath Namaz Ada Kar Lein Aur Baad Mein Us Namaz Ko Dohra Lein..

Continue...

Ubaid-E-Raza Official

💦 Taharat Course (Part-352)

💐Kabhi Kabhaar Waqt Intihayi Tang Hota Hai, Misal Ke Taur Par Namaz Ke Liye Bahut Hi Kam Waqt Baaqi Reh Gaya Ho, Toh Phir Kya Kiya Jaaye?

🌺Aisi Soorat Mein Fauran Khade Ho Kar Tayammum Kar Lena Chahiye. Tayammum Mein Zyaada Waqt Nahin Lagta. Jaldi Se Donon Haath Zameen Par Maar Kar Chehre Par Pher Liye Jayen Aur Tayammum Karke Namaz Shuru Kar Di Jaaye...

💐Agar Itna Hi Waqt Ho Ke Sirf Faraiz Aur Wajibaat Ke Saath Namaz Padhi Jaa Sakti Ho, Toh Surah Fatiha Ke Saath Koi Chhoti Si Soorat Mila Lein. Balki Chhoti Soorat Mein Bhi " اِنَّاۤ اَعْطَیْنٰكَ الْكَوْثَرَ" Ki Sirf Do Aayatein Padh Lene Se Namaz Ada Ho Jaayegi...

🌺Agar Itna Waqt Bhi Na Ho Toh Hukm Ye Hai Ke Namaz Mein Surah Fatiha Se Sirf "الحمد لله رب العالمين" Tak Padh Lein. Sana, Ta'awwuz Aur Tasmiyah Wagairah Chhod Dein، Kyunki Ye Sunnat Ke Darje Mein Hain Aur Majboori Ki Soorat Mein Inhein Tark Kiya Jaa Sakta Hai..

💐Phir الله أكبر Keh Kar Qiyam Karein, Surah Fatiha Padh Lein, Ruku Aur Sajdon Mein Ek Ek Martaba Tasbih Keh Kar Arkaan Ko Mukammal Kar Lein..

🌺 Aakhri Qa'dah Mein Attahiyyat Poori Padhna Zaroori Hai.. Is Ke Baad Durood Mein Sirf " اللھم صلی علی محمد" Itna Padh Lena Kaafi Hai.. Aur Agar Itna Waqt Bhi Na Bache Toh Durood Bhi Chhod Kar Salam Pher Dein, Taake Namaz Waqt Ke Andar Ada Ho Jaaye...

💐Is Liye Ke Asal Maqsad Ye Hai Ke Namaz Waqt Ke Andar Ada Ho, Qaza Na Ho.. Agarche Kuch Fazail Aur Zyaada Sawab Se Mehroomi Ho Jaaye, Lekin Namaz Ko Qaza Karne Ke Bajaye Waqt Ke Andar Ada Kar Lena Zaroori Hai...

Continue…

Ubaid-E-Raza Official

💦 Taharat Course (Part-353)

🪷 Toh Ab Agar Itna Bhi Mumkin Na Ho Raha Ho, Phir Jaisa Ke Maine Arz Kiya, Surah Fatiha Aur Soorat Ki Jagah Sirf (اَلْحَمْدُ لِلّٰهِ رَبِّ الْعٰلَمِیْنَ) Padh Lijiye.. Kyun Ke Namaz Mein Kam Az Kam Ek Ayat Padhna Farz Hota Hai. Is Tarah Farz Ada Karte Hue Apni Namaz Mukammal Kar Lijiye. Namaz Ada Ho Jayegi Aur Qaza Lazim Nahin Hogi, Albatta Wajib Ul I‘adah Rahegi...

🌷 Phir Jaldi Se Ruku Kar Lijiye, Ruku Se Uth Kar Sajde Ada Kijiye Aur Qa‘aah Mein Baith Kar Attahiyyat Padh Kar Salam Pher Dijiye. Aur Agar Attahiyyat Padhne Ka Bhi Waqt Na Ho, To Qa‘aah Mein Baith Kar Sirf Ek Martaba "سبحان الله" Keh Dijiye Aur Salam Pher Dijiye....

🪷 Is Tarah Faraiz Ke Saath Aap Ki Namaz Ada Ho Jayegi, Agarche Woh Wajib-ul-I‘adah Hogi Aur Baad Mein Us Ka I‘adah Karna Hoga..

🌷Haan! Woh Namaz Jismein Aap Ne Faraiz Aur Wajibat Ada Kar Liye Hon Aur Sirf Sunnatein Chhoot Gayi Hon, Maslan Sana Na Padhi, اعوذ بالله Na Padha, بسم الله Na Padhi, Ya Ruku Mein Teen Martaba Ki Jagah Sirf Ek Martaba سبحان الله" Keh Diya, Aur Attahiyyat Mukammal Padh Li, Toh Aisi Soorat Mein Namaz Ada Ho Jayegi Aur Us Ke I‘adah Ki Hajat Nahin Hogi...

🪷 Lekin Jahan Aap Ne Kisi Wajib Ko Tark Kar Diya Aur Sirf Faraiz Par Iktifa Karte Hue Namaz Ada Ki, Toh Namaz Ada Ho Jayegi, Magar Wajib-ul-I‘adah Ho Jayegi Aur Baad Mein Us Ka I‘adah Karna Zaroori Hoga..

Continue…

Ubaid-E-Raza Official

💦 Taharat Course (Part-354)

Kin Sooraton Mein Tayammum Ki Wajah Se Namaz Repeat Karni Hoti Hai Aur Kin Mein Nahin? (#01)

🌻 Baaz Sooraton Mein Namaz Ko Repeat Karne Ka Hukm Hota Hai... Misal Ke Taur Par, Jis Soorat Ka Zikr Pehle Hua Tha Ke Namaz Ke Aakhiri Waqt Mein Aankh Khuli, Toh Wahan Maine Arz Kiya Tha Ke Namaz Ka I‘adah Kar Lena Chahiye...

🌼 Is Ke Ilawa Bhi Kai Sooratein Hain Jin Ki Tafseel Fuqahae Kiram Ne Bayan Farmayi Hai. Lekin Baaz Ulama E Kiram Ne Farmaya Hai Ke Aaj Kal Log Namazon Se Door Hote Jaa Rahe Hain. Agar Har Soorat Mein Un Se Kaha Jaaye Ke Tayammum Karke Jo Namaz Padhi Thi Usay Dobara Padho, Toh Andesha Hai Ke Baaz Log Namaz Hi Chhod Baithen. Waqayi Yeh Bahut Badi Ganeemat Hai Ke Log Namaz Ki Fikr Kar Rahe Hain Aur Us Ki Adaigi Ka Ehtimam Karte Hain..

🌻Asal Usool Yeh Hai Ke Jis Wajah Se Tayammum Kiya Gaya, Agar Woh Uzr Bande Ke Ikhtiyar Aur Control Se Bahar Tha, Toh Usay Sharayi Uzr Kaha Jayega. Yaani Allah Ta‘ala Ki Taraf Se Aayi Thi Bande Ki Taraf Se Nahin. Aisi Soorat Mein Namaz Ko Repeat Karne Ki Zaroorat Nahin Hoti.

🌼 Albatta Kuch Sooratein Aisi Hoti Hain Jin Mein Bande Ka Kisi Hadd Tak Ikhtiyar Ya Taqsir Shamil Hoti Hai. Agar Woh Chahta Toh Us Uzr Se Bach Sakta Tha Ya Us Ka Hal Nikal Sakta Tha. Aisi Soorat Mein Hum Kahenge Ke Yeh Wajah Bande Ki Taraf Se Paida Hui Thi, Is Liye I‘adah Ka Hukm Diya Jaayega. Yeh Ek Aam Aur Qareebi Usool Hai...

🌻 Lekin Jaisa Ke Maine Arz Kiya, Aaj Kal Logon Ke Mizaj Aur Halaat Ko Dekhte Hue Baaz Ulama-E-Kiram Ne Farmaya Hai Ke Jin Sooraton Mein I‘adah Ka Hukm Hai Aur Wajah Bande Ki Taraf Se Paida Hui Ho, Agar Koi Shakhs I‘adah Na Bhi Kare To Gunahgar Nahin Hoga. Haan, Taqwa Aur Ahtiyat Ka Taqaza Yahi Hai Ke I‘adah Kar Liya Jaaye.

Misal Ke Taur Par Bus Ya Train Ke Safar Wala Masla Hai.. Agar Kisi Ne Aisi Soorat Mein Baad Mein Namaz Ka I‘adah Na Bhi Kiya Toh Koi Harj Nahin, Lekin Afzal Aur Behtar Yahi Hai Ke I‘adah Kar Liya Jaaye..

Continue…

Ubaid-E-Raza Official

💦 Taharat Course (Part-355)

🤔 Kin Sooraton Mein Tayammum Ki Wajah Se Namaz Repeat Karte Hain Aur Kin Mein Nahin Karte? (#02)

🌻 Plane Ka Jo Masla Hai, Is Mein Bande Ka Apna Koi Control Nahin Hota. Is Liye Is Ujr Ko Ulama-E-Kiram Ne "Min Janibillah" Yaani Allah Ta‘ala Ki Taraf Se Ya Shar‘an Mua‘tabar Ujr Qarar Diya Hai. Kyun Ke Plane Aisi Cheez Hai Ke Agar Banda Chahe Aur Namaz Ke Liye Use Rokna Bhi Chahe, Tab Bhi Zameen Par To Nahin Rok Sakta. Plane Rukega Bhi To Hawa Hi Mein Rukega. Is Liye Agar Kisi Ne Majboori Ki Soorat Mein Plane Mein Namaz Ada Kar Li To Namaz Ada Ho Jayegi...

💐Isi Tarah Ship (Jahaz) Ka Masla Hai. Agar Ship Ko Rok Bhi Diya Jaaye Toh Woh Paani Hi Par Rukega, Zameen Hasil Nahin Hogi. Is Liye Yahan Bhi Wahi Hukm Hai...

🌻Lekin Is Ke Bar Aks Train Aur Bus Ki Soorat Dekhiye. Inhein Roka Jaaye Toh Ye Zameen Par Hi Rukti Hain Aur Zameen Par Namaz Ada Karna Mumkin Hota Hai. Isi Wajah Se Un Sooraton Mein I‘adah (Namaz Ko Dobara Padhna) Ka Hukm Diya Gaya Tha, Jabke Plane Aur Ship Mein I‘adah Ka Hukm Nahin Hai...

💐Yeh Farq Is Liye Aata Hai Ke Jab Ujr Min Janibillah Ho Ya Bandon Ki Taraf Se Paida Hua Ho, Toh Ahkam Mein Tabdeeli Aa Jaati Hai. Haan, Chunke Aaj Kal Aksar Deeni Be-Raghbati Bhi Pai Jaati Hai, Is Liye Ulama-E-Kiram Ne Baaz Sooraton Mein Ijaazat Ata Farmayi Hai...

🌻Bahrhaal, Jo Log Deeni Zehan Rakhte Hain, Ilm-E-Deen Se Muhabbat Karte Hain, Khas Taur Par Ulama Ya Deeni Kaam Karne Wale Afraad, Unhein Chahiye Ke Aisi Sooraton Mein Taqwa Ko Ikhtiyar Karte Hue Namaz Ka I‘adah Kar Len. Masalan Bus, Train Ya Gaadi Mein Kisi Majboori Ke Tahat Namaz Padhni Padhi Ho...

💐Isi Tarah Baaz Auratein Namaz Ada Karna Chahti Hain, Lekin Unke Shauhar Ya Ghar Ke Mard Itne Be-Deen Hote Hain Ke Gaadi Rokne Par Tayyar Nahin Hote. Aisi Soorat Mein Aurat Majboor Hai, Woh Kya Kar Sakti Hai? To Woh Gaadi Hi Mein Namaz Ada Kar Le, Lekin Baad Mein Us Namaz Ka I‘adah Kar Le... Kyun Ke Yahan Ujr Bandon Ki Taraf Se Lahiq Hua Hai..

🌻Albatta Agar Koi Waqayi Sakht Bimari Ho, Ya Train Wagairah Se Utarna Mumkin Hi Na Ho, Ya Is Qism Ki Koi Haqiqi Aur Mu‘tabar Majboori Maujood Ho, Toh Phir Aisi Namazon Ka I‘adah Na Bhi Kiya Jaaye Toh Koi Harj Nahin. Balkeh Baaz Sooraton Mein I‘adah Ka Hukm Hi Nahin Hota, Kyun Ke Yahan Waqayi Ek Shar‘an Mua‘tabar Aur Valid Ujr Maujood Tha..

Continue...

Ubaid-E-Raza Official

💦 Taharat Course (Part-356)

 🤔 Tayammum Kin Kin Cheezon Se Kar Sakte Hain? (#01)

🌷Dekhiye... Tayammum Har Us Cheez Se Kiya Jaa Sakta Hai Jo Zameen Ki Jins (Category) Se Ho, Yaani Zameen Ki Qism Mein Shumar Hoti Ho...

🪷 Zameen Ki Category Mein Sirf Mitti Hi Nahin Aati, Balkeh Har Woh Cheez Shamil Hai Jo Zameen Ki Jins Se Ho. Is Liye Tayammum Mitti Se To Kiya Hi Jaa Sakta Hai, Lekin Us Ke Ilawa Bhi Har Us Cheez Se Tayammum Jaiz Hai Jo Zameen Ki Category Mein Aati Ho...

🤔 Ab Sawal Yeh Hai Ke Zameen Ki Category Mein Kaun Kaun Si Cheezein Shamil Hain?

🌷Us Ki Ek Alamat Yeh Bayan Ki Gayi Hai Ke Agar Kisi Cheez Ko Jalaya Jaaye To Woh Jal Kar Na Raakh Banti Ho, Na Pighalti (Melt Hoti) Ho Aur Na Hi Narm Padti Hoaa. Aisi Cheez Ko Zameen Ki Jins Mein Shumar Kiya Jaata Hai. Is Liye Un Cheezon Ko Istemal Karte Hue Tayammum Kiya Jaa Sakta Hai...

Misal Ke Taur Par:

🥀Ret (Sand)

🥀Mitti (Soil)

🥀Cement

🥀Choona (Lime)

🥀Surma

🥀Patthar (Stone)

🥀Diamond

🥀Emerald

🪷 Aur Isi Tarah Doosre Gemstones Bhi Zameen Ki Jins Mein Shamil Hain. In Sab Par Tayammum Kiya Jaa Sakta Hai... Yahan Tak Ke Agar Kisi Ke Paas Aisi Anguthi Ho Jis Mein Patthar Laga Hua Ho, Toh Us Patthar Par Masah Karke Bhi Tayammum Kiya Jaa Sakta Hai...

🌷Lihaza In Tamam Cheezon Par Tayammum Karna Jaiz Hai, Agarche Un Par Gard-O-Ghubar (Dust) Maujood Na Ho...

Continue...

Ubaid-E-Raza Official

💦 Taharat Course (Part-357)

🤔 Tayammum Kin Kin Cheezon Se Kar Sakte Hain? (#02)

💞 Maine Arz Kiya Tha Ke Fiqh-E-Hanafi Mein Chikne Patthar Se Bhi Tayammum Kiya Jaa Sakta Hai. Misal Ke Taur Par Woh Chhote, Chikne Aur Chamakdar Patthar (Pebbles) Jo Darya Ya Samandar Ke Kinare Milte Hain. Agar In Pattharon Ko Aag Mein Daala Jaaye Toh Na Ye Jal Kar Raakh Bante Hain, Na Narm Hote Hain Aur Na Hi Pighalte (Melt) Hain. Is Liye Inse Tayammum Karna Jaiz Hai...Aur In Pattharon Par Mitti Ya Gard Ka Hona Bhi Zaroori Nahin Hai...

🤔 Inse Tayammum Kaise Kiya Jaaye?

♦️Patthar Ko Haath Mein Lekar Donon Haathon Ko Us Par Achhi Tarah Mal Lijiye. Phir Chehre Ka Masah Kijiye. Us Ke Baad Dobara Haathon Ko Patthar Par Mal Kar Haathon Ka Masah Kar Lijiye. Is Tarah Tayammum Mukammal Ho Jayega.

Is Liye Behtareen Tareeqa Yeh Hai Ke Is Qism Ke Patthar Apne Paas Rakhe Jaayein, Taake Zaroorat Ke Waqt Un Se Tayammum Kiya Jaa Sake...

💞 Yaad Rahe Ke In Cheezon Par Mitti Ka Maujood Hona Shart Nahin Hai...Chand Misaalen Pehle Bhi Bayan Ki Jaa Chuki Hain, Jaise:

Cement

Patthar

Diamond

Emerald

Deegar Gemstones

Yeh Sab Aisi Cheezein Hain Ke Agar Inhein Aag Mein Dala Jaaye Toh Na Ye Pighalti Hain, Na Narm Padti Hain Aur Na Hi Jal Kar Raakh Banti Hain. Is Liye In Se Tayammum Karna Jaiz Hai...

Continue...

Ubaid-E-Raza Official

💦 Taharat Course (Part-358)

🤔 Tayammum Kin Kin Cheezon Se Kar Sakte Hain? (#03)

♦️Iske Ilawa Lakdi, Ghaas, Sona, Chandi, Tamba Aur Doosre Metals Aisi Cheezen Hain Ki Agar Unhe Aag Mein Daala Jaaye Toh Lakdi Aur Ghaas Jal Kar Raakh Ho Jaati Hain, Jabki Sona, Chandi Aur Doosre Metals Pighal Jaate Hain. Isliye In Cheezon Se Tayammum Nahin Kiya Jaa Sakta...

🔹Haan, Agar Kisi Metal Ya Aisi Cheez Par Mitti Ki Achhi Khaasi Parat (Layer) Jami Hui Ho, Toh Us Mitti Ke Zariye Tayammum Kiya Jaa Sakta Hai. Misal Ke Taur Par Lohe Ki Koi Cheez Padi Ho Aur Us Par Mitti Ya Gard Jami Hui Ho, Toh Us Mitti Par Haath Marne Se Haath Mein Gard Aa Jayegi. Phir Us Gard Ke Zariye Tayammum Sahih Ho Jayega, Kyunki Yahan Tayammum Mitti Se Kiya Jaa Raha Hai, Lohe Se Nahin...

♦️Lekin Agar Us Par Mitti Ya Gard Maujood Na Ho, Toh Sirf Lohe Ya Kisi Aur Metal Ki Satah Par Haath Maar Kar Tayammum Karna Jaiz Nahin Hai...

Continue...

✍️ Ubaid-E-Raza Official

💦 Taharat Course (Part-359)

🤔 Tayammum Kin Kin Cheezon Se Kar Sakte Hain? (#04)

🪷Deewar Wagairah Agar Oil Paint Se Paint Ki Gayi Ho Aur Us Par Dhool Bhi Na Ho, Toh Us Se Tayammum Nahin Kar Sakte..Agar Kisi Ke Paas Mitti Ke Bartan Hon Toh Un Se Bhi Tayammum Kar Sakta Hai... Haan, Agar Un Par Polish Wagairah Lagi Ho Toh Phir Tayammum Nahin Hoga... Albattah Jo Saade Aur Aam Mitti Ke Bartan Hote Hain, Un Ke Zariye Tayammum Kiya Ja Sakta Hai..

🌷Isi Tarah Hamari Tiles Wagairah Par Bhi Aam Taur Par Polish Hoti Hai , Is Liye Un Se Tayammum Nahin Kar Sakte.. Haan, Agar Un Par Mitti Ya Gard Jami Hui Ho Toh Us Mitti Par Haath Maar Kar Tayammum Kiya Jaa Sakta Hai...

Continue…

Ubaid-E-Raza Official

💦 Taharat Course (Part-360)

🤔 Tayammum Kin Cheezon Se Toot'ta Hai?

💐Tayammum Har Us Cheez Se Toot Jaata Hai Jis Se Wuzu Toot Jaata Hai... Is Liye Tayammum Ka Hukm Bhi Is Maamle Mein Wuzu Ki Tarah Hai... Jin Jin Cheezon Se Wuzu Tootega, Un Un Cheezon Se Tayammum Bhi Toot Jayega....

🔹 Aur Ek Baat Mazeed Yaad Rakhiye: Jab Psani Mil Jaaye Aur Aap Us Ke Istemal Par Qadir Bhi Hon, Yaani Paani Istemal Karne Ki Qudrat Hasil Ho Jaaye, Toh Tayammum Toot Jayega....

💐Goya Tayammum Aur Wuzu Ke Ahkaam Is Maamle Mein Ek Jaise Hain, Bas Ek Izaafi Baat Yeh Hai Ke Paani Mil Jaane Aur Us Ke Istemal Par Qudrat Hasil Ho Jaane Se Tayammum Khatam Ho Jaata Hai...

🔹Lihaza In Cheezon Ki Wajah Se Tayammum Fasid Ho Jaata Hai Aur Toot Jaata Hai...

Yahan Par Tayammum Ke Masail Mukammal Hue..

💐Ab Agla Mauzu: Najasaton Ka Bayan Aur Cheezon Ko Paak Karne Ka Bayan Hoga...

Continue…

Ubaid-E-Raza Official

💦 Taharat Course (Part-361)

👉 Najasaton Ka Bayan / Napaaki Se Paaki Hasil Karne Ka Bayan

🤔 Sab Se Pehle Kapde Paak Karne Ka Bayan...Kapde Kis Tarah Paak Kiye Jayenge?

🌼 Dekhiye, Kapdon Par Lagne Wali Najasat Takriban Do Qism Ki Hoti Hai:

(1) Najasat E Mar'iyyah

Yaani Woh Najasat Jo Nazar Aati Ho.. Isay Hum Visible Najasat Bhi Kehte Hain...Misal Ke Taur Par Khoon, Ya Aisi Doosri Najasatein Jin Ka Rang Ya Asar Kapde Par Saaf Nazar Aaye, Aur Sookh Jaane Ke Baad Bhi Dikhayi Deta Rahe...

(2) Najasat-E-Ghair Mar'iyyah

Yaani Woh Najasat Jis Ka Rang Ya Nishan Numayan Na Ho, Aur Sookh Jaane Ke Baad Aksar Maloom Bhi Na Ho Ke Najasat Kapde Ke Kis Hissa Par Lagi Thi..

♦️Misal Ke Taur Par Peshab.. Kuch Rang Birange Kapdon Par Peshab Ka Nishan Nazar Nahin Aata... Haan, Agar Kapda Safed Ho Toh Kabhi Kabhar Daag Ya Asar Dikhayi De Jaata Hai, Lekin Aam Taur Par Rangin Kapdon Mein Yeh Maloom Karna Mushkil Hota Hai Ke Peshab Kahan Laga Tha... Is Liye Isay Najasat-E-Ghair Mar'iyyah Kaha Jaata Hai...

🌼 Isi Tarah Mazi Wagairah Bhi Hoti Hai.. Yeh Bahut Patli Hoti Hai Aur Aksar Nazar Nahin Aati.. Is Liye Yeh Bhi Najasat-E-Ghair Mar'iyyah Mein Shamil Hai.. Yaani Aisi Najasat Jismein Rang Ya Numayan Nishan Na Ho, Woh Baad Mein Nazar Nahin Aati..

Continue…

Ubaid-E-Raza Official

💦 Taharat Course (Part-362)

Sab Cheezon Ko Paak Karne Ka Aam Qaidah Ek General Rule Main Aapko Bata Deti Hoon

💖 Koi Bhi Cheez Ho, Agar Aap Use Behte Hue Paani Ke Neeche Rakh Den, Jaise Tap Ya Pipe Ke Neeche, Aur Us Se Najasat Nikal Jaaye, Toh Woh Cheez Paak Ho Jayegi...

💚 Agar Najasat Nazar Aa Rahi Ho Toh Zaroori Hai Ke Woh Poori Tarah Nikal Jaaye Aur Us Ka Asar Khatam Ho Jaye...Aur Agar Najasat Nazar Nahin Aa Rahi Ho Toh Itna Paani Bahaya Jaaye Ke Dil Ko Poora Yaqeen Ya Ghalib Gumaan Ho Jaaye Ke Najasat Dhul Kar Nikal Gayi Hogi...

💖 Yeh Tamam Cheezon Ko Paak Karne Ka Sab Se Aasan Aur Saada Tareeqa Hai... Jin Cheezon Ko Aap Behte Hue Paani Ke Neeche Rakh Kar Paak Kar Sakte Hain, Unhen Isi Tareeqe Se Paak Karna Aasaan Bhi Hai Aur Is Se Waswason Se Bhi Bacha Jaa Sakta Hai Ke Paaki Hasil Hui Hai Ya Nahin...

Is Qaide Ko Thoda Aur Samajh Lijiye:

💚 Agar Najasat Nazar Aa Rahi Hai, Toh Jab Tak Woh Poori Tarah Khatam Na Ho Jaaye, Paani Aur Cheez Dono Napaak Rahenge.. Lekin Jab Paani Bahate Bahate Najasat Poori Tarah Nikal Jaaye Aur Us Ka Asar Khatam Ho Jaaye, Toh Kapda Ya Woh Cheez Paak Ho Jayegi..

💖 Aur Agar Najasat Aisi Ho Jo Nazar Nahin Aati, Yaani Najasat E Ghair Mar’iyyah Ho, Toh Us Cheez Ko Paani Ke Neeche Rakh Kar Itni Der Tak Paani Bahaya Jaaye Ke Dil Ko Yaqeen Ya Ghalib Gumaan Ho Jaaye Ke Najasat Nikal Gayi Hai.. Jab Yeh Itminan Ho Jaaye, Toh Woh Cheez Paak Ho Jayegi...

💚 Yeh Ek Aam Aur Bunyadi Qaidah Hai Jo Aksar Cheezon Ko Paak Karne Mein Madad Deta Hai..

Continue…

Ubaid-E-Raza Official

💦 Taharat Course (Part-363)

Kapdon Ko Paak Karne Ka Bayan (Najasat-E-Mar’iyyah Aur Ghair Mar’iyyah)

🪷 Ab Kapdon Ki Taraf Aate Hain.. Agar Kapde Par Koi Visible Najasat Maujood Ho Aur Aap Ko Nazar Aa Rahi Ho, To Jaise Pehle Bataya Gaya, Us Kapde Ko Nal Ya Behte Hue Paani Ke Neeche Rakhen Aur Itna Paani Bahayen Ke Najasat Poori Tarah Nikal Jaaye...

🌷Agar Aap Balti Wagairah Ke Zariye, Yaani Thoda Thoda Paani Daal Kar Kapda Paak Kar Rahe Hain, Toh Bhi Qaidah Yahi Hai Ke Jab Tak Najasat Nazar Aati Rahe, Usay Saaf Karte Rehna Hoga.. Is Silsile Mein Sabun, Detergent Ya Koi Aur Saaf Karne Wali Cheez Istemal Kar Li Jaaye To Koi Harj Nahin.. Maqsad Yeh Hai Ke Najasat Har Mumkin Tareeqe Se Kapde Se Nikal Jaaye.. Jab Najasat Poori Tarah Khatam Ho Jayegi, Toh Kapda Paak Ho Jayega...

🪷 Misal Ke Taur Par Haiz Ka Khoon Kapde Par Lag Jaye.. Jab Tak Khoon Ka Asar Maujood Ho, Usay Saaf Karna Zaroori Hai.. Haan, Kabhi Aisa Hota Hai Ke Khoon To Nikal Jaata Hai Lekin Us Ka Halka Sa Rang Ya Dhabba Baaqi Reh Jaata Hai.. Toh Is Soorat Mein Asal Najasat Kapde Se Nikal Chuki Hoti Hai, Sirf Us Ka Rang Baaqi Reh Gaya Hota Hai.. Is Liye Kapda Paak Ho Jaata Hai... Aur Us Dhabbay Ki Wajah Se Koi Harj Nahin.. Aisa Kapda Istemal Kiya Jaa Sakta Hai..

🌷Albatta Najasat Ko Nikalne Ki Poori Koshish Karna Zaroori Hai, Aur Jab Tak Najasat Maujood Ho Paani Dalte Rehna Chahiye.. Isi Liye Darmiyan Mein Agar Sabun Ya Detergent Ki Zaroorat Pade Toh Usay Istemal Kar Ke Kapde Ko Saaf Kar Lena Chahiye...Yeh Ahkaam Us Najasat Ke Baare Mein Hain Jo Nazar Aati Ho...

🪷 Ab Agar Najasat Aisi Ho Jo Nazar Nahin Aati, Jaise Peshab Wagairah, Toh Agar Usay Jaari Ya Behte Hue Paani Ke Neeche Rakh Kar Dhoya Jaaye, Toh Qaidah Wahi Hai Jo Pehle Bayan Hua.. Itna Paani Bahaya Jaaye Ke Dil Ko Tasalli Aur Ghalib Gumaan Ho Jaaye Ke Najasat Nikal Gayi Hai...

Continue…

Ubaid-E-Raza Official

💦 Taharat Course (Part-364) 

 🪣 Bucket Ya Mug Wagairah Se Pani Daal Kar Kapde Paak Karne Ka Tareeqa:

💐Agar Aap Kapde Ko Jaari Paani (Nal Wagairah) Ke Neeche Paak Nahin Kar Rahe, Balki Bucket Ya Mug Wagairah Se Paani Daal Kar Paak Kar Rahe Hain, Toh Iska Tareeqa Yeh Hai Ki Ek Martaba Kapde Par Achhi Tarah Paani Daal Kar Usay Poori Taqat Ke Saath Nichod Len...

♦️Itna Achhi Tarah Nichoden Ki Agar Uske Baad Mazeed Nichoda Jaaye Toh Koi Katra Na Tapke... Agar Sirf Halka Sa Nichod Liya Aur Phir Nichodne Par Katre Tapakne Lag Gaye, Toh Yeh Kaafi Nahin Hoga.. Yaani Agar Aadha Bucket Paani Hi Kapde Se Nikal Raha Ho, Toh Kapda Paak Nahin Hoga...

💐Is Liye Jab Jaari Paani Ke Baghair Kapda Paak Karna Ho, To Ek Martaba Poori Tarah Paani Daal Kar Usay Itna Nichoden Ki Mazeed Nichodne Par Koi Katra Na Tapke.. Yeh Ek Baar Ho Gaya..

♦️Phir Isi Tarah Doosri Martaba Paani Daalen Aur Poori Taqat Se Nichoden... Us Ke Baad Teesri Martaba Bhi Paani Daal Kar Achhi Tarah Nichoden... Har Martaba Poori Taqat Se Nichodne Ke Saath Yeh Amal Teen Baar Karne Ke Baad Kapda Paak Ho Jayega..

💐Albatta Paani Daalna Aur Har Baar Poori Taqat Se Nichodna Kuch Logon Ke Liye Mushkil Aur Pareshani Ka Sabab Ban Jaata Hai, Is Liye Aisi Soorat Mein Kapde Ko Jaari Paani (Nal Wagairah) Ke Neeche Paak Karna Zyaada Aasan Hota Hai..

Continue…

Ubaid-E-Raza Official

💦 Taharat Course (Part-365)

Jab Maloom Ho Ki Najasat Kapde Ke Kis Hisse Par Lagi Hai To Pehle Usi Hisse Ko Paak Karein: 

🌺 Baaz Log Yeh Karte Hain Ki Agar Kapde Ke Kisi Ek Hisse Par Bachche Ne Peshab Kar Diya Ho, Aur Unhein Maloom Ho Ki Misaal Ke Taur Par Shirt Ke Front Portion Par Hi Peshab Laga Hai, Toh Woh Poore Kapde Ko Nal Ke Neeche Rakh Kar Dho Dete Hain.. Yeh Tareeqa Durust Nahin Hai..

🌹 Jab Aap Ko Maloom Hai Ki Najasat Kapde Ke Sirf Ek Muayyan Hisse Par Lagi Hui Hai, Toh Pehle Usi Hisse Ko Paak Karein Aur Poore Kapde Ko Bila Wajah Napaak Na Karein.

🌺 Agar Front Portion Par Peshab Laga Hua Tha Aur Aap Ne Poora Kapda Is Tarah Paani Ke Neeche Rakh Diya Ki Paani Beh Kar Aasteenon, Back Portion Aur Kapde Ke Doosre Paak Hisson Tak Pahunch Gaya, Toh Pehle Woh Hisse Bhi Napaak Ho Jayenge.. Is Liye Aisa Karna Munasib Nahin..

🌹Kyunki Kisi Paak Cheez Ko Bila Wajah Napaak Karna Gunah Hai, Isliye Jab Maloom Ho Ki Najasat Sirf Ek Muayyan Jagah Par Lagi Hai, Toh Pehle Usi Jagah Ko Paak Kar Lena Chahiye.. Us Ke Baad Agar Chahein Toh Poora Kapda Bhi Dho Sakte Hain..

Lehaza, Bila Zarurat Cheezon Ko Napaak Nahin Karna Chahiye..

Continue…

Ubaid-E-Raza Official

💦 Taharat Course (Part-366)

🪣 Paak Kapdon Ke Sath Napaak Kapde Mila Kar Na Dhoein 

Baaz Khawateen Washing Machine Mein Kapde Paak Karne Ka Sahi Tareeqa To Ikhtiyar Karti Hain, Lekin Ek Galati Yeh Karti Hain Ke 10 Paak Kapdon Ke Saath Ek Napaak Kapda Bhi Daal Deti Hain Aur Phir Machine Chala Deti Hain...

🌺Beshak Dhulai Ke Aakhir Mein Tamam Kapde Paak Ho Jayenge, Lekin Us Ek Napaak Kapde Ki Wajah Se Jo 10 Paak Kapde Bila Wajah Napaak Hue, Us Ka Gunah Zaroor Hoga. Is Liye Paak Kapdon Ke Saath Napaak Kapde Hargiz Na Milayein...

💐Agar Maloom Ho Ke Najasat Kapde Ke Kis Hisse Par Lagi Hai, Toh Pehle Sirf Us Hisse Ko Paak Kar Lein, Phir Baaqi Kapde Ko Dho Lein...

🌺Haan, Kabhi Aisa Bhi Hota Hai Ke Kapda Fauran Paak Nahin Kiya Jaa Saka, Der Ho Gayi Ya Kapda Sookh Gaya Aur Baad Mein Yaad Hi Nahin Raha Ke Najasat Kis Jagah Lagi Thi... Aisi Soorat Mein Jab Najasat Ki Jagah Maloom Na Ho, Toh Poora Kapda Paak Karna Zaroori Hoga.

💐Is Soorat Mein Kapde Ko Nal Ke Neeche Rakh Kar Poora Ek Saath Paak Kiya Jaa Sakta Hai. Nal Ke Neeche Paak Karne Ka Tareeqa Bhi Pehle Bayan Ho Chuka Hai Aur Nichod Kar Paak Karne Ka Tareeqa Bhi Bataya Ja Chuka Hai...

Ab Bucket System Se Kapde Paak Karne Ka Tareeqa Bhi Arz Karti Hoon...

Continue...

Ubaid-E-Raza Official

💦 Taharat Course (Part-367)

 

🪣 Bucket Se Agar Koi Kapde Paak Karna Chahe To Kaise Karega? (#01)

 

🪷 Agar Bucket Ke Zariye Kapde Paak Karne Hon, Toh Sab Se Pehle Napaak Kapde Bucket Mein Daal Dein. Agar Bahut Saare Napaak Kapde Hon, Toh Unhein Ek Saath Bucket Mein Daal Kar Bhi Paak Kiya Jaa Sakta Hai. Ek-Ek Kapda Alag Paak Karna Zaroori Nahin..

 

🌷Masalan, Chhote Bachchon Ke Kapde Aksar Poore Napaak Ho Jaate Hain... Aisi Soorat Mein Unke Tamam Kapde Jama Karke Ek Saath Paak Kar Lene Mein Koi Harj Nahin...

 

🪷 Ab Bucket Ko Nal Ke Neeche Rakh Kar Paani Khol Dein Aur Bucket Ko Poora Bharne Dein. Jab Bucket Bhar Jayegi Toh Pani Overflow Hokar Bahne Lagega. Pani Ko Musalsal Behne Dein, Yahan Tak Ke Aap Ko Yaqeen Ho Jaaye Ke Paani Kapdon Se Tamam Najasat Nikal Kar Le Gaya Hai... Jab Itminan Ho Jaaye Ke Najasat Nikal Chuki Hai, Toh Kapde Paak Ho Jayenge...

 

🌷Is Ke Baad Chahein To Kapdon Ko Washing Machine Mein Daal Kar Dho Lein Ya Jis Tareeqe Se Aam Taur Par Wash Karte Hain Usi Tarah Dho Sakte Hain... Yeh Misaal Bachchon Ke Kapdon Ki Di Gayi Hai, Lekin Isi Tarah Dusre Kapde Bhi Ek Saath Bucket Mein Daal Kar Paak Kiye Jaa Sakte Hain. Bas Pani Ko Itna Overflow Hone Dein Ke Tamam Najasat Nikal Jaane Ka Yaqeen Ho Jaaye, Phir Kapdon Ko Wash Kar Lein...

 

🪷 Haan! Agar Kapde Par Koi Aisi Najasat Lagi Ho Jo Nazar Aa Rahi Ho .. Toh Pehle Usay Achhi Tarah Alag Se Dho Kar Door Kar Lein. Kyun Ke Bucket System Mein Kabhi Kabhar Paani Ka Zor Itna Nahin Hota Ke Woh Nazar Aane Wali Najasat Ko Khud Nikal De. Agar Woh Najasat Baaqi Reh Gayi, Toh Bucket Ka Paani Bhi Napaak Rahega Aur Kapde Bhi Paak Nahin Honge...

 

🪷 Is Liye Pehle Nazar Aane Wali Najasat Ko Achhi Tarah Dho Kar Door Kar Lein, Phir Baaqi Kapdon Ke Saath Bucket System Ke Mutabiq Overflow Karke Paak Karein.

 

Continue…

Ubaid-E-Raza Official

💦 Taharat Course (Part-368)

🪣 Bucket Se Agar Koi Kapde Paak Karna Chahe To Kaise Karega? (#02)

🪷 Agar Kapde Bahut Kam Hon, Masalan 3 Ya 4 Kapde Hon Aur Bucket Badi Ho, Toh Bucket Ko Poora Overflow Karna Zaroori Nahin.. Kapde Bucket Mein Daal Dein Aur Itna Paani Bharne Dein Ke Woh Paani Mein Doob Jayen... Phir Nal Khula Rakhein Aur Bucket Ko Thoda Sa Tilt (Ek Taraf Jhuka) Dein, Taake Ek Taraf Se Paani Musalsal Aata Rahe Aur Doosri Taraf Se Bahta Rahe. Is Tarah Ek Taraf Se Pani Aa Raha Hoga Aur Doosri Taraf Se Nikalta Rahega, Jo Bucket System Hi Ki Ek Soorat Hai. Is Tareeqe Se Bhi Kapde Paak Ho Jayenge...

💐 Yaad Rakhein: Bucket System Se Kapde Paak Karte Waqt Is Baat Ka Khaas Khayal Rakhein Ke Koi Bhi Kapda Paani Ki Satah Se Bahar Na Rahe, Warna Woh Paak Nahin Hoga. Halke Se Haath Rakh Kar Itna Zaroor Dekhte Rahen Ke Tamam Kapde Paani Ke Andar Hi Rahen. Kapdon Ko Zor Se Daba Kar Rakhne Ki Zaroorat Nahin, Balke Halka Sa Daba Kar Rakhein, Taake Paani Najasat Ko Achhi Tarah Baha Kar Le Jaaye...

🪷 Agar Najasat Ki Jagah Maloom Ho Aur Woh Nazar Aa Rahi Ho, Toh Sab Se Pehle Usi Hisse Ko Achhi Tarah Paak Karein. Lekin Agar Najasat Ki Jagah Maloom Na Ho Ya Bhool Gaye Hon.. Jaise Kabhi Bachcha Peshab Kar De Aur Andaza Na Ho Ke Chheente Kapde Ke Kis-Kis Hisse Par Pade Hain... Toh Aisi Soorat Mein Poora Kapda Paak Karna Zaroori Hoga...

💐Is Tarah Bucket System Aur Nal Ke Zariye Kapde Paak Karne Ke Tareeqe Bayan Ho Gaye. Ab Washing Machine Ke Zariye Kapde Paak Karne Ka Tareeqa Bayan Karte Hain...

Continue…

Ubaid-Eraza Official

💦 Taharat Course (Part-369)

🤔 Washing Machine Mein Kapde Dhoein To Paak Hote Hain Ya Nahin?

🌼 Ji Haan, Washing Machine Mein Kapde Paak Ho Jaate Hain... Albatta Is Ka Tareeqa Washing Machine Ki Qism Ke Mutabiq Mukhtalif Hota Hai.

🌻Agar Washing Machine Manual Ya Semi-Manual Ho, Toh Us Mein Do Tareeqe Ikhtiyar Kiye Ja. Sakte Hain...

🌼 Pehla Tareeqa: Agar Machine Mein Upar Se Nal Ka Paani Musalsal Aa Sakta Ho Aur Neeche Ka Drain Bhi Khula Ho, Toh Upar Se Paani Aata Rahe Aur Neeche Se Nikalta Rahega. Is Tarah Jaari Pani Ka Hukm Ho Jayega, Bilkul Usi Tarah Jaise Nal Ke Neeche Kapde Paak Kiye Jaate Hain. Jab Itna Paani Guzar Jaaye Ke Tamam Najasat Achhi Tarah Nikal Jaane Ka Yaqeen Ho Jaaye, Toh Kapde Paak Ho Jayenge...

🌻Doosra Tareeqa: Kapdon Ko Pehle Paani Mein Dhoein, Phir Spin Mein Daal Kar Achhi Tarah Nichod Lein. Is Ke Baad Dobara Paani Mein Dhoein Aur Phir Spin Karein. Isi Tarah Teen Martaba Paani Aur Spin Ka Amal Dohraya Jaaye, Toh Kapde Paak Ho Jayenge. Kyun Ke Spin Ke Zariye Kapde Achhi Tarah Nichod Jaate Hain Aur Mazeed Nichodne Se Qatra Nahin Tapakta.

🌼 Agar Automatic Washing Machine Ho, To Aaj Kal Us Mein Rinse Aur Spin Ka Option Hota Hai. Is Soorat Mein Rinse → Spin, Phir Rinse → Spin, Aur Phir Rinse → Spin Yaani Teen Martaba Yeh Amal Kar Liya Jaaye, Toh Kapde Paak Ho Jayenge.

🌻Yeh Washing Machine Ke Zariye Kapdon Ko Paak Karne Ka Tareeqa Hai.

Continue…

Ubaid-E-Raza Official

💦 Taharat Course (Part-370) 

Nichod Kar Kapde Paak Karne Se Mutalliq Aham Hidayat 

🌺 Yeh Baat Bhi Yaad Rakhein Ke Agar Aap Nichod Kar Kapde Paak Karne Ka Tareeqa Ikhtiyar Kar Rahi Hain, Toh Apni Poori Taqat Ke Mutabiq Kapde Ko Achhi Tarah Nichodein, Yahan Tak Ke Us Mein Se Paani Ke Qatre Na Tapkein...

🌹Lekin Agar Usi Kapde Ko Aapse Zyada Taqatwar Shakhs Nichode Aur Us Mein Se Paani Ke Qatre Tapakne Lagen, Toh Hukm Mukhtalif Hoga. Masalan, Baaz Aurtein Jis Qadar Taqat Laga Sakti Hain, Us Ke Mutabiq Nichodne Ke Baad Paani Nahin Tapakta. Lekin Agar Koi Taqatwar Mard Usi Kapde Ko Nichode Aur Paani Tapak Jaaye, Toh Aurat Ke Haq Mein Woh Kapda Paak Hai, Jabke Us Mard Ke Haq Mein Woh Kapda Abhi Napaak Hi Rahega.

🌺Is Liye Agar Biwi Kamzor Ho Aur Shauhar Zyaada Taqatwar Ho, Aur Biwi Ne Isi Tareeqe Se Shauhar Ke Kapde Paak Kiye Hon, Toh Mumkin Hai Ke Woh Shauhar Ke Haq Mein Paak Na Hon. Aisi Soorat Mein Shauhar Ko Apni Taqat Ke Mutabiq Khud Kapde Nichodne Honge.

🌹Albatta Agar Nal Ke Neeche Ya Jaari Paani Ke Zariye Shauhar Ke Kapde Paak Kiye Jaa Rahe Hon, To Is Mein Koi Harj Nahin. Yeh Ehtiyat Sirf Us Soorat Mein Hai Jab Nichod Kar Paak Karne Ka Tareeqa Ikhtiyar Kiya Jaaye...

Continue…

Ubaid-E-Raza Official

💦 Taharat Course (Part-371)

💖 Phir Kuch Kapde Aise Hote Hain Ki Jinko Aap Nichod Nahin Sakte, Machine Mein Nahin Daal Sakte, Toh Agar Jaari Paani Ke Niche Rakh Sakte Hain To Thik Hai. Agar Nahin Rakh Sakte Lekin Heavy Kapde Hain Ki Jinko Aap Nichod Nahin Sakte To Phir Kya Karenge.?

🌷To Phir Aisi Soorat Mein Aap Un Par Achhi Tarah Paani Daal Den Phir Unko Aise Hi Latka Den Jab Tak Ke Ussay Katre Tapakna Band Na Ho Jaaye Jab Katre Tapakna Band Ho Jaaye Toh Phir Dobara Dhoye Phir Latkayein, Phir Jab Katre Tapakna Band Ho Jaaye To Phir Dobara Dhoye Phire Dobara Tapakna Band Hone Tak Wait Karen 3 Martaba Jab Ye Karenge Tab Jaa Kar Paak Hoga...

💖Aur Yahi Hukm Tamam Un Cheezon Ka Hai Jaise Carpet, Blanket, Blankets Bhi Kitna Nichodenge.? Pura Taqat De Kar Nahin Nichod Sakte Na.. To Heavy Cheezein Aisi Jinko Aap Nichod Nahin Sakte Toh Phir Unka Hukm Yahi Hota Hai Ki Sab Cheezon Ke Liye Wahi Maine Kaha Ki Agar Aap Jaari Paani Ke Niche Rakh Den Jaise Carpet Napak Ho Gaya Pipe Wagairah Pakad Kar Usko Paak Kar Diya Toh Koi Problem Hi Nahin Hai Ye Sab Se Aasan Tareeqa Hai. 

🌷Lekin Agar Pipe Wagairah Se Paak Nahin Kar Pa Rahein... Aur Paak Karna Hi Hai To Pani Dale Aur Usko Latakne Rakh Den Jab Tak Ki Paani Tapakna Band Na Ho Jaaye, Pura Sukhane Ki Zarurat Nahin Hai Drops Girna Band Ho Jaaye, Phir Second Martaba Kare Phir Third Martaba Kare Tab Ye Cheez Paak Hogi. Carpet Aur Dighar Bade Bade Blankets Wagairah. To Ye Tareeqa Hai Inko Paak Karne Ka.

Continue…

Ubaid-E-Raza Official

💦 Taharat Course (Part-372)

Har Cheez Ko Paak Karna Lazim O Zaroori Nahin Hota

🌹Yeh Baat Yaad Rakhein Ke Har Napaak Cheez Ko Paak Karna Lazim (Compulsory) Nahin Hota. Shariat Ne Har Cheez Ko Fauran Paak Karna Wajib Nahin Kiya.

💐 Jo Cheez Namaz Mein Istemal Hone Wali Ho, Ya Jis Ka Aap Baar-Baar Istemal Karte Hon Aur Andesha Ho Ke Us Par Geela Haath Ya Geeli Cheez Lagne Ki Wajah Se Najasat Aap Tak Muntaqil Ho Jayegi, Aisi Cheez Ko Paak Karna Zaroori Hoga.

🌹Masalan, Kapde Jinhein Pehen Kar Namaz Padhni Ho, Unka Paak Hona Zaroori Hai. Isi Tarah Jis Jagah Namaz Ada Karni Ho, Us Zameen Ka Utna Hissa Paak Hona Chahiye Jahan Namaz Padhi Ja Rahi Ho.

💐 Lekin Is Ke Ilawa Agar Carpet, Sofa, Furniture Ya Joota Napaak Ho Jaaye, Toh Sirf Napaak Ho Jaane Ki Wajah Se Unhein Paak Karna Shariat Ki Taraf Se Lazim Nahin Hai.

🌹Haan! Agar Un Cheezon Ka Aisa Istemal Ho Ke Baar-Baar Un Par Geela Haath Ya Geeli Cheez Lagti Ho Aur Najasat Doosri Cheezon Tak Muntaqil Hone Ka Andesha Ho, Toh Unhein Paak Kar Lena Behtar Hai. Aur Agar Paak Karna Mumkin Na Ho, Toh Un Par Koi Paak Cheez Bichha Dee Jaaye Taake Najasat Aap Tak Na Pahunche, Toh Yeh Bhi Kaafi Hai.

💐Is Liye Carpet, Bade Furniture Aur Isi Tarah Ki Bhaari Ashya Ko Har Soorat Mein Paak Karna Zaroori Nahin Hota.

Continue…

Ubaid-E-Raza Official

💦 Taharat Course (Part-373)

🧥 Jacket Wagairah Ko Paak Karne Ka Tareeqa

🌷Ab Mote Jackets Aur Isi Tarah Ke Doosre Mote Kapdon Ko Paak Karne Ka Tareeqa Bhi Jaan Lijiye.

🌻Chunke Aise Kapdon Mein Paani Fauran Andar Tak Nahin Pahunchta Aur Unhein Poori Tarah Bheegne Mein Kuch Waqt Lagta Hai, Is Liye Agar Unhein Paak Karna Ho Toh Sab Se Pehle Kuch Der Ke Liye Bucket Mein Bhigo Kar Chhod Dein, Taake Woh Achhi Tarah Paani Jazb (Absorb) Kar Lein.

🌷Is Ke Baad Unhein Bucket System Ke Mutabiq Paak Karein, Yaani Paani Ko Is Tarah Bahaein Ke Najasat Nikal Jaane Ka Yaqeen Ho Jaaye.

🌻Agar Bina Bhigoye Hi Paak Karne Ki Koshish Ki Jaaye, Toh Mumkin Hai Ke Najasat Kapde Ke Andar Tak Pahunch Chuki Ho Aur Paani Har Hisse Tak Na Pahunche. Is Wajah Se Kapda Poori Tarah Paak Na Ho.

🌷Is Liye Mote Jackets Aur Isi Qism Ke Kapdon Ko Pehle Achhi Tarah Bhigo Lena Chahiye, Phir Unhein Munasib Tareeqe Se Paak Karna Chahiye.

Continue…

Ubaid-E-Raza Official

💦 Taharat Course (Part-374)

♦️Ek Sawal Yeh Aaya Hai Ke Hum Kapde Laundry Wagairah Mein Dete Hain, Toh Kya Woh Kapde Paak Hote Hain Ya Nahin?.. Isi Tarah Kabhi Second-Hand Kapde Ya Thrift Store Wagairah Se Kapde Khareede Jaate Hain, Jinke Baare Mein Hamein Yaqeen Nahin Hota Ke Woh Paak Hain Ya Nahin. Toh Kya Aise Kapde Pehne Jaa Sakte Hain?

🔸Is Ka Jawab Yeh Hai Ke Yahan Wahi Usool Laagu Hoga Ke Jab Tak Kisi Cheez Ki Paaki Ya Napaaki Ka Yaqeen Na Ho, Us Waqt Tak Usay Paak Hi Maana Jayega...

♦️Lihaza Agar Aap Ne Thrift Store Se Ya Kahin Aur Se Koi Kapda Khareeda Hai, Ya Koi Aisa Kapda Mila Hai Jiske Paak Ya Napaak Hone Ke Baare Mein Sirf Shak Hai, Toh Woh Kapda Finafsihi Paak Hi Maana Jayega... Kyun Ke Asal Yahi Hai Ke Kapda Paak Hota Hai... Jab Tak Koi Sharayi Daleel Ya Yaqeeni Baat Is Ke Napaak Hone Ko Sabit Na Kar De, Usay Paak Hi Samjha Jayega.

🔸Ab Yeh Baat Sabit Kaise Hogi? Misal Ke Taur Par Ya Toh Aap Khud Apni Aankhon Se Us Kapde Ko Napaak Hote Hue Dekh Lein (Jo Aam Taur Par Mumkin Nahin Hota). Ya Koi Mo'atabar Aur Deendar Shakhs Aap Ko Bata De Ke Us Ne Is Kapde Ko Napaak Hote Dekha Hai.. Ya Phir Jis Jagah Se Kapda Liya Gaya Ho Wahan Se Koi Aisi Maloomat Mil Jaye Jisse Us Ka Napaak Hona Yaqeeni Taur Par Sabit Ho Jaaye...

♦️Agar Is Tarah Ki Koi Baat Maujood Na Ho, To Phir Woh Kapda Paak Hi Maana Jayega Aur Usay Pehna Bhi Jaa Sakta Hai.

Continue…

Ubaid-E-Raza Official

💦 Taharat Course (Part-375) 

Isi Tarah Laundary Ka Bhi Ek Masla Hai.

🔸Agar Aap Ne Paak Kapda Laundry Mein Diya Tha, Toh Wapas Aane Ke Baad Hamein Yeh Yaqeen Nahin Hota Ke Us Ke Saath Koi Napaaki Lagi Ya Nahin.. Jab Tak Is Baat Ki Koi Daleel Ya Yaqeen Na Ho, Hum Us Kapde Ko Paak Hi Maanenge... Kyun Ke Hum Ne Paak Kapda Hi Diya Tha Aur Us Ke Napaak Hone Ki Koi Daleel Hamare Paas Maujood Nahin Hai..

🔹Lekin Agar Aap Ne Napaak Kapda Laundry Mein Diya Tha, Toh Wapas Aane Ke Baad Yeh Bhi Hamein Yaqeen Nahin Ke Laundry Walon Ne Use Sharayi Tareeqe Ke Mutabiq Paak Kiya Hoga Ya Nahin.. Sirf Laundary Se Dhul Kar Aa Jaana Is Baat Ki Daleel Nahin Ke Kapda Shar‘an Paak Ho Gaya Hai...

🔸Is Liye Agar Napaak Kapda Bheja Tha, Toh Wapas Aane Par Usay Napaak Hi Maana Jayega... Kyun Ke Us Ke Paak Hone Ki Koi Sharayi Daleel Hamare Paas Maujood Nahin Hai. Haan, Agar Yaqeeni Taur Par Maloom Ho Jaaye Ke Kapda Sharayi Tareeqe Ke Mutabiq Paak Kar Diya Gaya Hai, Toh Phir Usay Paak Maana Jayega.

🔹Lihaza, Laundry Ke Masle Ka Khulasa Yeh Hai

🥀Agar Paak Kapda Bheja Tha, Toh Wapas Aane Par Usay Paak Hi Maana Jayega.

🥀Aur Agar Napaak Kapda Bheja Tha, Toh Jab Tak Us Ke Shar‘an Paak Hone Ka Yaqeen Na Ho, Usay Napaak Hi Maana Jayega.

Continue…

Ubaid-E-Raza Official

💦 Taharat Course (Part-376)

🤔 Zameen Napaak Ho Jaaye Toh Isko Kaise Paak Karenge? (#01)

🌹Dekhiye, Agar Zameen Napaak Ho Jaaye Toh Use Paak Karne Ka Ek Tareeqah Yeh Hai Ke Us Par Paani Baha Diya Jaaye.. Ya Phir Agar Tiles Wagairah Hon Toh Unhein Pochha Laga Kar Achhi Tarah Saaf Kar Liya Jaaye.. Aam Taur Par Tiles Wagairah Ko Teen Martaba Achhi Tarah Saaf Karne Se Woh Paak Ho Jaati Hain...

♦️Aap Ne Yeh Baat Bhi Suni Hogi Ke "Cheezein Khushk Ho Kar Paak Ho Jaati Hain." Is Masle Ko Thoda Tafseel Se Samajh Lijiye...

🌹 Jo Cheez Zameen Ki Jins Se Ho, Ya Zameen Se Is Tarah Judi Hui Ho Ke Use Alag Na Kiya Jaa Sake, Agar Us Par Najasat Gir Jaaye Toh Us Ka Hukm Yeh Hai Ke Jab Najasat Khushk Ho Jaaye Aur Dhoop, Hawa Wagairah Ki Wajah Se Us Ke Tamam Asraat, Yaani Rang, Bu Aur Nishan Bilkul Khatam Ho Jaayen, Toh Woh Jagah Khud-Ba-Khud Paak Mani Jaati Hai...

 Misal Ke Taur Par:

▪️Bahar Ki Mitti Wali Zameen..

▪️Ghar Ke Floor Ki Tiles.

▪️Ghar Ki Diwarein.

▪️Pillar.

▪️Interlock Lagi Hui Zameen.

♦️Aur Har Woh Cheez Jo Zameen Ke Saath Is Tarah Attached Ho Ke Usay Alag Na Kiya Jaa Sake...Agar In Mein Se Kisi Cheez Par Najasat Lag Jaaye Aur Baad Mein Dhoop Aur Hawa Ki Wajah Se Woh Poori Tarah Khushk Ho Kar Us Ke Rang, Bu Aur Tamam Nishanat Khatam Ho Jayen, Toh Shari'at Ne Aasani Dete Hue Us Jagah Ko Paak Qarar Diya Hai..

🌹 Lekin Ek Baat Yaad Rakhein.. Aisi Zameen Paak To Maani Jayegi, Magar Us Jagah Ki Mitti Se Tayammum Nahin Kiya Jayega, Kyun Ke Us Mein Ek Martabah Najasat Shamil Ho Chuki Thi.

♦️Haan, Agar Us Jagah Par Paani Baha Kar Use Sharayi Tareeqe Se Paak Kar Liya Gaya Ho, Toh Phir Us Mitti Se Tayammum Karna Jaiz Hai...Albatta Us Jagah Par Namaz Ada Karne Mein Koi Haraj Nahin.

🌹Yeh Hukm Khaas Taur Par Un Cheezon Ke Liye Hai Jo Zameen Ki Jins Se Hon Ya Zameen Ke Saath Mustaqil Taur Par Judi Hui Hon.

Continue…

Ubaid-E-Raza Official

💦 Taharat Course (Part-377) 

🤔 Zameen Napaak Ho Jaye To Isko Kaise Paak Karenge? (#02)

💐Ab Yahan Ek Baat Samajh Lijiye... Jo Cheezen Zameen Ke Saath Permanently Attached Nahin Hoti, Agar Woh Napaak Ho Jaayen Toh Unhein Paak Karne Ka Tareeqa Sirf Yahi Hai Ke Unpar Paani Bahaaya Jaaye. Iske Alawa Koi Doosra Tareeqa Nahin Hai.

Yeh Nahin Kaha Ja Sakta Ke Unhein Dhoop Mein Rakh Diya Jaaye Aur Jab Woh Khud-Ba-Khud Sookh Jaayen To Paak Ho Gayin..

🌹 Aisa Nahin Hai.. Balke Unhein Paak Karne Ke Liye Paani Bahaana Lazim Hai.

Misal Ke Taur Par ... Interlock Ki Misaal Lijiye. Agar Interlock Ki Eentain Zameen Mein Laga Di Gayi Hain To Woh Zameen Ka Hissa Ban Jaati Hain. Aisi Soorat Mein Agar Woh Napaak Ho Jaayen Aur Phir Dhoop Ya Hawa Se Khushk Ho Jaayen To Paak Ho Jaati Hain...

💐Lekin Agar Koi Interlock Alag Rakha Hua Ho Aur Us Par Kutte Ne Peshab Kar Diya Ho, Toh Ab Uske Baare Mein Yeh Nahin Kaha Jaayega Ke Dhoop Mein Pade-Pade Sookh Gaya, Is Liye Paak Ho Gaya. Nahin! Isko Paak Karne Ke Liye Baqaidah Us Par Paani Bahaana Zaroori Hoga...Ye The Zameen Ki Paaki Se Muta'alliq Aham Masa'il..

Continue…

Ubaid-E-Raza Official

💦 Taharat Course (Part-378)

🤔 Sofa Agar Napaak Ho Jaye To Kaise Paak Karenge? (#01)

🌹Agar Sofa Rexine Ya Leather Jaisi Material Ka Ho Toh Ise Paak Karna Bahut Aasaan Hai... Kyunki Is Tarah Ke Sofa Mein Najaasat Andar Jazb Nahin Hoti, Balke Sirf Upar Rehti Hai. Is Liye Jab Najaasat Aur Uske Asraat Khatm Ho Jaayen, Toh Paak Kapde Se 2 Ya 3 Baar Achhi Tarah Pochh Dene Se Sofa Saaf Bhi Ho Jaata Hai Aur Paak Bhi Ho Jaata Hai.

🌻 Lekin Agar Sofa Kapde Ka Ho, Toh Phir Use Sharayi Tareeqe Ke Mutabiq Paak Karna Hoga.. Yaani Agar Uska Cover Nikaal Kar Us Par Paani Baha Sakte Hain, Toh Paani Baha Kar Use Paak Kar Lijiye.

🌹Lekin Agar Cover Nikaalna Mumkin Na Ho, Ya Paani Bahaane Se Sofa Kharab Hone Ka Andesha Ho, Toh Is Soorat Mein Usko Paak Karna Zaroori Nahin Hai.

🌻Jaise Pehle Bhi Bataya Gaya Hai Ke Har Napaak Cheez Ko Paak Karna Lazim Nahin Hota. Shariat Ne Yeh Takaza Nahin Kiya Ke Insaan Har Woh Cheez Jo Napaak Ho Jaaye, Usko Zaroor Paak Kare.

🌹Albattah Jo Cheezen Aap Rozmarrah Istemal Karte Hain, Jinhein Pehen Kar Namaz Padhte Hain, Ya Jis Jagah Aur Jis Kapde Par Namaz Ada Karte Hain, Jaise Jaa E Namaz, Unki Paaki Ka Ehtimam Zaroori Hai. Inhein Sharayi Tareeqe Se Paak Karna Hoga.

🌻Iske Ilawa Doosri Cheezon Ko Paak Karna Zaroori Nahin Hai.

Continue…

Ubaid-E-Raza Official

💦 Taharat Course (Part-379) 

🤔 Sofa Agar Napaak Ho Jaye To Kaise Paak Karenge? (#02)

🌷 Agar Kisi Wajah Se Aap Sofa Ko Sharayi Tareeqe Se Paak Nahin Kar Paa Rahe Hain, Toh Koi Haraj Nahin... Usay Geele Kapde Se Achhi Tarah Pochh Lijiye Aur Agar Najaasat Ki Badboo Ya Dhabbe Maujood Hon Toh Unhein Door Karne Ki Koshish Kijiye... Iske Baad Sofa Ko Achhi Tarah Sookh Jaane Dijiye.

🪷 Phir Agar Woh Maqam Khushk Ho Aur Us Par Koi Geeli Najaasat Na Ho, Toh Us Par Baithne Mein Koi Haraj Nahin Hai.

🌷Albatta Agar Geele Kapde Pehen Kar Ya Koi Geeli Cheez Lekar Us Par Baithenge, Toh Kapda Napaak Hone Ka Andesha Hai. Is Liye Ahtiyat Karein.. Behtar Yeh Hai Ke Us Jagah Par Koi Chaadar Ya Bedsheet Bichha Kar Baith Liya Jaye...

🪷 Aur Kyunki Woh Napaaki Ka Maqam Hai, Is Liye Wahan Baith Kar Qur'an E Majeed Ki Tilawat, Zikr-O-Azkar Aur Dua Se Bachna Chahiye...

🌷Isi Tarah Agar Ghar Ke Doosre Furniture, Jaise Dining Chairs Wagairah Kapde Ke Hon Aur Napaak Ho Jaayen, Lekin Unhein Sharayi Tareeqe Se Paak Karna Mumkin Na Ho, Toh Unka Bhi Yahi Hukm Hai.

🪷 Haan, Agar Un Chairs Par Baith Kar Namaz Padhi Jaati Ho, Toh Jab Tak Woh Paak Na Ho Jaayen Un Par Baith Kar Namaz Na Padhi Jaaye. Agar Zarurat Ho Toh Un Par Koi Paak Kapda Ya Chaadar Bichha Kar Namaz Padhi Jaa Sakti Hai.

🌷Rahi Baat Bistar, Rajai Aur Isi Tarah Ki Badi Cheezon Ki, Toh Unhein Paak Karne Ka Tareeqa Pehle Bhi Bayan Kiya Jaa Chuka Hai... Un Par Paani Baha Diya Jaaye, Ya Unhein Itna Bhigo Diya Jaaye Ke Paani Har Hissa Tak Pahunch Jaaye, Phir Agar Mumkin Ho Toh Us Paani Ko Nikal Diya Jaaye..

Continue…

Ubaid-E-Raza Official

💦 Taharat Course (Part-380) 

🤔 Lakdi Ki Cheezen Agar Napaak Ho Jaayen To Unhein Kaise Paak Karen? ... Jaise Lakdi Ka Furniture Wagairah Napaak Ho Jaaye, Toh Iska Kya Hukm Hai?

🌼 Jaise Pehle Bhi Bataya Gaya Hai, Agar Us Cheez Ko Paak Karna Zaroori Ho Tabhi Paak Karein, Warna Har Napaak Cheez Ko Paak Karna Lazim Nahin Hai...

🌻 Agar Lakdi Ke Furniture Par Paani Bahaana Mumkin Na Ho, Toh Jis Jagah Najaasat Lagi Ho Wahan Thoda Sa Paani Daal Dijiye, Phir Us Par Ret Ya Choona Daal Dijiye. Yeh Paani Ko Jazb (Absorb) Kar Lega... Isi Tarah Teen Martaba Yeh Amal Karne Se Woh Hissa Paak Ho Jaayega.

🌼 Isi Tarah Juton Ka Bhi Hukm Hai.. Unhein Paak Karna Har Soorat Mein Zaroori Nahin Hota. Lekin Agar Paak Karna Ho, Toh Behtareen Tareeqa Yeh Hai Ke Unhein Jaari Paani Mein Dho Diya Jaaye.

🌻 Aur Agar Jaari Paani Mein Dhona Mumkin Na Ho, Toh Unpar Paani Daal Kar Latka Dijiye, Kyunki Juton Ko Nichodna Mumkin Nahin Hota. Jab Un Se Paani Ke Qatre Tapakna Band Ho Jaayen, Toh Dobara Paani Daaliye Aur Phir Latka Dijiye. Isi Tarah Teen Martaba Yeh Amal Karne Se Joote Paak Ho Jaayenge.

Continue…

Ubaid-E-Raza Official

💦 Taharat Course (Part-381)

🤔 Mattress Napaak Ho Jaye To Kya Karen?

🔹Mattress Ke Baare Mein Aksar Sawal Kiya Jata Hai Ke Agar Chhote Bachche Us Par Peshab Kar Dein To Phir Kya Hukm Hai?

🔸Dekhiye, Jab Ghar Mein Chhote Bachche Hon To Behtar Ye Hai Ke Pehle Hi Aisi Tadbeer Kar Li Jaaye Ke Mattress Napaak Na Ho. . Aaj Kal Aisi Dry Sheets Aasani Se Mil Jaati Hain Jo Peshab Ko Fauran Absorb Kar Leti Hain... Is Liye Dry Sheet Istemal Kar Len Ya Mattress Par Koi Munasib Waterproof Cover Daal Den... Is Tarah Mattress Ko Napaak Hone Se Bachaya Ja Sakta Hai.

🔹 Lekin Agar Kisi Wajah Se Mattress Napaak Ho Hi Jaaye Toh Zaroori Nahin Ke Aap Usay Paak Karna Hi Lazim Samjhein...

🔸 Jaise Pehle Sofa Ke Baare Mein Bataya Gaya Tha, Wahan Bhi Yahi Hukm Hai Ke Jitni Mumkin Ho Najasat Ko Door Karne Ki Koshish Karen. Jab Mattress Poori Tarah Sookh Jaye To Us Ke Upar Ek Bed Sheet Bichha Kar Istemal Kar Sakte Hain, Is Mein Koi Harj Nahin..

🔹Agar Bed Sheet Na Ho To Sukhe Kapde Ke Saath Us Par Baithne Ya Letne Mein Bhi Koi Problem Nahin... Is Liye Is Masle Mein Pareshan Hone Ki Zarurat Nahin Hai...

Continue…

Ubaid-E-Raza Official

💦 Taharat Course (Part-382)

🤔 Agar Carpet Par Najasat Gir Jaaye Aur Woh Paani Absorb Na Karta Ho To Kya Sirf Pochh Kar Saaf Kar Sakte Hain?

🌷 Ji Haan, Agar Carpet Aise Material Ka Ho Jo Paani Ko Bilkul Absorb Na Karta Ho Aur Usmein Najasat Andar Tak Na Jaati Ho.. Balki Sirf Upar Hi Rehti Ho.. Toh Usay Pochh Kar Saaf Karna Kaafi Hai...

🌻Iski Misaal Sheeshe (Glass) Aur Mirror Ki Tarah Hai. In Cheezon Mein Aise Chhote Chhote Pores Ya Khadde Nahin Hote Jin Ke Andar Najasat Samaa Jaaye... Is Liye Inhen Sirf Achhi Tarah Pochh Kar Saaf Kar Dena Hi Kaafi Hota Hai.

🌷 Lekin Agar Kisi Cheez Mein Chhote Chhote Pores Ya Suraakh Hon, Jin Ke Andar Najasat Chali Jaati Ho, Toh Phir Sirf Pochhna Kaafi Nahin Hoga... Aisi Soorat Mein Us Par Paani Bahana Ya Usay Itni Achhi Tarah Saaf Karna Zaroori Hai Ke Andar Pahunchi Hui Najasat Bhi Nikal Jaaye..

🌻Is Liye Agar Carpet Waqayi Aise Material Ka Ho Jismein Paani Ya Najasat Ke Absorb Hone Ki Bilkul Gunjaish Na Ho, Toh Usay Sirf Pochh Kar Saaf Kar Lena Kaafi Hai.

Continue…

Ubaid-E-Raza Official

💦 Taharat Course (Part-383)

🤔 Napaak Kapde Ka Paak Kapde Se Lagne Ka Kya Hukm Hai?

♦️Is Masle Ko Samajhne Ke Liye Do Alag-Alag Sooratein Yaad Rakhni Chahiye...

🔹 Pehli Soorat: Agar Napaak Kapda Bilkul Khushk (Dry) Ho Aur Woh Kisi Paak Kapde Se Sirf Touch Ho Jaaye, Toh Is Se Koi Problem Nahin... Kyun Ki Khushki Ki Halat Mein Najasat Ek Jagah Se Doosri Jagah Muntaqil Nahin Hoti... Is Liye Paak Kapda Paak Hi Rahega Aur Napaak Kapda Apni Jagah Napaak Rahega...

🔸Doosri Soorat: Agar Napaak Kapde Par Najasat Geeli Ho Aur Us Ke Saath Doosra Kapda Rakh Diya Jaaye Ya Lapet Diya Jaaye, Toh Hukm Tafseel Ke Saath Samajhiye.

🌹Agar Kapde Par Sirf Najasat Hi Najasat Ho Aur Us Mein Koi Paak Cheez Mili Hui Na Ho, Jaise Sirf Peshab, Sirf Khoon Ya Sirf Sharab Ho, To Agar Us Najasat Ka Rang Ya Boo Doosre Kapde Mein Muntaqil Ho Jaaye, Toh Doosra Kapda Bhi Napaak Ho Jayega...

🌻Lekin Agar Najasat Ke Saath Koi Paak Cheez Bhi Mili Hui Ho, Jaise Paani Wagairah, To Isay Mixed Najasat Kahenge. Misal Ke Taur Par Koi Geela Kapda Tha Aur Us Par 2–3 Qatre Najasat Ke Gir Gaye.

🌻Is Soorat Mein Agar Us Geele Kapde Ke Touch Hone Se Paak Kapde Mein Itni Tari Aa Jaye Ke Usay Achhi Tarah Nichodne Par Kam Az Kam Ek Qatra Tapak Jaaye, Toh Paak Kapda Bhi Napaak Ho Jayega.

🌹Aur Agar Sirf Halki Si Nami Ya Tari Aayi Ho, Lekin Nichodne Par Ek Qatra Bhi Na Tapke, To Paak Kapda Paak Hi Rahega.

Khulasa:

1. Agar Sirf Najasat Ho, To Us Ka Rang Ya Boo Doosre Kapde Mein Aa Jaaye Toh Woh Bhi Napaak Ho Jayega.

2. Agar Mixed Najasat Ho (Najasat Ke Saath Paani Wagairah Bhi Ho), Toh Tab Doosra Kapda Us Waqt Napaak Hoga Jab Us Mein Itni Tari Muntaqil Ho Ke Nichodne Par Ek Qatra Tapak Jaaye. Warna Woh Paak Hi Rahega.

🌹Misal Ke Taur Par Agar Bahut Geela Napaak Kapda Pada Hua Tha Aur Kisi Bachche Ne Us Ke Upar Doosra Kapda Rakh Diya, Jis Ki Wajah Se Doosra Kapda Bhi Achhi Tarah Geela Ho Gaya, Toh Woh Kapda Napaak Ho Jaayega. Aur Agar Itni Tari Muntaqil Na Hui Ho Toh Woh Paak Hi Rahega...

Continue…

Ubaid-E-Raza Official

💦 Taharat Course (Part-384)

🤔 Agar Napaak Kapde Kisi Rassi Par Sukhne Ke Liye Daal Diye Jayen, Toh Kya Rassi Dhoop Mein Sookh Jaane Se Khud-Ba-Khud Paak Ho Jayegi?

🌷Is Masle Ki Tafseel Yeh Hai Ki Agar Aap Napaak Kapde Dho Kar Achhi Tarah Nichod Kar Rassi Par Daalte Hain, Is Tarah Ke Un Se Paani Ke Qatre Nahin Tapak Rahe Hote, Balki Sirf Nami (Tari) Hoti Hai, Toh Rassi Napaak Nahin Hogi Aur Paak Hi Rahegi.

🌼 Kyunki Jo Kapde Dho Kar Laye Jaate Hain, Un Mein Kuch Nami Toh Baaqi Rehti Hi Hai... Agar Woh Nami Sirf Rassi Tak Mahdood Rahe Aur Itni Zyaada Na Ho Ke Rassi Se Paani Ke Qatre Tapakne Lagen, To Is Se Rassi Napaak Nahin Hoti.

🤔 Bil-Farz Agar Rassi Napaak Ho Jaaye, Toh Usay Paak Kaise Kiya Jayega?

🌷Agar Rassi Napaak Ho Jaaye, Toh Use Paak Karna Zaroori Hoga. Is Ke Liye Ya Toh Rassi Ko Utar Kar Dho Liya Jaaye, Ya Us Par Paani Baha Diya Jaaye. Paani Bahane Se Rassi Paak Ho Jayegi...

🌼 Sirf Dhoop Mein Sookh Jane Se Rassi Khud-Ba-Khud Paak Nahin Hoti. Agar Woh Napaak Ho Chuki Ho, To Shariat Ke Mutabiq Usay Paani Se Paak Karna Zaroori Hai.

Continue…

Ubaid-E-Raza Official

💦 Taharat Course (Part-385)

 

🤔 Agar Paak Kapde Napaak Rassi Par Sukhne Ke Liye Daal Diye Jayen, Toh Kya Unhen Dobara Paak Karna Hoga?

 

🌹Agar Rassi Napaak Thi Aur Aap Ne Us Par Koi Paak Kapda Dala, Aur Kapda Gheela Tha, Jis Ki Wajah Se Rassi Ka Napaak Hissa Bhi Geela Ho Gaya Aur Us Ki Najasat Kapde Tak Muntaqil Ho Gayi, Toh Us Kapde Ka Mutasir Hissa Paak Karna Zaroori Hoga...

 

🌻Yaani Agar Rassi Ki Najasat Kapde Par Aa Gayi Ho, Ya Us Ka Rang, Boo (Smell) Ya Najasat Ka Asar Zahir Ho Jaaye, Toh Kapde Ko Paak Karna Padega.

 

🌹Yahan Bhi Wahi Qaidah Lagu Hoga Jo Do Kapdon Ke Masle Mein Bayan Kiya Gaya Tha..

 

▪️ Agar Rassi Par Khalis Najasat Lagi Hui Thi, Toh Us Ka Rang, Boo Ya Asar Kapde Par Aa Jaane Ki Soorat Mein Kapda Paak Karna Zaroori Hoga..

 

▪️Aur Agar Rassi Par Mixed Najasat Thi, To Phir Wahi Pehla Qaidah Lagu Hoga, Yaani Jab Tak Kapde Par Ek Qatre Ke Barabar Najasat Muntaqil Na Ho, Kapda Paak Rahega.

 

Yeh Taqriban Woh Aham Masa'il The Jo Rozmarrah Ki Cheezon Ko Paak Karne Ke Silsile Mein Arz Kiye Gaye.

 

Ab Agla Mauzu:

Baal Aur Nakhoon Kaatne Ke Masa'il, Kyunki Yeh Bhi Taharat Ka Ek Aham Hissa Hain. 

 

Continue…

Ubaid-E-Raza Official

💦 Taharat Course (Part-386)

💐Yaad Rakhiye, Hum Jo Baal Aur Nakhoon Kaatte Hain, Unka Kaatna Baaz Auqaat Mustahab Hota Hai Aur Baaz Auqaat Wajib Ho Jaata Hai..

♦️Har Hafte Nakhoon Kaatna Aur Baghal Ke Baal Aur Private Area Ke Gair Zaroori Baal Saaf Karna Mustahab Aur Pasandeedah Amal Hai. Is Par Sawab Milta Hai...

💐 Lekin Agar Koi Shakhs Har Hafte Yeh Safai Nahin Karta, Toh Jis Din Us Ne Aakhri Martaba Safai Ki Thi, Us Din Se 40 Din Mukammal Hone Se Pehle Pehle Nakhoon Kaatna Aur Gair Zaroori Baal Saaf Karna Wajib Ho Jaata Hai...

♦️Agar Koi 40 Din Guzar Jaane Ke Baad Bhi Nakhoon Nahin Kaatta Ya Gair Zaroori Baal Saaf Nahin Karta, Toh Yeh Makrooh-E-Tahreemi Hai Aur Woh Shakhs Gunahgaar Hoga..

💐Is Liye Ek Hafte Ke Andar Safai Kar Lena Mustahab Hai. Aur Agar Kisi Wajah Se Na Ho Sake, Toh 40 Din Mukammal Hone Se Pehle Zaroor Kar Len... Warna 40 Din Guzar Jaane Ke Baad Taakhir Karna Gunah Ka Sabab Ban Jaata Hai...

♦️Bar-Bar Makrooh E Tahreemi Ka Irtikab Karte Rehna Insaan Ko Bade Gunahon Ki Taraf Le Jaata Hai. Is Liye Is Muamle Mein Khaas Ahtiyat Karni Chahiye..

💐Baaz Log Yeh Samajhte Hain Ki Agar 40 Din Guzar Gaye, Toh Ab Namaz Nahin Hogi Ya Namaz Qubool Nahin Hogi. Yeh Baat Durust Nahin Hai.

♦️Is Masle Ka Namaz Se Koi Khaas Taalluq Nahin, Balki Paakizgi Aur Safai Se Taalluq Hai...Misal Ke Taur Par Agar Kisi Ne Do Mahine Se Nakhoon Nahin Kaate, Ya Kisi Ko Bade Nakhoon Rakhne Ka Shauq Hai, Aur Us Ne Isi Haalat Mein Wuzu Karke Namaz Padh Li, Toh Agar Wuzu Ke Tamam Sharaait Poore The, Namaz Ada Ho Jayegi.

💐Lekin 40 Din Se Zyaada Nakhoon Badhane Ki Wajah Se Woh Shakhs Gunahgaar Rahega... Nakhoon Kaatne Mein Sirf Halka Sa Kona Kaat Dena Kaafi Nahin, Balki Jitni Zarurat Ho Jad Ke Qareeb Se Nakhoon Kaatne Chahiye, Taake Sunnat Ke Mutabiq Safai Hasil Ho.

Continue…

Ubaid-E-Raza Official

💦 Taharat Course (Part-387)

🤔 Umuman Ek Sawal Yeh Bhi Poocha Jaata Hai Ki Jism Ke Dusre Hisson Ke Baal Nikalna Jaiz Hai Ya Nahin? Jaise Haathon Ya Pairon Ki Waxing Karwana.

🪷 Is Ka Jawab Yeh Hai Ki Is Mein Koi Harj Nahin. Agar Koi Aurat Haathon Ya Pairon Ki Waxing Karwati Hai, Toh Yeh Jaiz Hai...

🔹Haan, Agar Is Ki Niyat Yeh Ho Ki Gair-Mehram Ke Samne Apni Zeenat Ka Izhar Karegi, Ya Aisi Parties Ya Shadiyon Mein Jayegi Jahan Hijab Ka Ehtimam Nahin Hoga Aur Haath Ya Pair Khule Honge, Jis Se Gair-Mehram Mardon Ki Nazar Pade, To Is Soorat Mein Yeh Jaiz Nahin Hoga. Kyunki Yahan Maqsad Hi Najaiz Hai.

🪷 Lekin Agar Maqsad Sirf Safai, Nazafat Ya Apni Zaati Dekh-Bhaal Ho, Toh Jism Ke Doosre Hisson Ke Baal Saaf Karne Mein Koi Muzaiqah Nahin.

🔹Isi Tarah Agar Shauhar Ki Khwahish Ho Ke Us Ki Biwi Waxing Karwaye Ya Apni Zeenat Ka Ehtimam Kare, Toh Is Soorat Mein Biwi Ke Liye Shauhar Ki Is Jaiz Khwahish Ko Poora Karna Lazim Hoga. Kyunki Is Muamle Mein Shauhar Ki Ita'at Ki Jayegi.

Continue…

Ubaid-E-Raza Official

💦 Taharat Course (Part-388)

🤔 Waxing Khud Karni Chahiye Ya Parlour Jaa Kar Bhi Karwa Sakte Hain?

💐Agar Koi Aurat Khud Waxing Kar Leti Hai, Toh Yeh Behtar Hai. Haan, Agar Parlour Jaa Kar Waxing Karwani Ho, Toh Is Silsile Mein Ek Zaroori Masla Samajh Lijiye.

♦️Agar Parlour Mein Waxing Ke Dauran Sitr Khul Jaata Hai, Toh Iska Hukm Maloom Hona Chahiye. Musalman Aurat Ke Samne Aurat Ka Sitr Naaf Se Lekar Ghutnon Tak Hota Hai. Is Liye Agar Muslim Aurat Ke Samne Sirf Haath Ya Paon Wagairah Khul Jaate Hain Aur Woh Waxing Kar Deti Hai, Toh Is Mein Koi Harj Nahin..

💐Lekin Agar Waxing Karne Wali Gair Muslim Aurat Ho, Toh Us Ke Samne Parde Ka Hukm Mukhtalif Hai. Fuqaha Ke Bayan Ke Mutabiq Ghair Muslim Aurat Ke Samne Bhi Musalman Aurat Ko Apne Jism Ki Hifazat Aur Parde Ka Ehtimam Karna Chahiye. Is Liye Us Ke Paas Ja Kar Haath, Paon Ya Jism Ke Doosre Hisson Ki Waxing Karwana Jaiz Nahin.

♦️Khulasa Ye Hai: Agar Waxing Karne Wali Aurat Muslim Ho, Toh Zarurat Ke Mutabiq Us Se Waxing Karwayi Jaa Sakti Hai. Lekin Agar Woh Gair Muslim Ho, To Us Se Waxing Nahin Karwani Chahiye..

Continue…

Ubaid-E-Raza Official

💦 Taharat Course (Part-389)

🤔 Kya Eyebrow Banwana Jaiz Hai?

🌹Eyebrows Banwane Ki Ijazat Nahin Hai. Ye Hukm Mardon Aur Aurton Donon Ke Liye Hai. Is Liye Baqaidah Eyebrows Ko Shape Dena Ya Banwana Jaiz Nahin.

🌻Haan, Agar Sirf Bhawon Ko Gel Ke Zariye Set Kar Liya Jaaye, Toh Is Mein Koi Harj Nahin, Kyun Ke Is Mein Baal Nahin Nikale Jaate.

🌹Albatta, Agar Chehre Par Upper Lips Ke Baal Hon Ya Kisi Aurat Ke Chehre Par Daadhi Ki Tarah Halke Baal Aa Jayein, To Unhein Hata Sakti Hai.

🌻Haan, Agar Kisi Ki Bhawein Itni Ghani Hon Ke Darmiyan Se Bilkul Mil Gayi Hon.. Aur Dekhne Mein Bahut Zyaada Na-Munasib Lagti Hon, Toh Is Soorat Mein Unhein Munasib Had Tak Durust Karne Ki Gunjaish Hai...

🌹Isi Tarah Agar Is Wajah Se Rishton Mein Rukawat Aa Rahi Ho, Ya Shadi Ke Baad Shauhar Ko Is Se Sakht Na-Pasand Ho Aur Is Buniyaad Par Biwi Ki Taraf Mailan Kam Ho Raha Ho, Toh Aisi Zarurat Ki Soorat Mein Itni Bhanwon Ko Sahi Karne Ki Ijazat Hogi Jitni Zarurat Ho..

Continue…

Ubaid-E-Raza Official

💦 Taharat Course (Part-390)

🤔 Halat-E-Haiz Mein Nakhun Kaatna Aur Jism Ke Baal Saaf Karna Kaisa Hai?

🪷Halat-E-Haiz Mein Nakhun Kaatna Ya Jism Ke Gair Zaroori Baal Saaf Karna Behtar Nahin Samjha Gaya Hai. Behtar Ye Hai Ke Ghusl Kar Ke, Yaani Haiz Se Paaki Hasil Hone Ke Baad Ye Kaam Kiya Jaaye.

🌷Lekin Agar Koi Haiz Ki Halat Mein Hi Nakhun Kaat Le Ya Baal Saaf Kar Le, Toh Is Mein Koi Harj Nahin Aur Na Hi Is Par Gunah Hoga.

🤔 Gair Zaroori Baal Kis Tarah Saaf Kiye Jaa Sakte Hain?

🪷Gair Zaroori Baal Kisi Bhi Jaiz Tareeqe Se Saaf Kiye Jaa Sakte Hain. Misal Ke Taur Par:

▪️Razor Ya Shaving Cream Se

▪️Hair Removal Cream Ya Powder Se

▪️Waxing Se

▪️Threading Se (Jahaan Shar'an Ijazat Ho)

▪️Tweezers Se

▪️Electric Hair Remover Machine Se

▪️Hair Removal Strips Se

▪️Laser Treatment Ke Zariye

Ye Tamam Tareeqe Jaiz Hain.

🤔 Kya Laser Ke Zariye Hair Growth Ko Hamesha Ke Liye Kam Ya Band Karna Jaiz Hai?

🌷Agar Laser Treatment Se Sehat Ko Koi Nuqsan Na Ho Aur Doctor Ya Maahir Ke Mutabiq Koi Medical Problem Paida Hone Ka Andesha Na Ho, Toh Laser Ke Zariye Hair Growth Ko Kam Ya Band Karwana Jaiz Hai.

🪷Haan, Jin Afrad Ki Skin Bahut Sensitive Ho Ya Jinhein Is Se Nuqsan Pahunchne Ka Imkaan Ho, Unhein Pehle Maahir Se Mashwara Kar Lena Chahiye...

Continue…

Ubaid-E-Raza Official

💦 Taharat Course (Part-391)

🤔 Sawal : Kya Nail Polish Lagana Mana Hai?

💅 Jawab: Nail Polish Lagana Apne Aap Mein Mana Nahin Hai. Agar Koi Aurat Is Baat Ki Qudrat Rakhti Ho Ke Har Namaz Ke Waqt Nail Polish Ko Achchi Tarah Remove Karke Wuzu Kare Aur Namaz Ada Kare, Phir Baad Mein Dobara Laga Le, To Is Soorat Mein Nail Polish Istemal Kar Sakti Hai.

🔸 Baaz Khawateen Haiz Ke Dinon Mein Bhi Nail Polish Lagati Hain. Agar Nail Polish Mein Kisi Napaak Cheez Ki Milawat Na Ho Aur Yaqeen Ho Ke Woh Paak Hai, Toh Uska Istemal Jaiz Hai.

🔹 Kuch Log Sirf Shak Ki Buniyaad Par Yeh Samajhte Hain Ke Har Nail Polish Mein Napaak Cheez Shamil Hoti Hai. Aisa Zaroori Nahin Hai... Jab Tak Product Ki Packaging Par Yeh Wazeh Taur Par Na Likha Ho Ke Us Mein Koi Napaak Cheez Shamil Ki Gayi Hai, Us Waqt Tak Uska Istemal Jaiz Hoga.

📌 Yahi Hukm Lipstick Aur Dusre Cosmetics Ka Bhi Hai. Jab Tak Company Khud Yeh Na Bataye Ke Us Mein Napaak Cheez Shamil Hai, Ya Kisi Muatabar Musalman Ne Apni Aankhon Se Dekh Kar Is Ki Tasdeeq Na Ki Ho, Us Waqt Tak Sirf Shak Ki Buniyaad Par Kisi Product Ko Napaak Nahin Kaha Jaa Sakta.

🔸 Aaj Kal Kayi Companies "Halal" Brand Ke Naam Se Bhi Cosmetics Pesh Kar Rahi Hain... Baharhaal, Nail Polish Ka Istemal Jaiz Hai, Aur Haiz Ke Dinon Mein Bhi Is Ka Istemal Karne Mein Koi Harj Nahin.. 

🔹Albatta, Jab Wuzu Ya Ghusl Karna Ho Toh Nail Polish Ko Achhi Tarah Remove Karna Zaroori Hai, Taake Paani Nakhun Tak Pahunch Sake.

🤔 Sawal : Agar Kisi Ne Nail Polish Lagayi Hui Thi Aur Us Ka Inteqal Ho Gaya, Toh Kya Us Ki Nail Polish Hatayi Jaa Sakti Hai?

🔹 Jawab: Ji Haan. Aaj Kal Nail Polish Remover Aasani Se Mil Jaata Hai. Us Ki Madad Se Bina Kisi Takleef Ke Nail Polish Ko Narmi Ke Saath Hata Dena Chahiye..

📖 Ab Agla Mauzu: Haiz Ke Masail...

Continue…

Ubaid-E-Raza Official

💦 Taharat Course (Part-392)

📖 Ab Haiz O Nifas Ke Masail Ki Taraf Aate Hain. 

🪷 Sab Se Pehle Yeh Samajh Lijiye Ke Aurat Ki Sharmgah Se Jo Khoon Naturally Kharij Hota Hai, Woh 3 Qisam Ka Hota Hai:

1. Haiz

2. Nifas

3. Istihaza

🔹 Ek Aham Baat Yaad Rakhein: Haiz, Nifas Aur Istihaza Ki Haqeeqat Aur Un Ke Ahkaam Hamein Shariat-E-Mutahhara Ne Tafseel Ke Saath Bata Diye Hain... Yeh Sirf Tibbi (Medical) Ya Scientific Masla Nahin Hai...

🪷Doctors In Umoor Ka Treatment Zaroor Karte Hain, Lekin Haiz Kya Hai, Nifas Kya Hai Aur Istihaza Kya Hai, Is Ki Sharayi Ta‘reef Aur Us Ke Ahkaam Shariat Ne Muqarrar Kiye Hain.

🤔 Isi Liye Baaz Auqaat Sawal Hota Hai:

"Baji! Doctors Keh Rahe Hain Ke Yeh Istihaza Hai, Jab Ke Mujhe Lagta Hai Ke Yeh Periods Hain.. "Ya Phir..."Periods Ki Tareekh Mein Thodi Bahut Spotting Ho Rahi Hai, Lekin Doctors Keh Rahe Hain Ke Yeh Periods Nahin Hain. Toh Kya Main Is Khoon Ko Haiz Na Samjhun?"..

🔹 Is Silsile Mein Yaad Rakhein Ke Sirf Doctor Ki Rayi Ki Buniyaad Par Haiz, Nifas Ya Istihaza Ka Hukm Tabdeel Nahin Hoga...

🪷Jaisa Ke Pehle Arz Kiya Gaya, Yeh Buniyadi Taur Par Medical Masla Nahi, Balkeh Sharayi Masla Hai. Is Liye Is Mein Wohi Hukm Maana Jayega Jo Shariat-E-Mutahhara Ne Bayan Kiya Hai...

🔹Shariat Ne Haiz, Nifas Aur Istihaza Ki Ta‘reef Aur Un Ke Usool Pehle Hi Wazeh Kar Diye Hain. Shariat Ne Yeh Nahin Kaha Ke Agar Doctor Ki Rayi Mukhtalif Ho Toh Us Ki Buniyad Par Sharayi Ahkaam Badal Diye Jayen.

🪷 Is Liye Is Muamle Mein Shariat Ke Bataye Hue Usoolon Par Hi Amal Karna Zaroori Hai.

Continue…

Ubaid-E-Raza Official

💦 Taharat Course (Part-393)

📖 Ab Dekhte Hain: Haiz, Nifas Aur Istihaza Kise Kehte Hain?

♦️Sab Se Pehle Haiz Ki Ta‘reef Samajhte Hain.

Haiz Us Khoon Ko Kehte Hain Jo Baligah Aurat Ke Rahem (Uterus) Se Aadat Ke Taur Par Ek Muqarrar Muddat Ke Baad Nikal Kar Sharmgah Se Bahar Aaye.

📌 Haiz Ki Ta‘reef 

"Baligah Aurat Ke Rahem Se Nikalne Wala Woh Khoon Jo Aadat Ke Taur Par Sharmgah Se Bahar Nikle, Use Haiz Kehte Hain."

🌹 Is Ta‘reef Mein Sab Se Pehli Shart "Baligah Aurat" Hona Hai...Yaani Agar Kisi Nabaligh Bachchi Ki Sharmgah Se Khoon Nikle, To Usay Haiz Nahin Kaha Jayega...

♦️ Ladki Aam Taur Par 9 Se 15 Saal (Arabic Qamari Tareekh Ke Lihaz Se) Ke Darmiyan Baligh Hoti Hai...Agar Kisi Bachchi Ko 9 Saal Qamari Umar Poori Hone Ke Baad Bleeding Shuru Ho Aur Woh Sharayi Muddat (Kam Az Kam 3 Din) Tak Rahe, To Us Khoon Ko Haiz Maana Jayega.

🌹 Lekin Agar 7 Ya 8 Saal Ki Bachchi Ko Bleeding Ho, Toh Chunki Woh Abhi Shar‘an Baligh Nahin Hai, Is Liye Us Khoon Ko Haiz Nahin Kaha Jayega, Balkeh Woh Istihaza Ke Hukm Mein Hoga.

📌 Haiz Ke Liye Doosri Shart 

🌹Khoon Rahem (Uterus) Se Nikalna Zaroori Hai.. Agar Yaqeen Ho Ke Khoon Kisi Zakhm Ya Kisi Aur Wajah Se Aa Raha Hai, To Woh Haiz Nahin Hoga.

📌 Haiz Ke Liye Teesri Shart 

♦️Khoon Ka Sharmgah Se Bahar Nikalna Zaroori Hai... Agar Khoon Abhi Andar Hi Maujood Ho Aur Bahar Na Nikla Ho, Toh Haiz Shuru Nahi Maana Jayega.

🌹Baaz Auratein Periods Se Pehle Jaanch Karti Hain... Agar Jaanch Ke Dauran Maloom Ho Ke Khoon Andar Maujood Hai, Lekin Abhi Bahar Nahin Nikla, To Is Se Haiz Shuru Nahin Hota.

♦️Isi Tarah Agar Pet Mein Dard Ya Periods Ki Tamam Alamat Maujood Hon Aur Yaqeen Ho Ke Thodi Der Mein Bleeding Shuru Ho Jayegi, Tab Bhi Haiz Us Waqt Se Shuru Nahin Mana Jayega... Haiz Usi Waqt Shuru Hoga Jab Khoon Ka Pehla Qatra Sharmgah Se Bahar Nikal Aayega.

🌹Yahi Haiz Ki Buniyadi Ta‘reef Hai: Baligha Aurat Ke Rahem Se Aadat Ke Taur Par Nikalne Wala Woh Khoon Jo Sharmgah Se Bahar Aaye, Haiz Kehlata Hai.

Continue…

Ubaid-E-Raza Official

💦 Taharat Course (Part-394)

 Nifas Kise Kehte Hain? 

🌻Bachcha Paida Hone Ke Baad Jo Khoon Nikalta Hai, Usay Nifas Kehte Hain. Delivery Kisi Bhi Tareeqe Se Hui Ho, Chahe Normal Ho Ya Operation (C-Section) Ke Zariye, Jab Bachche Ki Wiladat Ke Baad Bleeding Shuru Hogi Toh Us Waqt Se Woh Nifas Ka Khoon Shumar Hoga...

Istihaza Kise Kehte Hain?

🌻Agar Aane Wala Khoon Na Haiz Ki Ta'reef Mein Shamil Ho Aur Na Nifas Ki Ta'reef Mein, Toh Aisa Har Khoon Istihaza Kehlata Hai.

🌻Yaani Jo Khoon Na Haiz Ho Aur Na Nifas Ho، Usi Ko Istihaza Kehte Hain.

 Yeh Thi Istihaza Ki Ta'reef.

Continue…

Ubaid-E-Raza Official

💦 Taharat Course (Part-395)

Haiz Ke Shuru Hone Aur Khatm Hone Ki Umar (#01)

🌹Haiz Ke Liye Ek Muqarrar Umar (Age Limit) Hoti Hai. Jab Tak Yeh Umar Poori Na Ho, Aane Wala Khoon Haiz Nahin Kehlata.

Haiz Ki Ibtidai (Minimum) Umar:

🌹Haiz Aane Ki Kam Se Kam Umar 9 Saal Hai. Iska Matlab Yeh Hai Ki Agar Kisi Bachchi Ko 9 Saal Se Pehle Khoon Aaye, Aur Haiz Ki Baaqi Tamam Sharaait Bhi Maujood Hon... Jaise Khoon Raham Se Aa Raha Ho Aur Har Mahine Aadat Ke Taur Par Bhi Aa Raha Ho... Tab Bhi Us Khoon Ko Haiz Nahin Kaha Jayega, Balke Woh Istihaza Kehlayega. Kyunke Haiz Ke Liye Kam Se Kam Umar 9 Saal Hona Zaroori Hai.

Haiz Ki Intiha (Maximum) Umar:

🌹Haiz Ki Zyaada Se Zyaada Umar 55 Saal Hai. Jab Aurat 55 Saal Mukammal Kar Ke 56ve Saal Mein Dakhil Ho Jaaye, Toh Use Fiqhi Istilah Mein "A'isah" Kaha Jaata Hai.

🌹Baaz Log Is Lafz Ko Naam Ke Taur Par Rakh Dete Hain, Lekin Is Se Ijtinab Karna Behtar Hai, Kyunke Is Ka Ma'na Hai.. "Woh Aurat Jo Haiz Aur Aulaad Hone Se Mayoos Ho Chuki Ho."

🌹Yaani Haiz Ki Kam Se Kam Umar 9 Saal Aur Zyaada Se Zyaada 55 Saal Hai. Aam Taur Par 56ve Saal Mein Pahunchne Ke Baad Haiz Ka Silsila Band Ho Jaana Chahiye.

Continue…

Ubaid-E-Raza Official

💦 Taharat Course (Part-396)

Haiz Ke Shuru Hone Aur Khatm Hone Ki Umar (#02) 

♦️Shari'at Ke Mutabiq Aurat Ke Haiz Ki Aakhri Umar 55 Saal Hai. Jab Aurat 55 Saal Mukammal Karke 56ve Saal Mein Dakhil Ho Jaye, Toh Fiqhi Istilah Mein Use "A'isah" Kaha Jata Hai.

♦️Baaz Aurton Ke Periods Is Se Pehle Hi Band Ho Jaate Hain, Jaise Kisi Ke 45, 50 Ya 52 Saal Ki Umar Mein. Doctors Isay Menopause Keh Dete Hain, Lekin Sirf Periods Band Ho Jaane Ki Wajah Se Shari'at Ki Roshni Mein Us Aurat Ko A'isah Nahin Kaha Jayega. Hamare Liye Asal Mi'yar Woh Umar Hai Jo Shari'at Ne Muqarrar Ki Hai.

♦️Agar Periods Band Ho Jaane Ke Baad Aurat Ko Khoon Na Aaye, Toh Woh Apni Namazen Aur Doosri Ibadatein Mamool Ke Mutabiq Ada Karti Rahegi.

♦️Lekin Agar 56 Saal Se Pehle, Masalan 50 Saal Ki Umar Mein Periods Band Ho Gaye Aur Phir 53 Saal Ki Umar Mein Dobara Bleeding Shuru Ho Jaaye... Toh Yeh Samajhna Durust Nahin Ki Yeh Haiz Nahin Hai Aur Namaz Padhna Jaari Rakhi Jaaye. Balke Jab Tak Aurat A'isah Ki Umar Ko Nahin Pahunchti, Us Waqt Tak Dobara Aane Wali Bleeding Ke Bare Mein Shari'at Ke Ahkam Dekhe Jayenge. Agar Woh Haiz Ki Sharaait Par Poori Utarti Ho, To Usay Haiz Hi Maana Jayega Aur Uske Tamam Ahkam Lagu Honge...

♦️Is Liye Haiz Ki Zyaada Se Zyaada Umar 55 Saal Hai. Jab Aurat 56ve Saal Mein Dakhil Ho Jaaye, Toh Uske Baad Aane Wala Khoon Asal Mein Istihaza Hota Hai. Haan, Is Masle Ki Kuch Tafseelat Hain. Agar Kisi Aurat Ko 56 Saal Ke Baad Bhi Khoon Aaye, Toh Sirf Umar Dekh Kar Fauran Usay Istihaza Nahin Kaha Jayega, Balke Khoon Ka Rang Aur Dusri Tafseelat Ko Dekh Kar Hukm Lagaya Jayega. Baaz Sooraton Mein Woh Khoon Haiz Bhi Qarar Diya Jaata Hai.

Continue…

Ubaid-E-Raza Official

💦 Taharat Course (Part-397)

Haiz Ke Shuru Hone Aur Khatm Hone Ki Umar (#03)

💐9 Saal Se Pehle Agar Khoon Aaye, Toh Is Mein Koi Tafseel Nahin Hai. Aisi Har Soorat Mein Woh Istihaza Hi Kehlayega. 

💐Albatta, 55 Saal Mukammal Hone Ke Baad Agar Aurat Ko Dobara Bleeding Ho, To Sirf Umar Dekh Kar Hukm Nahin Lagaya Jayega, Balke Yeh Dekha Jayega Ke Khoon Kis Rang Ka Hai.

Agar Khoon: 

1. Surkh (Red) Ho،

2. Siyah (Black) Ho، Ya

3. Wohi Rang Ho Jo Us Aurat Ko Haiz Ke Dino Mein Aam Taur Par Aata Tha...

Toh Usay Haiz Qarar Diya Jayega.

 Misal :

💐Agar Kisi Aurat Ko Haiz Ke Dinon Mein Aam Taur Par Surkh Khoon Aata Tha Aur Aakhri Chand Dinon Mein Peele (Yellowish) Rang Ki Rutubat Nikalti Thi, Phir 56 Saal Ke Baad Bhi Usay Wahi Surkh Khoon, Siyah Khoon Ya Wahi Peele Rang Ki Rutubat Aaye Jo Uski Pehli Aadat Thi, Toh Is Sab Ko Haiz Hi Maana Jayega.

💐Lekin Agar 56 Saal Ke Baad Koi Aisa Rang Nazar Aaye Jo Pehle Uski Aadat Mein Kabhi Nahin Tha, Misal Ke Taur Par Hara (Green) Ya Bhoora (Brown) Rang, Toh Yeh Istihaza Kehlayega.

💐Yaani 56 Saal Ke Baad Agar Surkh, Siyah Ya Purani Aadat Ke Mutabiq Rang Ka Khoon Ya Rutubat Aaye, Toh Woh Haiz Hoga. Aur Agar Iske Ilawa Kisi Naye Rang Ka Khoon, Discharge Ya Spotting Ho, Toh Usay Istihaza Mana Jayega.

⚠️ Ek Aham Baat Yaad Rakhein: 

💐Shari'at Ke Ahkam Mein Bleeding Aur Spotting Ka Hukm Ek Hi Hai. Baaz Log Samajhte Hain Ke Sirf Halki Spotting Ho Rahi Hai Aur Bleeding Nahin Hai, Is Liye Uska Hukm Alag Hoga. Yeh Baat Durust Nahin. Agar Spotting Bhi Ho Rahi Ho, Toh Usay Bhi Bleeding Hi Shumar Kiya Jayega Aur Usi Ke Mutabiq Ahkam Lagu Honge.

Continue…

Ubaid-E-Raza Official

💦 Taharat Course (Part-398) 

Haiz Aur Nifas Ke Khoon Ke Rang

🪷Haiz Aur Nifas, Donon Ke Khoon Ke 6 Rang Shari'at Mein Zikr Kiye Gaye Hain:

1. Siyah (Black)

2. Surkh (Red)

3. Sabz (Green)

4. Zard (Yellow)

5. Gadla (Black, Grey Ya Brown Se Milta-Julta Rang)

6. Mittiyala (Brown)

🪷Yehi 6 Rang Haiz Aur Nifas Ke Rang Hain. Agar Kisi Aurat Ko Inke Ilawa Kisi Aur Rang Ka Khoon Aaye, Toh Woh Haiz Nahin Maana Jayega, Chahe Woh Uski Ma'mool Ki Tareekhon (Dates) Hi Par Kyun Na Aaye.

🪷Misal Ke Taur Par, Agar Kisi Aurat Ko Blue Rang Ka Khoon Aaye (Yeh Sirf Samjhane Ke Liye Misal Hai), Toh Usay Haiz Qarar Nahin Diya Jayega, Kyunke Woh Haiz Ke Mu'tabar Rangon Mein Shamil Nahin Hai.

🪷Aam Taur Par Surkh (Red), Siyah (Black), Zard (Yellow) Aur Mittiyala (Brown) Rang Zyada Dekhne Mein Aate Hain. Gadla Rang Bhi Kabhi Kabhi Nazar Aata Hai. Jabke Sabz (Green) Rang Bahut Kam Dekhne Ya Sunne Mein Aata Hai, Lekin Fiqhi Kutub Mein Uska Bhi Zikr Maujood Hai. Is Liye In 6 Rangon Ko Achhi Tarah Yaad Rakhna Chahiye.

Continue…

Ubaid-E-Raza Official

💦 Taharat Course (Part-399)

🤔 Discharge Ke Rang Ka Aitibaar Kis Waqt Hoga? 

🌷Aksar Yeh Sawal Pucha Jaata Hai Ke Kabhi Pad Ya Panty Par Discharge Pehle Safed (White) Nazar Aata Hai, Lekin Kuch Der Baad Sukh Kar Peela (Yellow) Ho Jaata Hai. Toh Aisi Soorat Mein Kis Rang Ka Aitbaar Hoga?

🌷Is Masle Mein Yaad Rakhein Ke Discharge Ka Hukm Us Rang Ke Mutabiq Hoga Jo Nikalte Waqt, Yani Geeli (Wet) Halat Mein Tha. Sukhne Ke Baad Agar Uska Rang Badal Jaye, Toh Us Tabdeeli Ka Aitibaar Nahin Kiya Jayega.

 Misal Ke Taur Par: 

▪️ Agar Discharge Nikalte Waqt Safed (White) Tha Aur Baad Mein Sukh Kar Yellow Ya Brown Ho Gaya, Toh Woh Safed Hi Maana Jayega... Safed Discharge Paak Hota Hai Aur Na Usay Haiz Kaha Jayega Aur Na Istihaza.

▪️Aur Agar Discharge Nikalte Waqt Surkh (Red) Ya Halka Bhoora (Light Brown) Tha, Lekin Sukhne Ke Baad Safed Nazar Aane Laga, Toh Hukm Nikalte Waqt Ke Rang Par Hoga. Is Liye Woh Haiz Ya Istihaza Ke Rangon Mein Hi Shumar Kiya Jayega.

🌷Yaani Sukhne Ke Baad Rang Badalne Ka Aitibaar Nahin Hota. Shari'at Mein Hukm Us Rang Par Lagaya Jaata Hai Jo Discharge Nikalte Waqt Geeli Halat Mein Tha.

Continue…

Ubaid-E-Raza Official

💦 Taharat Course (Part-400)

Haiz Ki Duration (Muddat) Kitni Hoti Hai?

♦️Haiz Ki Minimum Muddat 3 Din 3 Raatein Aur Maximum Muddat 10 Din 10 Raatein Hoti Hai... Ye Masla Bahut Aham Hai, Lekin Afsos Ki Baat Hai Ke Aksar Khawateen Is Mein Kaafi Ghaflat Se Kaam Leti Hain. Aage Ke Masail Sunte Waqt Aap Ko Andaza Hoga Ke Is Muamle Mein Kitni Zyaada Laaparwahi Paayi Jaati Hai...Is Liye Is Baat Ko Achhi Tarah Yaad Rakh Lijiye..

Haiz Ki Minimum Muddat.. 3 Din 3 Raatein (72 Ghante)..

Haiz Ki Maximum Muddat.. 10 Din 10 Raatein...

🌻Yani Agar Khoon 72 Ghanton Se Kam Aaye To Woh Haiz Nahin, Balkeh Istehaza Hoga. Isi Tarah Agar Khoon 10 Din 10 Raat Se Zyada Jaari Rahe To 10 Din Ke Baad Wala Khoon Istehaza Ke Hukm Mein Hoga...Is Liye Haiz Ki Timing Aur Muddat Ko Theek Tarah Note Karna Bahut Zaroori Hai..

🤔 Ab Ek Aham Sawal Paida Hota Hai...Kya 72 Ghante Tak Lagataar Bleeding Hona Zaroori Hai?..

♦️Jawab Ye Hai Ke Nahin.. Lagataar Bleeding Hona Zaroori Nahin.

Misal Ke Taur Par Agar Pehle Din Khoon Aaya, Doosre Din Band Ho Gaya, Phir Teesre Din Jab 72 Ghante Mukammal Hone Ke Qareeb The Dobara Khoon Aa Gaya Aur Chand Ghante Tak Aata Raha, To Ye Haiz Hi Shumar Hoga... Yaani 72 Ghanton Ke Dauran Agar Darmiyan Mein Kabhi Khoon Ruk Bhi Jaaye Aur Phir Aa Jaaye, Tab Bhi Haiz Ka Hukm Baaqi Rehta Hai... Zaroori Sirf Itna Hai Ke Ye Sab 72 Ghanton Ke Andar Ho...

🌻Lekin Agar Kisi Aurat Ko Sirf 2 Din Khoon Aaya Aur Us Ke Baad 15, 20 Ya 25 Din Tak Bilkul Khoon Na Aaya, To Pehle 2 Din Ka Khoon Haiz Nahin, Balkeh Istehaza Hoga, Kyun Ke Haiz Ki Minimum Muddat, Yaani 3 Din 3 Raatein(72 Ghante), Poora Nahin Hua...

Continue…

Ubaid-E-Raza Official

💦 Taharat Course (Part-401)

 Haiz Ki Duration (#02)

🌷Ye Ek Bahut Aham Usool Hai. Agar Aap Is Ek Baat Ko Achhi Tarah Yaad Rakh Lenge, Toh Haiz Ke Bahut Se Masail Aasani Se Samajh Mein Aa Jayenge.

Shariat Ka Ek Aham Qaidah Ye Hai:

🪷Agar Kisi Aurat Ki Bleeding Band Ho Jaaye, Toh Us Ke Baad 15 Din 15 Raatein (360 Ghante) Mukammal Paaki Ka Guzarna Zaroori Hai.. Agar Is Muddat Se Pehle Dobara Haiz Ke Rangon Mein Se Kisi Rang Ka Khoon Ya Spotting Aa Jaaye, Toh Darmiyan Ke Tamam Paaki Ke Din Bhi Shariat Ki Nazar Mein Bleeding Ke Din Hi Shumar Honge.

Is Baat Ko Ek Misaal Se Samajhte Hain:

🌷Maan Lijiye Kisi Aurat Ko 1 October Dopahar 12 Baje Bleeding Shuru Hui Aur 2 October Dopahar 1 Baje Bleeding Band Ho Gayi...Is Ke Baad 3, 4, 5, 6, 7, 8, 9 Aur 10 October Tak Bilkul Khoon Nahin Aaya...

🪷 Phir 11 October Shaam 4 Baje Dobara Bleeding Shuru Ho Gayi..Aksar Yahan Ye Sawal Paida Hota Hai Ke Kya Ye Naya Haiz Hai Ya Pehle Haiz Ka Hissa?

🌷Is Ka Jawab Ye Hai Ke Sab Se Pehle Ye Dekha Jayega Ke Bleeding Band Hone Aur Dobara Shuru Hone Ke Darmiyan 15 Din 15 Raatein (360 Ghante) Ka Waqfah Hua Ya Nahin.

🪷Yahan Bleeding 2 October Ko 1 Baje Band Hui Thi Aur 11 October Ko 4 Baje Dobara Shuru Hui. Dono Ke Darmiyan 360 Ghanton Ka Waqfah Poora Nahin Hua...Is Liye 3 Se 10 October Tak Jo Din Zahiri Taur Par Paaki Ke The Aur Jin Mein Khoon Nahin Aaya, Shariat Un Tamam Dino Ko Bhi Bleeding Ke Din Hi Qarar Deti Hai...

🌷Yaani Shariat Ke Hukm Ke Mutabiq Aisa Samjha Jayega Jaise 1 October Dopahar 12 Baje Se Lekar 11 October Shaam 4 Baje Tak Musalsal Bleeding Hoti Rahi Ho... 

🪷Halanke Zahiri Taur Par Darmiyan Ke Chand Din Paaki Ke The, Lekin Kyun Ke 15 Din Ki Mukammal Paaki Hasil Nahin Hui, Is Liye Un Dino Ko Bhi Haiz Ke Dino Mein Shumar Kiya Jayega.

🌷Isi Buniyaad Par Aage Chal Kar Haiz Aur Nifas Ke Tamam Masail Ka Hukm Lagaya Jayega.

Continue…

Ubaid-E-Raza Official

💦 Taharat Course (Part-402)

Haiz Ki Duration (#03)

♦️Toh Yeh Masla Maine Aapko Isliye Samjhaya Ki Misaal Ke Taur Par Agar Kisi Ko Pehle Din Bleeding Hui, Doosre Din Bhi Bleeding Hui, Phir Bleeding Band Ho Gayi, Aur 3-4 Din Ke Baad Dobara Bleeding Shuru Ho Gayi, Toh Ab Ye Nahin Kaha Jayega Ki Kyunki 72 Hours Continuous Bleeding Nahi Hui Aur Beech Mein Gap Aa Gaya, Isliye Ye Haiz Nahin Hai. Aisa Nahin Hai!

🌻Kyunki Beech Mein 15 Din Ki Mukammal Paaki Ka Gap Nahin Tha, Balki Sirf 2-3 Din Ka Gap Tha, Toh Ye 2-3 Din Bhi Bleeding Wale Din Hi Consider Kiye Jayenge.

♦️Ye Ek Aisa Aham Masla Hai Jisse Bahut Si Auratein Ghafil Hain. Unhein Is Baat Ka Andaza Hi Nahin Hota Ki Is Ghaflat Ki Wajah Se Unki Kitni Namazein Zaya Ho Rahi Hain Aur Un Par Kitne Masail Pesh Aa Rahe Hain.

🌻Kyunki Unke Zehan Mein Ye Baat Hi Nahin Hoti Ki Hamein 15 Din Ki Paaki Ko Properly Count Karna Hai.

♦️Yaad Rakhein! 15 Din Paaki Ke...Agar 360 Hours Mein Ek Second Bhi Kam Reh Gaye, Toh Woh 15 Din Ki Mukammal Paaki Nahin Maani Jayegi Aur Phir Uska Hukm Badal Jayega...Yaani Sirf Ek Ek Second Se Bhi Hukm Badal Sakta Hai.

🌻Isliye Ye Koi Lightly Lene Wala Matter Nahin Hai Aur Na Hi Ye Aisa Masla Hai Ki Hum Sirf Apne Andaze Ke Mutabiq Chalte Rahen... Jab Bleeding Ho Ya Spotting Ho Toh Fauran Time Note Karein, Yaani Ghanta, Minutes Wagairah Achhi Tarah Note Karein. Balki Ulama-E-Kiram Ne Apni Kitabon Mein Seconds Ka Bhi Zikr Farmaya Hai.

♦️Toh Poora Time Achhi Tarah Note Karke Mehfooz Rakhna Hamari Zimmedari Hai, Taaki Baad Mein Masla Samajhne Aur Sahi Hukm Maloom Karne Mein Koi Dushwari Pesh Na Aaye.

Continue…

Ubaid-E-Raza Official

💦 Taharat Course (Part-403)

 Haiz Ki Duration (#04)

🪷To Jaise Maine Kaha, Haiz Ke Minimum Days 3 Days 3 Nights Hain, Yaani 72 Hours Hain.

💐Agar Isse Kam Bleeding Hoti Hai, Jaise Maine Kaha Na Ke 2 Din Bleeding Ho Gayi, 2½ Days Bleeding Ho Gayi, Ya 70 Hours, 71 Hours Ya 71½ Hours Tak Bleeding Hui Aur Iske Baad Agle 2-3 Mahine Tak Usko Bleeding Hi Nahin Hui, Toh Ab Kya Hum Isko Haiz Kah Sakte Hain?

🪷Nahin Kah Sakte, Kyunki Yahan Par 3 Days Bleeding Complete Nahin Hui Hai...Aur Aisa Bhi Nahin Hai Ki Next 15 Days Se Pehle Hi Kabhi Isko Dobara Bleeding Ho Gayi Ho, Ke Hum Usko Tamam Bleeding Ko Shumar Karke Haiz Consider Kar Saken. Yeh Bhi Possible Nahin Hai.. Toh Phir Ye Istihaza Kehlayega.

Haiz Ka Minimum Duration Kya Ho Sakta Hai?

💐Achhi Tarah Yaad Rakhein, Haiz Ka Minimum Duration 72 Hours Hai...

Toh Blood Aa Gaya Aur 72 Hours Complete Nahin Hue, Toh Phir Hum Isko Haiz Nahin Consider Karenge...Haan, Agar Dobara Bleeding Ho Jasti Hai Toh Woh Ek Alag Muamla Hai.

💐Bil-Farz Agar Dobara Bleeding Nahin Ho Rahi Hai, Toh 72 Hours Hona Compulsory Hai. Ek Minute Bhi Kam Ho Toh Phir Woh Haiz Nahin, Istihaza Hi Hoga...

🪷Ismein Jo Namazein Wagairah Chhuti Hain, Unki Qaza Hum Par Lazim Hogi. Aur Roze Wagairah Toh Waise Bhi Qaza Karne Hote Hain, Lekin Namaz Ka Bilkhusoos Hamein Qaza Karna Hoga..

💐Haan, Ismein Chunki Aurat Ko Pata Nahi Hota Ki Istihaza Hoga Ya Nahin.. Toh Ismein Woh Gunahgar Nahin Hogi. Namazein Usne Chhodi Hain, Lekin Baad Mein Unki Qaza Isko Karni Padegi.

Aur Haiz Ki Maximum Duration Kya Ho Sakti Hai?

🪷10 Days 10 Nights, Yaani 240 Hours... Toh 10 Din 10 Raaton Se Kam Tak Hi Haiz Ho Sakta Hai, Ya 10 Days 10 Nights Exact...Jaise Hi Ye Waqt Khatam Ho Jayega, Iske Baad Jo Aurat Ko Blood Aayega, Woh Istihaza Kehlayega.

💐To Haiz Ka Jo Time Period Hota Hai, Woh 3 Days 3 Nights Se 10 Days 10 Nights Hota Hai.

Continue…

Ubaid-E-Raza Official

💦 Taharat Course (Part-404)

 Haiz Ki Duration (#05)

🌹Kitabon Mein Ek Ye Masla Likha Hota Hai Ke Suraj Ke Tuloo Hone Aur Ghuroob Hone Ke Aitbaar Se Bhi Haiz Ki Duration Ka Hisab Hota Hai.

🔹 Aur Mujhe Is Hawale Se Baar-Baar Sawal Bhi Aate Hain, Toh Main Ye Masla Aapko Samjha Kar Chhod Deti Hoon, Taake Kahin Aap Isko Padhein To Confuse Na Ho Jayein.

🌹Dekhein, Ye Soorat Aisi Nahin Hai Ke Bilkul Nahin Paayi Jaati, Lekin Aap Samajh Lein Ke Thodi Mushkil Hi Hai Iska Paaya Jaana.

🔹Yaani Ye Jo 3 Days 3 Nights Ka Masla Hota Hai, Agar Aisa Hua Ke Ain Us Waqt Jab Suraj Nikalta Hai, Ya Jab Suraj Doobta Hai, Exactly Usi Waqt Kisi Aurat Ko Bleeding Start Hui, Toh 3 Days 3 Nights Mein Ghanton Ka Hisab Nahin Hoga, Balki Suraj Ke Nikalne Ya Doobne Ka Hi Lihaz Kiya Jaayega.

🌹Jaise Misal Ke Taur Par Kisi Jagah Par Suraj Exact 7 Baje Doobta Hai Aur Exact 7 Baje Suraj Doobte Hi Aurat Ko Haiz Bhi Start Ho Gaya..Ab Aisa Hua Ke Teesre Din Suraj Doobne Ka Waqt Thoda Pehle Ho Gaya Aur 6:57 Par Suraj Doob Gaya, Aur Aurat Ka Haiz 6:58 Par Stop Ho Gaya.

🔹Ab Yahan Dekhein, 72 Hours Mein 2 Minute Kam Hain Na?...Agar Aap 24, 24, 24 Hours Karke Dekhein, To 2 Minute Kam Hain... Toh Kya Isko Hum Haiz Manenge Ya Istihaza?

 Ye Ek Bareeki Hai.

🌹To Woh Chunki Suraj Doobne Ke Exact Time Haiz Shuru Hua Tha, Isliye Suraj Doobne Ka Hi Aitbaar Kiya Jayega Aur Hum In 3 Dinon Ko Haiz Manenge.. Ab Ye Nahi Kahenge Ke, "7 Nahin Baje The, Isliye Aapka Haiz Nahin, Istihaza Hai."

Nahin, Ye Haiz Hi Hoga. 

🔹Haan, Agar Suraj Ke Doobne Aur Suraj Ke Nikalne Ke Ilawa Kisi Aur Waqt Mein Haiz Start Hota Hai, Toh Phir Ismein Poore 72 Hours Complete Hona Zaroori Hai...

 Bas Ye Farq Hai.

🌹Ab Aap Batayenge Ki Itna Kaun Khayal Karta Hai Ke Suraj Kab Nikla Hoga, Kab Doobega? Yaani Dekh Kar Check Karke Aane Mein Toh Kahin Na Kahin Aage-Pichhe Ho Hi Jaata Hai Na.

🔹Haan, Kabhi Kabhaar Aisa Ho Jaaye, Jaise Sehri Kar Rahe Hain Ya Iftari Kar Rahe Hain, Aur Us Waqt Note Kar Liya, Exact Timing Ka Pata Tha, Toh Aisa Masla Pesh Aa Sakta Hai... Warna Umuman Aap Samajh Lein, 98% To Yahi Hota Hai Ki Haiz Suraj Ke Tuloo Aur Ghuroob Ke Ilawa Kisi Aur Waqt Mein Hi Start Hota Hai.

🌹 Toh Zehan Mein Aap 72 Hours Aur 240 Hours Wala Timing Rakh Sakte Hain.. Lekin Baharhaal, Kitabon Mein Ye Masla Maujood Hai Aur Ye Ek Chhoti Si Bareeki Hai, Toh Maine Ye Masla Aapko Samjha Diya.

Continue…

Ubaid-E-Raza Official

💦 Taharat Course (Part-405)

Nifas Ka Duration Kitna Hota Hai?

🌺Dekhiye, Nifas Mein Minimum Duration Kuch Bhi Nahin Hai...Aisa Nahin Hai Ke Ek Din, Do Din Ya Koi Aur Minimum Duration Ho. Nifas Ki Koi Minimum Limit Nahin Hai...

🌼Nifas Kam Se Kam Ek Minute Bhi Ho Sakta Hai, 2 Minute Bhi Ho Sakta Hai, Aadha Ghanta Bhi Ho Sakta Hai... Haan, Ismein Maximum Limit Hoti Hai, Woh Ye Hai Ke 40 Days 40 Nights Se Zyaada Nifas Nahin Ho Sakta.

🌺Iske Baad Agar Khoon Aata Hai Toh Woh Istihaza Ka Khoon Hota Hai... Toh Nifas Mein Kam Ki Koi Had Nahin Hai. Agar Delivery Hui Aur Uske Ek-Aadh Ghante Ke Baad Hi Bleeding Stop Ho Gayi, To Hum Kahenge Ki Nifas Finish Ho Gaya.

🌼Aurat Par Hukum Hoga Ke Woh Ghusl Kare Aur Apni Namazon Ko Continue Rakhe... Haan, Lekin Zyada Se Zyada 40 Days 40 Nights Hain. Iske Baad Woh Cross Nahin Ho Sakta.

🌺 Toh Aurat Ko Delivery Ka Time Note Hona Chahiye... Umuman Hota Hai, Doctors Batate Hain Ki Bachcha Kab Paida Hua, Woh Timing Likhi Jaati Hai Na. Toh Usi Timing Se 40 Days 40 Nights Ka Hisab Kiya Jayega.

🌼Sur Kabhi-Kabhi Wahan Par Ghadiyan ⏰ Bhi Hoti Hain. Agar Us Par Nigah Pad Gayi, Aur Aam Taur Par Aisa Waqt Hota Hai Ki Phir Ghadi Par Nigah Baar-Baar Jaati Hai, Toh Woh Phir Usi Time Se Apne 40 Days 40 Nights Consider Karegi.

🌺To Minimum Koi Duration Nahin Hai... Agar Ek Din Mein Paak Ho Gaye, Aadhe Ghante Mein Paak Ho Gaye, Ek Minute Mein Hi, Suppose, Paak Ho Gaye, Ya Misal Ke Taur Par Kisi Aurat Ko Delivery Ke Baad Bilkul Bleeding Hi Nahi Hui, Toh Ab Kya Hoga?

🌼Ab Woh Ghusl Karke Apni Namaz Start Karegi... Ghusl Toh Karna Padega, Bachcha Nikla Hai, Toh Ehtiyaatan Ghusul Kar Le. Kuch Na Kuch Khoon Bachche Ke Saath Nikalta Hi Hai.

🌺 Toh Misal Ke Taur Par Agar Wahan Nifas Complete Ho Gaya, Toh Ghusl Karke Apni Namaz Ko Continue Kare.

Continue…

Ubaid-E-Raza Official

💦 Taharat Course (Part-406)

Nifas Ka Duration #02

♦️Ye Jo Khayal Hai Aurton Mein Aur Badi-Budhiyon Ke Darmiyan Ki "40 Din Tak Wait Karna Compulsory Hai", Ye Sarasar Galat Hai.

🔹Aisa Kahin Par Bhi Nahin Likha Ki 40 Din Tak Namazein Chhodni Hongi..Balki Jab Nifas Se Paaki Hasil Ho Gayi, Uske Baad Se Apni Namazon Ko Continue Karna Hai.

♦️Ab Ismein Ye Nahin Bolenge Ki, "Baji, Saas Nahin Keh Rahi, Shauhar Nahin Keh Rahe Hain, Ammi Ijazat Nahin De Rahi Hain."..Aisa Nahin Hai!

🔹Yahan Par Aapki Namaz Ka Masla Hai. Aap Ghusl Karke Apni Namaz Start Karengi, Toh Ismein Kisi Ki Baat Nahin Maani Jayegi... Ramazan Ke Mahine Mein العیاذ باللہ Kitne Log Roze Chhod Dete Hain Ye Soch Kar Ki Abhi To Delivery Hui Hai, 40 Din Nahin Hue Hain, Bachche Ko Feeding Karna Hai..

♦️Ye Uzr Nahin Hote Namaz Chhodne Ke Liye, Roze Chhodne Ke Liye...Agar Nifas Finish Hone Ke Baad Namazein Aapko Start Karni Hain, Aur Agar Itni Zyaada Weakness Hai Ki Khade Hokar Nahin Padh Sakte, Toh Baith Kar Padhein... Baith Kar Zameen Par Nahin Padh Paa Rahe Hain, Toh Bistar Par Baith Kar, Bed Par Baith Kar Ishare Se Namaz Padh Lein.

🔹Ye Bhi Nahin Ho Paa Raha Hai, Toh Lete Hue Namaz Padh Lein...Itna Toh Har Aurat Qabil Hoti Hai, Taqreeban... Haan, Kabhi Severe Kuch Aisa Problem Ho Gaya, Bistar Se Uth Hi Nahin Paa Rahe Hain, Toh Bistar Mein Lete-Lete Namaz Padhein...

♦️Namaz Hargiz Muaaf Nahin Hai Agar Nifas Clear Ho Chuka Hai...Haan, Agar Nifas Jaari Hai, To Phir Alag Muamla Hai...Lekin Jab Nifas Finish Ho Gaya Hai, Toh Itni Rukhsat Zaroor Milegi Ki Jis Tarah Aap Padh Sakti Hain, Us Tarah Namaz Ada Karein, Lekin Namaz Jaari Rakhna Hai.

Continue…

Ubaid-E-Raza Official

💦 Taharat Course (Part-407) 

 Nifas Ka Duration #03

🌹Isi Tarah Agar Mahe Ramazan Hai Aur Kisi Aurat Ka Nifas Finish Ho Chuka Hai, Toh Aurat Par Farz Hai Ki Woh Apne Roze Continue Kare.

🌻Bachche Ko Agar Feeding Wagairah Karwa Rahe Hain Aur Doodh Utar Aa Raha Hai, Toh Phir To Karna Hi Hai....Lekin Agar Aap Bachche Ko Koi Doosra Alternate De Sakte Hain, Jaise Formula Milk 🍼 Bottle Wagairah Dekar Uski Nashonuma Ho Rahi Hai, Bachcha Us Doodh Ko Pee Raha Hai Aur Bachche Ko Koi Problem Nahin Ho Rahi, Doctor Ne Bhi Ye Nahin Kaha Hai Ki Bachche Ko Formula Milk Na Do, Aisa Kuch Bhi Nahin Hai, Toh Formula Milk Dekar Aapko Apne Roze Complete Karne Hain...

🌹Is Soorat Mein Ye Gunjaish Nahin Hai Ki, "Bachcha Feed Kar Raha Hai, Toh Hum Roze Nahi Rakhenge."

Is Tarah Karne Par Phir Aurtein Gunahgar Hongi...

🌻Misal: Jaise Meri Misal Hai, Meri Beti Paida Hui Toh Uski Delivery Ke Ek-Aadh Mahine Ke Fauran Baad Ramazan Start Hone Wala Tha. Toh Humne Uski Delivery Ke Fauran Baad Usko Bottle Feeding 🍼 Ki Habit Dilwai Thi, Taaki Ramazan Ke Dauran Bachchi Ko Aadat Rahe... Toh Main To Feed Karwa Hi Rahi Thi, Lekin Saath Hi Saath Usko Bottle Feeding Ki Bhi Habit Rakhwayi, Taaki Ramazan Mein Roze Continue Kar Saken.

🌹Aisa Hota Hai Ki Agar Thoda Pehle Se Aap Bachchon Ko Habit Kar Lein Na, To Phir Woh Habit Ban Jaati Hai. Aur ان شاء الله عزوجل Allah Ta'ala Ki Taraf Se Madad Bhi Hoti Hai, Toh Bilkul Aisa Laga Bhi Nahin Ki Roze Rakh Rahe Hain... Toh Koshish Hamein Karni Hoti Hai.

🌻 Toh Nifas Mein Minimum Ki Koi Limit Nahin Hai, Aur Maximum 40 Days 40 Nights Hai...Haan, Iske Baad Agar 40 Days 40 Nights Cross Ho Gaya, Toh Phir Woh Istihaza Ki Soorat Le Lega.

Continue…

Ubaid-E-Raza Official

💦 Taharat Course (Part-408)

🤔 2 Haiz Ke Darmiyan Gap Kitna Hona Chahiye?

🌼Yaani Jo Beech Ka Time Period Hai, Ye Kitna Hona Chahiye?

To Ismein Hamesha Yaad Rakhein Ki 2 Haiz Ke Between 15 Days 15 Nights Ka Minimum Gap Hona Zaroori Hai...

💐Maximum Kitna Bhi Ho Sakta Hai. Ek Mahina Ho, 2 Mahine Ho, Ek Saal Ho, Dedh Saal Ho, 10 Saal Ho, Maximum Ki Koi Hadd Nahin Hai...

🌼Lekin Minimum 2 Haiz Ke Darmiyan 15 Days 15 Nights Complete Hona Zaroori Hai...Minutes Wagairah Ka Bhi Khaas Khayal Rakhein. Pure 15 Din 15 Raat Complete Hone Chahiye. Isse Agar Thoda Bhi Kam Ho Jayega, Toh Hum Next Haiz Consider Nahin Kar Sakte.

💐Misal Ke Taur Par Kisi Aurat Ko 5 Din Haiz Aaya, Bleeding Hui. Iske Baad 20 Din Woh Paak Rahi. Phir Usko Dobara 4-5 Din Bleeding Hui... Toh Ye 2 Different Haiz Hain, Kyunki Beech Mein 20 Din Paaki Ke Mile Hain.

🌼Lekin Agar Aisa Hua Ki Kisi Aurat Ko 4 Din Bleeding Hui, Phir 10 Din Usko Gap Mila, Phir 4 Din Bleeding Hui, Toh Ab Ye Nahin Bol Sakte Ki Ye 4 Din Haiz Ke Hi Gaye, Phir 10 Din Paaki Ke Ho Gaye, Phir 4 Din Haiz Ke Hi Gaye.... Nahin!

💐Ye Jo Pehle 4 Din Se Bleeding Start Hui Hai, Tab Se Lekar Aakhir Ke Jo 4 Din Hain, Wahan Tak Ka Poora Period Ek Hi Haiz Se Related Hoga...Yaani Ismein 2 Haiz Nahi Aayenge, Balki Ismein Haiz Aur Istihaza Ka Masla Aayega.

🌼 Toh Minimum 15 Days 15 Nights 2 Haiz Ke Darmiyan Gap Hona Zaroori Hai...Isi Tarah Nifas Ke Baad Jab Haiz Start Hota Hai, Toh Nifas Aur Haiz Ke Darmiyan Bhi 15 Days 15 Nights Ki Paaki Hona Zaroori Hai.

💐Nifas Aur Haiz Ke Beech Ka Gap Bhi Minimum 15 Days 15 Nights Hona Zaroori Hai. Isse Zyaada Ho Sakta Hai.

Continue…

Ubaid-E-Raza Official

💦 Taharat Course (Part-409)

🤔 Agar Koi Aurat Haiz Wali Thi Aur Subah Uth Kar Dekha Toh Koi Nishan Nahin Hai, Toh Paaki Kab Se Consider Hogi?

🌺 Jaise Kabhi Kabhaar Hota Hai Na Ki Pad Wagairah Rakh Kar Sote Hain, So Kar Uthe To Bilkul Us Par Koi Nishan Nahin Tha, Koi Bleeding Wagairah Nahin Thi.

🪷To Phir Is Soorat Mein Paaki Hum Kab Se Consider Karenge? Raat Se Consider Karenge Ya Subah Se?

🌺To Is Soorat Mein Hum Kahenge Ki Aurat Raat Mein Hi Paak Ho Gayi Thi... Aur Usay Isha Ki Namaz Padhni Hogi, Kyunki Aakhri Baar Usne Paaki Pad Rakhte Waqt Dekhi Thi, Us Par Koi Nishan Nahin Tha. Ab So Kar Uthi Toh Tab Bhi Paak Thi... Toh Phir Hum Kahenge Ki Isha Ki Namaz Qaza Karein.

🤔 Aur Agar Aisa Hua Ki Koi Aurat Sote Waqt Paak Thi, Lekin Subah Uthi To Haiz Shuru Ho Gaya, To Ab Haiz Kab Se Consider Karenge?

🪷 Toh Is Soorat Mein Jab Se Haiz Dekha Hai, Tab Se Haiz Ko Consider Karenge...Yaani Haiz Jab Se Dekha Jaata Hai, Tab Se Consider Hota Hai.

🌺Thode Time Pehle Se Pet Dard Ho Raha Tha, Cramping Ho Rahi Thi, Aisa Lag Raha Tha Ki Bleeding Hogi, Lekin Bleeding Hui Nahin Na... Toh Wahan Se Haiz Consider Nahin Karenge... Jab Se Aapne Haiz Ko Dekha Hai, Tab Se Haiz Consider Hoga.

Continue…

Ubaid-E-Raza Official

💦 Taharat Course (Part-410)

🤔 Nifas Kab Se Start Hota Hai?

🌺 Yaani Bachcha Thoda Bahar Aa Gaya, Jaise Uska Sar Thoda Sa Bahar Aa Gaya, Toh Kya Usi Waqt Se Nifas Shuru Ho Jayega Ya Bachcha Poora Bahar Aane Ke Baad Nifas Shuru Hoga?

💐To Ismein Yaad Rakhein Ki Bachcha Paida Hona Matlab Kam Se Kam Bachche Ki Aadhi Body Bahar Aa Jaaye, Tab Se Nifas Shuru Ho Jaata Hai.

🌺Baaz Auqaat Doctors Kehte Hain Na Ki Bachche Ka Sar Nazar Aa Raha Hai, Thoda Sa Bachcha Bahar Aa Gaya Hai, Lekin Bachcha Poora Bahar Nahin Aaya.. Toh Us Waqt, Jaise Aurat Ki Koi Namaz Baaqi Thi Aur Zuhr Ke Waqt Aisa Ho Raha Tha, Aur Asr Ka Waqt Lagne Par Bhi Doctors Ne Kaha Ki Is Darmiyan Bachche Ka Sar Bahar Hai, Toh Tab Se Aurat Nifas Legi...

💐Ab Agar Asr Ke Baad Usne Bachche Ko Deliver Kiya, Toh Asr Ke Baad Se Ye Nifas Kehlayega. Zuhr Ki Namaz Usne Nahin Padhi Thi To Phir Woh Baad Mein Uski Qaza Karegi, Kyunki Zuhr Ke Waqt Woh Nifas Mein Nahin Thi..

🌺 To Yaad Rakhein: Bachcha Nikalna, Yaani Kam Se Kam Bachche Ki Aadhi Ya Aadhe Se Zyaada Body Bahar Aa Jaaye, Toh Us Waqt Se Nifas Consider Kiya Jayega.

Continue…

Ubaid-E-Raza Official

💦 Taharat Course (Part-411)

🤔 Ye Bhi Sawal Aata Hai Ki Agar Twins Ho Gaye Hain To Nifas Kab Se Shumar Hoga?

♦️Toh Jab Pehla Bachcha Bahar Aayega, Tab Se Nifas Ke Ahkaam Shuru Ho Jayenge Aur Nifas Ka Waqt Pehle Bachche Se Hi Consider Kiya Jayega.

🔹Agar Aisa Hua Ki Ek Bachcha Pehle Nikal Gaya Aur Doosra Bachcha 3–4 Ghante Ke Baad Nikla, Toh Nifas Ka Time Pehle Bachche Ke Nikalne Se Hi Shuru Hoga.

🤔 Aur Surgery Wagairah Karke Jab Bachcha Nikala Jaaye Toh Nifas Kab Se Shuru Hoga?

♦️Kuch Log Samajhte Hain Ki Pet Ke Zakhm Se Jo Khoon Nikalta Hai, Woh Nifas Hai. Ye Bhi Ghalat Hai... Kyunki Bachcha Pet Mein Hai Aur Surgery Ke Zariye Jab Bachcha Nikala Jaata Hai, To Pet Se Jo Khoon Nikalta Hai, Ye Nifas Nahin Hai...

🔹Nifas Ki Definition Mein Hi Humne Padha Tha Na... Jo Khoon Sharmgaah Se Nikle, Wahi Nifas Hai... Toh Jab Aurat Ko Aage Ke Maqam (Sharmgaah) Se Nifas Ka Khoon Niklega, Tab Usko Hum Nifas Kahenge.

Continue…

Ubaid-E-Raza Official

💦 Taharat Course (Part-412)

🤔 Phir Ek Sawal Aata Hai Ki Kabhi-Kabhaar Abortion Ho Jaata Hai Toh Isko Hum Kya Lenge? Haiz Lenge, Istihaza Lenge Ya Nifas Lenge? 

🌹 Toh Dekhiye, Bachche Ke Aaza (Body Parts) Jo Bante Hain, Ye 120 Din Ke Baad Banna Shuru Hote Hain. Pregnancy Ke 120 Din Ke Baad Bachche Ke Body Parts Banna Shuru Hote Hain. Isse Pehle Woh Gosht Ke Lothde Wagairah Ki Surat Mein Hota Hai.

🪷Agarche Doctor Kah Dete Hain Ki Bachche Ki Heartbeat Nazar Aa Rahi Hai, Ye Sab Hai, Lekin Sharayi Lehaz Se 120 Din Ke Baad Bachche Ke Body Parts Banna Shuru Hote Hain.

🌹 Toh Agar 120 Din Se Pehle Kisi Aurat Ko Bleeding Ho Jaati Hai, Abortion Ya Miscarriage Ho Jaata Hai Aur Jiski Wajah Se Bleeding Ho Rahi Hai, Toh 120 Din Se Pehle Jo Bhi Hoga, Woh Ya Toh Haiz Hoga Ya Istihaza Hoga...

🪷Waise Bhi Pregnancy Ke Dauran Agar Kisi Aurat Ko Bleeding Ho Rahi Hai Toh Woh Istihaza Hi Hai. Lekin Agar Abortion Ya Miscarriage Ho Gaya Aur Uski Wajah Se Bleeding Ho Rahi Hai, Toh 120 Din Se Pehle Jo Bleeding Hogi, Woh Haiz Ya Istihaza Mein Aayegi.

🌹Ye Is Baat Par Depend Karta Hai Ki Pichhle Haiz Ke Baad Is Bleeding Se Pehle 15 Din Ka Gap Hai Ya Nahin, Aur Bleeding Kitne Din Ho Rahi Hai. In Tamam Cheezon Ko Dekh Kar Tay Kiya Jayega Ki Ye Haiz Hai Ya Istihaza.

🪷Lekin Agar 120 Din Ke Baad Ye Muamla Pesh Aata Hai, Toh Phir Ismein Jo Khoon Niklega, Woh Nifas Ka Khoon Kehlayega.

🌹To Miscarriage Ya Abortion Hone Ke Baad Phir Kabhi-Kabhaar 2–2, 3–3 Mahine Tak Bleeding Hoti Rehti Hai. Toh Pehle 40 Din Nifas Mein Jayenge, Phir Jab 40 Din Cross Ho Jayenge To Istihaza Wale Rules Apply Honge.

🪷Ab Kya Rules Hain, Ye Masail Aapko Un-Un Ke Maqam Par Aage Aa Jayenge Ki Kitne Din Istihaza Ke Lenge, Kaun Si Date Istihaza Ki Hogi, Kaun Si Date Mein Haiz Aur Nifas Lenge.. Ye Sab Aage Aa Raha Hai.

🌹Lekin Baharhaal Short Mein Ye Hai Ki Agar 120 Din Se Kam Hain Toh Bleeding Haiz Ya Istihaza Mein Aayegi. Aur Agar 120 Din Ke Baad Ye Muamla Hota Hai To Nifas Aur Istihaza Wagairah Ke Ahkaam Mein Jayega.

Continue…

Ubaid-E-Raza Official

💦 Taharat Course (Part-413)

Haiz Aur Paaki Ki Habit 

🌼 Ye Bhi Yaad Rakhein Ki Haiz Ki Habit Hoti Hai. Aapne Ye Words Suna Hoga Ki “Haiz Ki Aadat Kitni Hai?” To Haiz Ki Aadat Ka Matlab Ek Aurat Ki Woh Habit Hai Jo Aam Taur Par Har Mahine Hoti Hai. ..Yaani Umuman Har Month Aurat Ko Kitne Din Bleeding Hoti Hai, Woh Uski Haiz Ki Habit Hai...

🌻 Kisi Ko Har Month 7 Days Bleeding Hoti Rehti Hai, Toh Ye Unki Haiz Ki Aadat Hai... 7 Days.

🌼Aur Isi Tarah Paaki Ki Bhi Habit Hoti Hai. Baaz Log Sirf Haiz Ki Habit Dekhte Hain, Paaki Ki Habit Nahin Dekhte. Lekin Paaki Ki Habit Bhi Dekhni Hai Ki Kitni Hai...Yaani Total Cycle Aapka Kis Tarah Chalta Hai?

🌻Aisa Hota Hai Na Ki 7 Din Haiz, Phir Agle 25 Din Paaki.. 7 Din Haiz, Phir Agle 25 Din Paaki. Agar Kisi Aurat Ka Cycle Is Tarah Chal Raha Hai, Toh Hum Kahenge Ki Uski Haiz Ki Habit 7 Days Hai Aur 25 Days Paaki Ki Habit Hai.

🌼 Aur Ye Haiz Ki Habit Bhi Aage Peeche Hoti Rehti Hai. Kabhi Ye 7 Se 6 Din Ho Sakti Hai, Kabhi 4 Din Ho Sakti Hai, Kabhi 10 Din Bhi Chali Jaa Sakti Hai. Yaani Aage-Peeche Hoti Rehti Hai...

🌻Isi Tarah Paaki Ki Habit Bhi Aage Peeche Ho Sakti Hai. Lekin Aap Par Lazim Hai Ki Aap Apni Haiz Aur Paaki Ki Habit Ko Note Karti Rahein.

 Kyun? 

🌼Kyunki Khuda Na Khwasta Agar Istihaza Start Ho Jaata Hai, Toh Phir Usmein Se Haiz Wale Days Nikalne Ke Liye Aapko Apni Previous Habit Dekhni Padegi.

🌻Ab Umuman Haiz Ke Sawal Aate Hain. Aap Samajhein Ke 70% Cases Mein Main Puchhti Hoon Ki Aap Apne Pichhle 2 Months Ki Habit Batayein, Taaki Main Aapki Haiz Ki Habit Aur Paaki Ki Habit Nikal Loon...To Jawab Aata Hai.. “Aapa, Takriban 7–8 Din Hote Hain. Ab Mujhe Yaad Nahin Hai Kitne Din, Shayad Itna Hoga.”

🌼Ab “Shayad” Par Main Kaise Jawab Doon?...To Kehti Hain...“Aapa, Aap Kuch Bhi Bol Dein, Aap Bata Dein.”...Ab Main Kaise Bolun?

🌻Kyunki Haiz Ke Masle Mein 7–8 Din Nahin Bol Sakte. Aapko Exact Maloom Hona Chahiye Ki 7 Din Hain Ya 8 Din...Agar Aapki Habit 7 Days Ki Hai Aur Is Baar Bhi, Misaal Ke Taur Par, 7 Days Hue Hain, Toh Agar Main 8 Days Bolungi To Ek Din Ki Poori 5 Namazein Maine Goya Aapko Keh Di Ki Chhod Dein.

🌼Ya Phir Ye Ho Jayega Ki Haiz Ke 5 Namazein Padh Li Jaayen. Aisa Toh Nahin Ho Sakta Na?Isliye Proper Maloom Hona Zaroori Hai... Toh Haiz Ki Habit Aur Paaki Ki Habit Ko Always Note Karne Ki Habit Banani Chahiye, Kyunki Istihaza Aaj Kal Bahut Common Hai. Aur Agar Istihaza Hota Hai, To Phir Ye Poora Ka Poora Aapki Previous Habit Par Dependent Hota Hai.

🌻 Aur Wahan Par Aapko Ghante Bhi Note Karne Hain. Ye Nahin Ki 7 Din Matlab Sirf 7 Din... Agar Kisi Ko 7 Din Mein 4 Ghante Kam The, Toh Ab Istihaza Mein Bhi Jab Habit Lenge To 7 Din Mein 4 Ghante Kam Hi Lenge...Exact Habit Maloom Hona Zaroori Hai.

Continue…

Ubaid-E-Raza Official

💦 Taharat Course (Part-414)

🌸 Haiz Aur Paaki Ki Habit — Zaroor Note Kar Ke Rakhein

♦️Aapki Aadat Hai Ki Aap Haiz Ki Dates Wagairah Likh Kar Rakhti Hain, Bahut Achchi Baat Hai. Aur Agar Aap Ye Nahin Likhti Hain To Yaad Rakhein... Aurat Par Wajib Hai Ki Woh Apni Dates Wagairah Bilkul Achhi Tarah Note Karke Rakhe.

🔹Agar Abhi Aapki Ye Habit Nahin Hai To Aaj Hi Se Ye Aadat Bana Lein. Ek Diary Maintain Karein Ya Mobile Ke Notes Mein Likh Kar Rakhein. Kahin Par Bhi Note Karte Rahen Ki Kab Aapko Bleeding Hui, Kis Soorat Mein Hui Aur Kab Kab Hui.

♦️Ye Sab Details Agar Aap Note Karke Rakhenge Na, To Haiz Ka Jitna Bhi Difficult Masla Kyun Na Ho, Badi Aasani Se Hal Ho Jayega. Aapka Bleeding Ka Muamla Jitna Hi Pechida Kyun Na Ho, Masla Badi Aasani Se Hal Ho Jaata Hai.

🔹Lekin Agar Aapne Ye Details Note Hi Na Ki Hon, To Phir Bahut Bahut Difficult Ho Jata Hai...Jaise 2-3 Mahine Pehle Ek Islami Behen Ka Sawal Aaya Tha. Unko Lag Raha Tha Ki Mujhse Kuch Ho Gaya Hai. Yaani Kahin Na Kahin Allah Ta'ala Ne Unke Dil Mein Ye Khayal Daal Diya Ki Meri Namazein Theek Nahin Ho Rahi Hain, Mujh Mein Kuch Kami Reh Gayi Hai, Kuch Baaqi Reh Gaya Hai.

♦️Jab Unhone Mujhe Apna Masla Bataya To Pata Chala Ki Zindagi Ke 23 Saal Unhone Haiz Ke Muamle Mein Is Tarah Guzare The Ki Kahin Namaz Padh Rahi Hain, Kahin Shauhar Ke Saath Jismani Ta'alluq Qayim Ho Raha Hai.. Jis Din Haiz Nahin Ho Raha Tha, Us Waqt Usko Haiz Samajh Rahi Hain Aur Jo Haiz Tha, Usko Haiz Nahin Keh Rahi Hain.

🔹Yani 23 Saal Ki Zindagi Unhone Is Tarah Guzar Di...Ab Woh Keh Rahi Hain:

“Baji! Itni Namazein Jo Maine Padhi Hain, Ab Main Kya Karun?”

To Ab Ismein Kya Bol Sakti Hoon Main Ki Aap Chhod Dein? Nahin! Jo Aapne Galat Kiya Hai, Un Namazon Ki Qaza To Aapko Karni Hi Hai. Aur Ab Aap Tauba Karein.

♦️Allah Ka Shukr Ada Karein Ki Kam Se Kam Abhi Aapke Dil Mein Ye Khayal Aaya Ki Meri Itni Namazein Abhi Baaqi Hain... Phir Unhone Apne Doctor Ke Prescriptions Wagairah Sab Nikaale Aur 23 Saal Pehle Ki Jo Details Thin, Woh Mujhe Batayin. Un Details Ki Buniyaad Par Mujhe Itne Saalon Ka Calculation Karna Pada Aur Unko Batana Pada Ki Filhaal Aapko Haiz Chal Raha Hai, Ye Istihaza Nahi Hai.

🔹To Ye Hota Hai Haiz Ke Masail Mein.. Lekin Dates Ke Liye Woh Bahut Pareshan Thi. Do Din Tak Pareshani Mein Rahin. Phir Unhone Apne Saare Prescriptions Wagairah Nikale Aur Kisi Tarah Purani Dates Ka Andaza Lagaya. Aakhirkar Unhone Mujhe Dates Bata Diye Aur Phir Unka Masla Hal Ho Gaya...Warna Agar Dates Ka Record Maujood Na Hota To Aur Zyaada Pareshani Hoti.

♦️To Isliye Haiz Ki Habit Ko Achhi Tarah Note Karke Rakhein. Apni Bleeding Ki Dates Aur Uski Tamam Zaroori Details Likh Kar Rakhein, Taaki Zaroorat Ke Waqt Kisi Bhi Mushkil Masle Ko Aasani Se Samjha Aur Hal Kiya Jaa Sake.

Isliye Haiz Aur Paaki Ki Dates Ko Note Karna Bahut Zaroori Hai.

Continue...

Ubaid-E-Raza Official

💦 Taharat Course (Part-415)

🌸 Habit Kaise Note Karni Hai?

🌹Jaise Is Baar Bleeding Hui To Itne Time Se Itne Time Tak Mujhe Bleeding Hui, Beech Mein Kuch Spotting Hui, Yellow Discharge Hua Ya Haiz Ke Colours Mein Se Koi Aur Colour Ka Discharge Hua, To Woh Bhi Likh Kar Rakhein Ki Itni Date Ko, Itne Time Par Mujhe Ye Hua. Is Tarah Har Cheez Ko Note Karte Rahna Hai.

🌺Ab Jinka Cycle Normal Hai, Allah Ka Bahut Bada Ehsan Hai Aap Par Agar Aapka Cycle Normal Hai Aur 10 Din Ke Andar Hi Aapki Bleeding Wagairah Ki Soorat Rahti Hai. Aap Jab Aage Chal Kar Masail Padhenge To Aap Yaqeenan Manenge Ki Allah Ta'ala Ka Kitna Bada Ehsan Hai Ki Aapke Periods Normally Chal Rahe Hain.

🌹Ab Jaise August Ka Mahina Le Lete Hain...August Mein Kisi Aurat Ko 20 Din Paaki Ke Baad 6 Din Bleeding Aayi. To Kaise Likhenge... Sabse Pehle August Mein Jin Dates Mein Bleeding Hui, Woh Date Aur Time Ke Saath Likhen. Phir Neeche Likhen:

🌺August Ke Month Mein:

▪️ Haiz Ki Habit = 6 Days

▪️ Paaki = 20 Days..

Phir September Mein Aisa Hua Ki Dobara 20 Din Paaki Mili Aur Phir 6 Din Haiz Aaya...To September Ki Bhi Poori Dates Wagairah Likhen Aur Phir Neeche Likhen...

🌹September Mein:

▪️ Haiz Ki Habit = 6 Days

▪️ Paaki = 20 Days

Ab October Mein Aisa Hua Ki 25 Din Ke Baad 4 Din Bleeding Aayi...To Ab Hum Kya Kahenge?... Ab Hum Kahenge Ki Aapki Habit Change Ho Gayi.

🌺Ab Aap Ye Nahin Dekhein Ki Pichhle 6 Mahine Se Mujhe 6 Din Haiz Aur 20 Din Paaki Mil Rahe The, Is Baar Bhi Wahi Hai... Nahin!..Ab Aapki Habit Change Ho Gayi Hai...20 Din Se Paaki Ki Habit Kitni Ho Gayi?... 25 Din Ho Gayi.

🌹Aur Haiz Ki Habit Kitni Ho Gayi?

4 Din Ho Gayi....To Is Baar Aap Likhenge:

October Mein:

▪️ Paaki Ki Habit = 25 Days

▪️ Haiz Ki Habit = 4 Days

🌺To Ye Paaki Aur Haiz Ki Jo Habit Hai, Aapko Update Karte Rehni Padegi...Ye Habit Count Karke Aapko Note Karni Hai...Aur Agar 6 Days Mein Itne Hours Hain To Us Tarah Bhi Likhein. Jaise Suppose Sirf 6th Day Ke 4 Ghante Hi Bleeding Aayi, To Phir Haiz Ki Habit 5 Days + 4 Hours Itni Hi Hogi.

🌹Isi Tarah Paaki Ki Habit Bhi Note Karni Hai...Is Tarah Aapko Apni Haiz Aur Paaki Ki Habit Ko Note Karke Rakhna Hai.. Jab Tak Ye Isi Tarah Chal Raha Hai, Theek Hai... Lekin Jab Istihaza Aa Jayega, To Phir Previous Month Ki Habit Dekh Kar Is Baar Ka Masla Hal Hoga.

Continue… 

Ubaid-E-Raza Official

💦 Taharat Course (Part-416)

🌸 Zindagi Mein Jab First Baar Haiz Aata Hai — Is Se Related Masail #01

🤔Zindagi Mein First Time Agar Khoon Aaya To Ye Haiz Hai Ya Istihaza? Kya Hai?

🌼Dekhiye, Sabse Pehle Jab Ek Chhoti Si Bachchi Ko Bleeding Ho Rahi Hai To Sabse Pehle Uski Age Dekhi Jayegi.

🌻Agar Uski Age 9 Saal Se Kam Hai, Yaani Arabic Date Ke Lihaz Se Uske 9 Saal Poore Nahin Hue Hain, To Jo Bhi Khoon Aa Raha Hai, Zahir Si Baat Hai Woh Istihaza Hai.

🌼Aaj Kal Aisa Bahut Ho Raha Hai. Humne Bahut Si Bachchiyon Ke Baare Mein Suna Hai Ki 7 Years Mein Bleeding Ho Rahi Hai, 8 Years Mein Bleeding Ho Rahi Hai, Aur Doctors Isko Periods Hi Bol Rahe Hain.

🌻Lekin Sharayi Lihaz Se Abhi Woh Bachchi Baligha Nahin Hui Hai. Isliye Isko Istihaza Hi Kahenge. Haiz Ho Hi Nahin Sakta..Bachchi Ke Liye Haiz Ka Hukm Is Soorat Mein Nahin Hai.

🌼Second Baat: Agar Bachchi Ke 9 Saal Poore Ho Gaye Aur Iske Baad Usko Bleeding Ho Rahi Hai, To Phir Zahir Si Baat Hai Ki 9 Saal Ke Baad Jab Usko Bleeding Hogi, Woh Baligha Ho Jayegi.

🌻Yaad Rakhein: Chahe Woh Bleeding Haiz Ho Ya Ek-Aadh Din Bleeding Hokar Stop Ho Jaaye, Bachchi Baligha Ho Jayegi.

🌼Jaise Maan Lijiye 9.5 Saal Ki Age Mein Ek Din Bleeding Hui Aur Phir Bleeding Stop Ho Gayi. Uske Baad 10, 11, 12 Saal Ki Age Mein Usko Baqaida Haiz Aaya.. To Ab Ye Bachchi Baligha Ho Gayi, Kyunki Khoon To Start Ho Gaya Na?

🌻Ab Hum Usko Baligha Maan Lenge Aur Us Par Namaz Wagairah Farz Ho Jayegi...Ye Jo Pehli Baar Khoon Aaya Tha, Woh Istihaza Ka Tha, Correct Hai..Lekin Us Bleeding Ki Wajah Se Bachchi Baligha Ho Gayi Hai.

🌼Ab Us Par Jo Bhi Baligh Ke Ahkaam Hain, Woh Sab Lazim Ho Jayenge...Namaz, Roze Wagairah Ki Pabandi, Digar Faraiz-O-Wajibaat Ki Pabandi Us Par Lazim Ho Jayegi.

🌻 Sharayi Taur Par Parda Karna, Farz Uloom Seekhna, Ye Sab Bhi Bachchi Par Lazim Ho Jayega.To Yaad Rakhein: 9 Saal Ki Age Ke Baad Pehli Baar Khoon Aane Se Bachchi Baligha Ho Jayegi, Chahe Woh Khoon Sharayi Haiz Ho Ya Istihaza.

Continue…

🌹 Ubaid-E-Raza Official

💦 Taharat Course (Part-417)

🌸 Zindagi Mein Jab First Baar Haiz Aata Hai — Is Se Related Masail #02

🌷Agar First Time Zindagi Mein Usko Bleeding Ho Rahi Hai, 9th Year Ke Baad, Lekin Woh 3 Days 3 Nights Se Kam Hai, To Phir Woh Istihaza Hai.

🪷Is Bleeding Ko Chhod Dein. Woh Bachchi Baligha Ho Gayi, Lekin Ye Khoon Istihaza Hai.

🌷Aur Agar Bleeding 3 Days 3 Nights Ya Isse Zyada Hoti Hai, To Phir Jitne Bhi Din Usko Blood Aaya Hai, Utne Din Uski Haiz Wali Habit Kehlayegi To First Time Ki Habit Aap Note Karenge.

🪷Jaise Kisi Bachchi Ko 5 Days Bleeding Hui Hai, To Aap Note Karke Rakhenge Ki:

▪️ Haiz Ki Habit = 5 Days

Agar 7 Days Hui Hai To:

▪️ Haiz Ki Habit = 7 Days

Aur Agar 10 Days Hui Hai To:

▪️ Haiz Ki Habit = 10 Days

🌷Lekin Agar 10 Days Cross Ho Jaate Hain, Jaise Pehli Baar Hi Bachchi Ko 15 Din Bleeding Ho Gayi, To Ab Kya Karenge?..Ab First 10 Days Uska Haiz Mana Jayega Aur Agle 5 Din Jo Bleeding Hui Hai, Woh Istihaza Hogi.

🪷 Aur Haiz Ki Habit Bhi 10 Days Note Karke Rakhenge... Phir Next Paaki Wagairah Dekhenge, Phir Next Haiz Ka Muamla Dekhenge.

🌷 Lekin First Time Jo Habit Note Karni Hai, Woh Isi Tarah Hai Ki Agar 3 Se 10 Days Ke Darmiyan Bleeding Jab Bhi Ruk Jayegi, Woh Haiz Maana Jayega... Agar Exact 10 Days Hain To 10 Days Haiz Hoga.

🪷 Lekin Agar 10 Days Cross Ho Jaata Hai, To First 10 Days Haiz Kehlayega Aur Yahi Haiz Ki Habit Hogi. Extra Jo Bhi Bleeding Aayegi, Woh Istihaza Hogi.

Ye First Time Haiz Aane Ka Muamla Hai.

🌸 Sirf Haiz Ki Habit Nahin, Isi Tarah Nifas Ki Habit Bhi Note Karni Hai.

🌷Kyunki Maan Lijiye Ek Bachcha Hua Aur Us Waqt 20 Din Nifas Ki Habit Bani... Agli Baar Doosra Bachcha Hua Aur Uske Baad 60-70 Din Bleeding Hui, To Ab Kya Hoga?

🪷Ab Jo Previous Nifas Ki Habit Thi, Woh 20 Days Thi.

To Hum Kahenge:

First 20 Days Aapke Nifas Hain Aur Baaqi 40 Din Jo Aapko Bleeding Hui, Woh Istihaza Hai.

🌷Isliye Un 40 Dinon Ki Jo Namazein Chhuti Hain, Unki Qaza Bhi Karni Hogi.

To Yaad Rakhein.. Haiz Ki Habit Bhi Note Karni Hoti Hai Aur Nifas Ki Habit Bhi Note Karni Hoti Hai.

🪷Apni Haiz, Paaki Aur Nifas Ki Habit Ka Record Zaroor Maintain Karein, Taaki Zaroorat Ke Waqt Masla Aasani Se Hal Kiya Ja Sake.

Continue…

Ubaid-E-Raza Official

💦 Taharat Course (Part-418)

🌸 Nifas Ki Habit Bhi Note Karna Lazim Hai

💐Nifas Mein Hukum Ye Hai Ki Agar Aurat Ko Nifas Hota Hai, Chahe Pehli Baar Hua Ho Ya Second Baar, Ismein Bhi Kitne Din Bleeding Hui, Kis Timing Mein Shuru Hui Aur Kis Timing Par Band Hui Ye Tamam Cheezein Note Karna Zaroori Hai.

🌼Nifas Ki Habit Bhi Note Karna Lazim Hota Hai, Kyunki Khuda Na Khwasta Aainda Chal Kar Agar Nifas Dobara Shuru Ho Jaaye Aur Istihaza Ki Soorat Paida Ho Jaaye, Toh Sabiqa (Last Time Ki) Habit Ko Dekh Kar Hi Hukum Nikala Jaata Hai.

🌸 #01 — First Time Nifas Hone Ka Hukum 

💐Ab Agar Kisi Ko First Time Nifas Ki Bleeding Ho Rahi Hai To Phir Kya Hukum Hoga?..Dekhiye, First Time Ho Raha Hai To Agar 40 Din Se Pehle Uski Bleeding Stop Ho Jaati Hai To Theek Hai. Jitne Din Bleeding Aayi, Utne Din Nifas Maane Jayenge.

🌼For Example, Kisi Ko 10 Din Bleeding Aayi Aur Phir Agle 2 Mahine Tak Bleeding Nahin Hui, To Ye 10 Din Nifas Ke Kehlayenge... Yaani 40 Din Ke Andar Andar Jab Bhi Khoon Aayega, Usko Nifas Hi Count Karenge.

💐Misal Ke Taur Par, Jaise Maine Kaha, Kisi Ko 10 Din Bleeding Aayi, Uske Baad Agle 2-3 Mahine Koi Blood Nahin Aaya, To Ye 10 Din Uske Nifas Ke Kehlayenge.

🌼Isliye Pehli Baar Nifas Hone Par Bhi Bleeding Ki Dates Aur Timing Note Karke Rakhna Bahut Zaroori Hai, Taaki Aainda Zaroorat Padne Par Isi Record Ki Buniyad Par Masla Samjha Jaa Sake.

Continue…

Ubaid-E-Raza Official

💦 Taharat Course (Part-419)

🌸 Jab Kisi Aurat Ko First Time Nifas Ki Bleeding Ho Rahi Ho .. Is Se Related Masail #02 

🌺Agar Aisa Hua Ki Pehle 5 Din Bleeding Aayi, Phir Agle 20 Din Bleeding Nahi Aayi, Aur Phir Misal Ke Taur Par 2-3 Din Dobara Bleeding Aayi, To Ab Kya Hoga?

🥀 Pehle 5 Din Nifas Ki Bleeding Aayi Thi, To Theek Hai, Woh To Nifas Hai...Agle 20 Din Aurat Paak Rahi.

Ab Agle 2-3 Din Jo Bleeding Aayi Hai, Woh Kab Aayi Hai?

🌺40 Din Se Pehle Pehle Aayi Hai. Yani 25-26 Din Mukammal Hone Ke Baad Dobara Bleeding Aayi Hai..To 40 Days Ke Andar Andar Agar Dobara Khoon Start Ho Jaata Hai, To Darmiyan Ke Jitne Bhi Din Hain, Woh Phir Nifas Wale Hi Consider Honge.

🌸 Isko Misal Se Samjhein 

🥀Aap Note Kar Lein:

Agar Kisi Aurat Ko 5 Din Nifas Ki Bleeding Aayi, Phir 20 Din Paak Rahi Aur Phir 3 Din Dobara Bleeding Aayi, To Hoga Ye Ki:

Delivery Ke Baad Jo Pehle 5 Din Guzre Hain, Jismein Usko Bleeding Hui, In 5 Dinon Mein Aurat Apni Namazein Wagairah Chhod Degi.

🌺Chhathe Din Jab Woh Dekhe Ki Ab Main Paak Ho Gayi Hoon, To Us Par Lazim Hoga Ki Woh Ghusl Karke Namaz Shuru Kare.

🥀Agle 20 Din Jo Woh Paak Rahi, Inmein Woh Namazein Padhegi. Agar Ramazan Hai To Roze Wagairah Bhi Rakhegi, Jabke Roza Rakhne Se Mana Karne Wali Koi Aur Cheez Na Ho.

🌺Ye Tamam Cheezein Karegi..Phir Jab Dobara 20 Days Paaki Ke Baad 21st Day Ko Bleeding Start Ho Jayegi, To Aurat Samajh Jayegi Ki..

“Chunki 40 Days Ke Andar-Andar Mujhe Dobara Blood Aaya Hai, Iska Matlab Mera Nifas Abhi Complete Nahi Hua Hai.

🥀To Ab Starting Se Lekar Ye Tamam Days, Yaani..5 Din Bleeding + 20 Din Paaki + 3 Din Dobara Bleeding

 5 + 20 + 3 = 28 Days

Ye Tamam 28 Days Nifas Ke Kehlayenge.

🌺Jo Darmiyan Mein Aurat Ne Namazein Padhi Hain, Woh Count Nahin Hongi, Kyunki Nifas Ki Halat Mein Namaz Nahin Padh Sakte. Isliye Woh Namazein Nifas Ki Halat Mein Ada Hui Hain Aur Motabar Nahin Hongi.

🥀Haan, Is Soorat Mein Aurat Gunahgar Nahin Hogi, Kyunki Usne Jaan-Boojh Kar Nifas Ki Halat Mein Namaz Nahin Padhi Thi. Usne Paaki Dekh Kar Namazein Padhi Thi, Isliye Woh Gunahgar Nahin Hogi.

🌺Lekin Ye Namazein Uski Consider Nahin Hongi...Isi Tarah Roze Bhi Consider Nahin Honge, Kyunki Nifas Ki Halat Mein Rakhe Gaye Roze Motabar Nahin Hote.

🥀Isliye Un Rozon Ki Qaza Baad Mein Aurat Ko Karni Padegi...Aur Total Aurat Ki Nifas Ki Habit 28 Days Ho Jayegi...To Isliye Nifas Ki Bleeding Ke Saath-Saath Paaki Ke Darmiyan Guzre Hue Din Bhi Zaroor Note Karke Rakhein, Kyunki Baad Mein Nifas Ki Habit Aur Masail Ko Samajhne Mein Ye Details Bahut Zaroori Hoti Hain.

Continue…

🌹 Ubaid-E-Raza Official

💦 Taharat Course (Part-420)

🌸 Jab Kisi Aurat Ko First Time Nifas Ki Bleeding Ho Rahi Ho — Is Se Related Masail #03

♦️To Ye Masla Yaad Rakhna Hai:

40 Days Ke Andar Andar Agar Bleeding Shuru Ho Jaati Hai, To Phir Beech Wale Jitne Bhi Din Paaki Ke Mile Hain, Chahe Woh 15 Se Zyaada Hi Kyun Na Hon, Woh Bhi Nifas Mein Hi Count Honge.. Kyunki Nifas Ka Time Period 40 Days Ka Hai.

🔸Ho Sakta Hai Pehle Ek Din Aurat Ko Bleeding Hui Ho, Uske Baad 30 Din Paak Rehne Ke Baad Phir 3-4 Din Bleeding Ho Gayi Ho...To Ye Tamam Ka Tamam Nifas Count Hoga.

♦️Haan, 40 Days Complete Hone Ke Baad 15 Days Ka Gap Hona Zaroori Hai.

🤔 Jo Namaz Padhi Thi, Kya Uska Sawab Bhi Milega?

🔸Jo Namaz Padhi Thi, Us Khaas Namaz Ka Sawab Nahin Milega, Zahir Si Baat Hai..Haan, Is Aitibaar Se Sawab, ان شاء الله عزوجل, Allah Ta'ala Ata Farmayega Ki Aurat Ne Ghusl Karke Apni Namazon Ko Shuru Kar Diya Tha.

♦️Yani Jo Hukm E Shara Uske Liye Tha, Jo Shariat Ki Taraf Se Hukum Tha Ki Ghusl Karke Namaz Start Kar Le, Us Hukm E Shara Par Amal Karne Ka Sawab إن شاء الله عزوجل Usko Zaroor Milega.

🔸Lekin Khaas Us Namaz Ka Sawab Hum Consider Nahin Karenge, Kyunki Baad Mein Maloom Hua Ki Woh Darmiyani Din Bhi Nifas Mein Hi Shamil The.

🤔 Kya Nifas Ke Dinon Ki Namaz Aur Rozon Ki Qaza Karni Hoti Hai?

♦️Nifas Ho Ya Haiz Ho, Donon Ki Namazon Ki Qaza Nahin Hoti...Haan, Agar Ramazan Ke Roze Hain To Unki Qaza Lazmi Taur Par Karni Hoti Hai.

Yaani:

🌸 Haiz Aur Nifas Ke Dauran Chhuti Hui Namazon Ki Qaza Nahin Hoti.

🌸 Ramazan Ke Chhute Hue Rozon Ki Qaza Karni Hoti Hai.

Continue… 

Ubaid-E-Raza Official

💦 Taharat Course (Part-421)

🌸 Jab Kisi Aurat Ko First Time Nifas Ki Bleeding Ho Rahi Ho — Is Se Related Masail #04

👉 Ek Aur Misaal Le Lete Hain.

🌹Pehle 2 Din Aurat Ko Nifas Ka Blood Aaya, Phir Agle 30 Days Tak Usko Bleeding Nahin Hui, Aur Phir Ek Din Dobara Blood Aaya.

🤔 To Ab Isko Kya Karenge?

🌷Dekhiye, Pehle 2 Din Jab Usko Nifas Aaya, Aurat Namazein Chhod Degi... Teesre Din Ghusl Karke Namaz Shuru Kar Degi.

🌹Ab 30 Din Ke Baad Jab Dobara Blood Aaya To Aurat Ko Maloom Ho Gaya Ki Jo Bhi Beech Mein Maine Namazein Padhi Thi, Woh Motabar Nahin Hui, Kyunki Delivery Ke 40 Days Ke Andar-Andar Mujhe Dobara Bleeding Start Ho Gayi Hai.

Yaani:

 Pehle 2 Days + 30 Days = 32 Days

🌷Aur 33rd Day Ko Bleeding Ho Rahi Hai, Jo 40 Days Se Kam Hai...To Agar Delivery Ke Waqt Se 40 Days Ke Andar-Andar Dobara Bleeding Hoti Hai, To Shuru Se Lekar Dobara Bleeding Band Hone Tak Ke Tamam Din Nifas Ke Hi Consider Kiye Jayenge.

🌹Ye Bilkul Aise Hi Hai Jaise Aurat Ko Delivery Ke Baad Se Khoon Jaari Raha Ho Aur Abhi Tak Band Na Hua Ho, Yaani 33 Days Ke Baad Jaakar Band Hua... Donon Soorat Mein Koi Farq Nahin Hai.

🌷Bhale Hi Darmiyan Mein Paaki Wale Days The, Lekin Ye Tamam Days Nifas Mein Count Kiye Jayenge...Aur Kaha Jayega Ki Aurat Ki Nifas Ki Habit Takriban 32-33 Days Jitni Bani Hai, Yaani Jitne Din Nifas Ka Ye Silsila Raha, Utni Hi Uski Habit Ho Jayegi.

🌸 Agar Pure 40 Days Bleeding Ho

🌹Aur Agar Poore 40 Days Aurat Ko Bleeding Hoti Hai—Yaani Main Pehli Martaba Ki Baat Kar Rahi Hoon, Doosri Ya Teesri Martaba Ki Nahin..Pehli Martaba Agar Poore 40 Days Aurat Ko Bleeding Hoti Hai, To Uski Nifas Ki Habit 40 Days Ho Jayegi.

🌷Aur Agar Bleeding 40 Days Ko Cross Kar Leti Hai, Misal Ke Taur Par 50 Days Bleeding Hoti Hai, Tab Bhi Aurat Ki Nifas Ki Habit 40 Days Hi Hogi.

🌹Aur Next 10 Days Jo Usko Bleeding Hui Hai, Woh Istihaza Consider Ki Jayegi.In 10 Days Mein Aurat Ko Namazein Aur Roze Wagairah Jaari Rakhne Hain.

🌷 Haan, Agar Second Time Aisa Ho Raha Hai Ki Bleeding 40 Days Ko Cross Kar Gayi, To Phir Istihaza Ki Soorat Mein Previous Habit Dekhi Jayegi..Jo Aage Chal Kar, ان شاء الله عزوجل, Main Arz Karungi.

Continue…

Ubaid-E-Raza Official

💦 Taharat Course (Part-422)

🤔 Jab Kisi Aurat Ko First Time Nifas Ki Bleeding Ho Rahi Ho, Is Se Related Masail #05

♦️Ek Aur Misaal: Kabhi-Kabhaar Aisa Hota Hai Ke Ek Aurat Ko 30 Din Tak Nifas Ka Blood Aaya. Iske Baad 20 Din Tak Usko Bilkul Bleeding Nahin Hui, Phir Agle 5 Din Usko Dobara Bleeding Hui. Ab Is Soorat Mein Kya Hukm Hoga?

🔸To Dekhein.. Jo 30 Din Bleeding Hui, Woh To Nifas Ke Zamane Mein Hone Ki Wajah Se Nifas Ki Bleeding Hui.

♦️Ab Sawal Yeh Hai Ke Dobara Khoon Kab Aa Raha Hai? Kya Aurat Ki Delivery Ke 40 Din Complete Hone Se Pehle Aa Raha Hai Ya 40 Din Complete Hone Ke Baad?

🔸Agar Dobara Bleeding 40 Din Complete Hone Se Pehle Shuru Ho Jaati, To Darmiyan Ke Tamam Dinon Ko Bhi Hum Bleeding Wale Din Hi Consider Karte.

♦️Lekin Yahan Dekhiye Ke 20 Din Ke Baad Bleeding Dobara Shuru Hui, Yaani Delivery Ke 40 Din Complete Hone Ke 10 Din Baad Bleeding Aayi.

🔸Ab Is Soorat Mein Hum Sirf Pehle 30 Din Ko Nifas Maanenge. Aur Darmiyan Mein Jo 20 Din Proper Paaki Ke Mile, Woh 15 Din Se Zyaada Hain. Is Liye Agle 5 Din Jo Bleeding Hui, Usko Hum Haiz Maanenge.

♦️Yaani Ab Yeh Bleeding Haiz Hogi, Kyunki Nifas Aur Haiz Ke Darmiyan Kam Az Kam 15 Din Paaki Ka Hona Zaroori Hai.

🔸15 Din Ka Gap Kab Maana Jayega?

Jab Nifas Ki Bleeding Rukne Ke Baad 40 Din Poore Ho Jaayen, Aur Uske Baad Bleeding Shuru Ho. Is Liye Aapko Yeh Dekhna Zaroori Hai Ke Bleeding Kis Waqt Dobara Shuru Hui Aur Nifas Ke 40 Din Kab Complete Hue.

♦️To Is Tarah Aapko Nifas Aur Haiz Ke Darmiyan Paaki Ke Gap Ko Zaroor Dekhna Hai.

Continue…

Ubaid-E-Raza Official

💦 Taharat Course (Part-423) 

🌹Jab Kisi Aurat Ko First Time Nifas Ki Bleeding Ho Rahi Ho, Is Se Related Masail #06

🤔 Sawal : Agar Aurat Ko 5 Ya 7 Din Nifas Ka Blood Aaya, Phir Kuch Din Bleeding Nahin Hui, Aur Uske Baad 38, 39, 40 Ya 41 Din Tak Dobara Bleeding Hui, To Ab Is Soorat Mein Kya Hukm Hoga?

🌷 Jawab : To Dekhein! Delivery Ke 40 Din Complete Hone Se Pehle Hi Dobara Bleeding Shuru Ho Gayi, Yaani 38vein Ya 39vein Din Bleeding Aa Gayi.

🌹Ab Jis Din Bleeding Band Hui Thi, Yaani 5vein Ya 7vein Din, Uske Baad Se Lekar 38vein Din Tak Ke Darmiyan Jo Din Hain, Un Tamam Dinon Ko Bhi Hum Bleeding Wale Din Hi Consider Karenge.

🌷To Ab Yeh Soorat Aisi Ho Gayi Jaise Aurat Ko 41 Din Tak Lagataar Bleeding Hui Ho.

🌹Agar Yeh Aurat Ki Pehli Delivery Hai, To 40 Din Nifas Ke Honge Aur Jo Ek Din Extra Aaya, Woh Istihaza Ka Kehlayega.

Continue…

Ubaid-E-Raza Official

💦 Taharat Course (Part-424)

🌺Jab Kisi Aurat Ko First Time Nifas Ki Bleeding Ho Rahi Ho, Is Se Related Masail #07

🪷Agar Kisi Aurat Ko Nifas Ka Khoon Aaye, Phir Ruk Jaaye, Aur 40 Din Complete Hone Ke Baad Dobara Khoon Aaye, To Is Soorat Mein Gap Ko Dekha Jayega.

🌺Agar Nifas Ke Baad 15 Din Ka Gap Mukammal Mil Jaaye, To Phir Dobara Aane Wale Khoon Ko Next Haiz Consider Kiya Jayega. Isliye Sabse Pehle Yeh Dekha Jayega Ke Bleeding 40 Din Se Pehle Ho Rahi Hai Ya 40 Din Ke Baad.

🪷Agar Bleeding 40 Din Se Pehle Dobara Shuru Ho Jaaye, To Phir Usko Nifas Hi Ke Hukm Mein Rakha Jayega.

🌺Lekin Agar Bleeding 40 Din Ke Baad Shuru Ho, To Phir Yeh Dekha Jayega Ke Nifas Ki Bleeding Band Hone Aur Next Bleeding Shuru Hone Ke Darmiyan 15 Din Ka Gap Hai Ya Nahi.

🪷Agar 15 Din Ka Gap Nahin Hai, To Phir Darmiyan Ke Tamam Dinon Ko Bhi Blood Wale Dinon Mein Shumar Kiya Jayega.

🌺Chaliye, Isko Bhi Ek Misaal Se Samajhte Hain... Misal Ke Taur Par Kisi Aurat Ko 38 Din Nifas Ki Bleeding Hui. Iske Baad 39, 40, 41, 42, 43, 44, 45 Aur 46 — Yani 8 Din Woh Paak Rahi.

🪷Phir 47vein Din Usko Dobara Bleeding Shuru Ho Gayi, Jo 4 Din Tak Chali. Ab Is Soorat Mein Kya Karenge?

🌺To Dekhein! Dobara Bleeding 8 Din Ke Gap Ke Baad Shuru Hui Hai. Agar Is 8 Din Ke Bajaye 15 Din Ya Isse Zyada Ka Gap Aurat Ko Mil Jaata, To Hum Is Bleeding Ko Next Haiz Bana Sakte The. Yaani Hum Keh Sakte The Ke Yeh Nifas Ke Baad Wala Haiz Hai.

🪷Lekin Yahan 15 Din Se Kam Ka Gap Hai. Aur Jab 15 Din Se Kam Ka Gap Ho, To Pehli Bleeding Aur Is Dobara Aane Wali Bleeding Ko Joint Kar Liya Jaata Hai, Aur Darmiyan Ka Jo Gap Hai, Usko Bhi Blood Wale Dinon Mein Shumar Kiya Jaata Hai.

🌺 Yaani Is Soorat Mein Aisa Hi Hai Jaise Aurat Ko 38vein Din Se Lekar Aakhiri 4 Din Tak Lagataar Bleeding Hui Ho.

🪷Ab Dekhiye: Delivery Ke Baad Pehle 38 Din, Phir 8 Din Ka Gap, Aur Uske Baad 4 Din Ki Bleeding ... In Tamam Ko Mila Kar Yeh Soorat 40 Din Nifas Ki Banegi, Aur 40 Din Ke Baad Jitne Din Honge, Woh Istihaza Kehlayenge.

Continue…

Ubaid-E-Raza Official